الى العضو الخويطري مع التحيه

[تركي]

بسم الولي نبدا المثايل والامثال***********رب (ن)خلق كل النفوس وكفلها

رب(ن)خلق في الناس اجناس واشكال*********احد(ن)يعز النفس واحد(ن)رذلها

واحد لخويه يبذل الروح والمال********واحد(ن)مواثيق الصداقه طملها

وباقلهم انواع في عز وجلال********وباقلهم انواع واجد زللها

واذا اجتمع دين ومراجل برجال*******قرة مطاليع الثريا نزلها

واذاخسر دين ومراجل ولو طال*******جوف الثريا ينزل ولو عاش اكلها

قلته وهذا صدق والصدق ينقال*******والدين وصا كلمة الحق قلها

والي حداني اتبع ارسال برسال******رجل مواثيق الصداقه جهلها

ولا هي غريبه يوم اداريه فالحال********لجل الرجال اترك خثارق هبلها

ماهو بكفولي وحتيش لو قال*******الحر عينه في مواكر جبلها

وانا عتيبي كان عدت بالافعال*****الطيبه تلقى العتيبي فعلها

في نسل ناس تفخر العم والخال******برقا وروق اهل المواقيف اهلها

كبيرهم تلقاه للميل عدال******وصغيرهم لاقال حاجه زهلها

مالو على عربان في قاعه الخال*****واخذوا شواهيق الجبال وعبلها

ويوم العزاوي كنها وصف همال*****على طلال جموع ربي خذلها

ويوم على عروا بالقفا والاقبال******ناسن غزونا ثم كسرنا جملها

وايام في حصن الحسا كل الاقفال******مافكت الي لا غزيله قفلها

وايام في وادي الرشا شب شعال******كم روح جالها من نسلها

وايام في مكه وجده تورسال*****سقنى الشريف ولاانفعته دولها

هاذي رموزن ماتبي زود تفصال******عن فعلنا بالفعل نقدر دبلها

واليوم في حكم السعودي هل الفال******كلا يقول انا الوليده انا الها

والخاتمه ياللي تحملت الاثقال****جتك العلوم وصرت مضرب مثلها

وتراك تاتنشد عن القيل والقال******ويوم القيامه كل نفس وعملها



ويعلم الله اني لا اقصد الا الذي انته تعرفه

[فيصل بن حجرف]

السلام عليكم
اخوي تركي صح لسانك وادري انها موجهه للخويطري ولكن اجبتني كلماتها وحبيت اعلق عليها

ولك مني كل التحيه

[تركي]

الف شكر لك اخي العجمان على المرور ولا هنت



الخويطر انا اسف وشاكرلك على التوضيح وارجواا ان القصيده ماتفهمها غلط.......

[الخويطري]

صح لسانك ياتركي

وولاهنت على القصيده , والمعنى في بطن الشاعر

وونعم بـ عتيبه , وابشر بالرد الطـيـب

تقبل خالص تحياتي

[هند]

الأخ ( تركي )

أعذرني أخي على التطفل
ولكن هذي الكلمات الرائعة أجبرتنا على الرد
صح لسانك ، والله لا يهينك


لك تقديري
السؤدد

[تركي]

السلام عليكم

الخويطري صح بدنك ولاهنت ياذيب .وانا ناطر مجاراتك

السؤدد يامرحباا والف هلا طال عمرك هذا مو تطفل بالعكس هذا طيب منك

لاهنتووووو مليووون

[سياتل]

كفو والله يا تركي
و عتيبه من القبايل الي لها وزنها بالجزيره العربيه ولا هي في حال مدحي و مدحك.مكتفيه بتاريخها عنه.
طبعا مداخلتي ماهي عشان اقول لك قصيده حلوه او او كلمات جميله فانت عارف رأي في مشاركاتك الشعريه.ومازلت عند راي بانك من الشعار الي بيكون لهم شان كبير بالمستقبل.

لكن مداخلتي لاسأل عن سالفة القصيده واللي هيظك على كتابتها.

تحياتي
سياتل

[تركي]

السلام عليكم,,

اشكرك ياخوووي سيااتل على المداخله وكلامك ومدحك كل من طيب أصلك ياالذيب ..
وانا والله حبيت المنتدى من اول يوم دخلته لأنه غير المنتديات الثانيه اللي والله المشاركه فيها تضر ولا تنفع .
وصدقني مافيه شي هيضني غير شغله عدت وانا كنت فاهمهاا غلط والله فهمتهاا غلط وبعدين تأسفت لخوووي اللي صدره وسيع اخوووي ((الخويطري))
ونعم مليوون فيه وفيكم ..
وصدقني انا مجرب كذا منتدى لوواني كاتب القصيده بمنتدى ثاني كان من اول يووم مشطووبه ولكن من سعت صدرك وصدر اخووي بووفيصل والمراقبين كلهم ..

واخيراا اقوولك صدقني مافيه إلا سلامتك ياخووي سياتل ..


ونعم مليووووون بعيااال مرزووق وصدقني بخلص الكلام وماوفيت لهل القبيله حقهاا بالمدح لا انا ولا غيري

واعتذرلك كان في القصيده شي قاااسي (((انا أسف ياخووي))

[سياتل]

اخوي تركي
الطيب ما يجي منه الا الطيب وانت لو حاولت غير ذالك و حاولت تتردى صدقني انك
ما تقدر .
بعدين الي بينك و بين الخويطري شي محد عارفه غيركم و انا اكيد انه مجرد سؤ تفاهم.
لانكم يا الاثنين من اهم و اكثر الاعضاء محبه و احترام.
و اعتذارك له شي خاص فيكم .
لكن اعتذارك لنا فلست بحاجه اليه فحنا جميعا ما شفنا منك الا كل طيب. وانا اكيد انك ما تاسفت الا لانك حسيت انه ممكن قصيدتك تحس خطرنا و لو بالشي البسط.لكن وانا اخيك اعلم ان حنا ما نستشك لا فيك و لا في انفسنا.
و قصيدتك تمجد و تمدح فيها بني عمك اللي يستاهلون المدح
و استفساري كان من باب الفضول.
لاني ما شفت فيها شي يمس ناس عامه ولو ان فيه ابيات تتكلم عن شخص بذاته.
لكن كما قيل المعنى في بطن الشاعر.
اعيد و اكرر قصيده رائعه و ماهي غريبه عليك و ما تمس لا العجمان و لا غيرهم بسؤ او قذف او تجريح.
و للعلم فقط.
لو فيها و لو شعره من الي ذكرت بحق العجمان او اي قبيله اخرى لكانت قد لغيت.
لان العرف لدى جميع القبائل عدم المساس و السب لاي قبيله سواء الغالب او المغلوب .
بل بلعكس كانو يمجدوا اعدائهم و خصومهم و يمدحونهم.
و حنا ما بينا لا عداوه ولا خصومه.
بل اخوه وزماله للرقي بمنتدانا كلنا عجمان وغير عجمان و كل من فيه خير.

تقبل تحياتي
سياتل