هذه القصيده في مقام صاحب السمو الملكي الامير سلمان بن عبدالعزيز امير منطقة الرياض حفظه الله ورعاه
ياسيدي سلمـان والمـدح يزهـاك=لك فالشعر تاريخ حافـل وسيـره
الجود جودك والعطايـا عطايـاك=الطيب لك مشهود في كل سيـره
يامير يامير الوفى مـن مزايـاك=مفراص ماصن فالامور العسيـره
تاقف مواقيفك على عـزم ودراك=في مجلسن فيه الجمـوع الغفيـره
حميت نجد الله يحرسك ويرعـاك=بمصقلاتـن مرهفاتـن شطـيـره
سموك ياسلمـان والعـز سمـاك=قدت السرايا وحتميـت القصيـره
تسقي اعداك السم من فعل يمنـاك=يابوفهد راحـت عليهـم كسيـره
من فضل ربي خاب هذا وهـذاك=يالله عسى فالامر خيـرن وخيـره
الحكم حكم العود والنـذل يفـداك=تايه وخان الدار واعمـى بصيـره
حنامعك يامير نمشي على رضاك=حنا الاصول الواضحات المنيـره
نعلن ولانا وان قسى الوقت ننصاك=بالاولـه والتالـيـه والاخـيـره
شعب وفى بالفعل ماهوب يخفـاك=ماهوب سردن في قنـاة الجزيـره
يابوفهد محـدن يسـوي سوايـاك=ينام شعبك وانـت عينـك سهيـره
ياسيـدي يـدوم عـزك ويحمـاك=للمعضـلات الكايـدات الكبيـره
ياسيـدي الله يـسـدد خطـايـاك=بجاه الذي نبـدي عليـه السريـره
اميـن ياعالـم تدابيـر الافـلاك=تضفي على نجد العذيـه ستيـره
25-07-2005, 03:43 AM
العرض العادي
