شباب هالوقت!!!

[فيصل المشوط]

السلام عليكم ورحمة الله وبركاته

اكتب موضوعي هذا بدون قصد احد و ليس كل الشباب تنطبق عليهم اللى انا بكتبه

بس قله بسيطه او بالأصح الجيل الجديد يعني الموضه ولا احد يفكر اني اقصد

ناس معينه بالموضوع هذا هذا اللى انا شفته بعيني بكتبه عن بعض بعض بعض الشباب


1 المستقبل

عند بعضهم المستقبل هو سياره جديده وتلفون جديد وبس

2.الوضيفه

تلقا ماعنده رابعه ابتدائي ويقولك انه جامعي ويسوي نفسه فاهم في كل الامور يعني

تكلمو عن الطب دخلك في موضوع الطب وحلل وشخص الحاله وابو الشباب حاط رجل على رجل

فتحو موضوع المك********ه قال لك شيل كذا وكذا وعمل كذا وحط الكيبات مرسيدس على نسيان
تطلع احلى ياسلام سلم

فتحو موضوع عن الاجتماع والاسره طلب ابو الشباب دكتور نفسي ومحلل ياعني عليه

3. الكذب

يالله يالله يالله على الجيل الشباب الكذوووووووب .. مايعرف يتعذر لا يكذب على طول والكذبه في مخباته على البرد يعطيك الكذبه واللى يدبل الكبد انك تعرف انه كذوب وانه يكذب على نفسه وهو مايدري

4. المغازل

هذي حياته اليوميه تلقاه يفتر من سوق الى سوق لا ومخسر ابوه كل اللى وره ودونه عشان الكشخه المخادعه تلقاه جندي في الجيش او في الحرس الوطني او شرطي وبس يرقم بنت يرقمه وهو مسكر حلقه عشان ماتشوف ظروسه الصفر ونص الاسود اللى مثل شكله على طول يول له

ظابط في المكان الفلاني ويصدق نفسه ويستمر في الكذب لين الله يبليه في شر أعماله وتطيح عليه البنت بس بعد ويشهو بعد خراب ملطا

وياويله اللى تضحك بوجه في الغلط بس صدق نفسه وخلاها تكره السوق واللى سوى السوق واليوم اللى جات فيه الى السوق ومن محل الى محل ويترزز عند باب المحل تقل بريعصي نخل لا واللى يدبل كبدك مايضحك عشان ماتشوف الابتسامه الجميله بس يلعب في حواجبه اللى تقل شيش كباب

واخر شي المسكينه المغضوب عليه غصب تاخذا الرقم واذا ماخذته كسر جام السياره بتشفيط

5. الابداعات

تجي عند الشعر تقاه شاعر يسرق من الجرايد ويحفظ ويقول حق ربعه وهو خبول مثله يصدقونه
تجي عند الدوام يسطف الصبح اذا كان عسكري مو مغسل وجه المسكينه امه مقعدته من النوم او الخدامه بعد معانات مريره والام مصدقه نفسه تقول عندي ولد ليتش ماحملتي فيه ابرك
والستره لون والبنطلون لون والله يعزكم البسطار لون والدلاق لون وكل شي فيه لون

اما اذا مدني المسكين يقد من الصبح وقدام المنظره بس ساعه ونص عشان يعرف شلون يضبط الشماغ او الغتره او يدق على ولد جيرانهم عشان يجي يعلمه او يجيب صورة ابوه او اجد الفنانين ويقلد النسفه مسكين

واذا داوم يوم غاب عشرة ايام والعذر امي مريضه ابوي مريض مساكين الوالدين كل شي فيهم

هذي سالفه حقيقيه مره في وكيل ضابط على تحضير العسكر وعنده واحد من هالشباب غايب ثلاثة ايام وبعده الخميس والجمعه صارو خمسه فالما حظر على الدوام سأله الوكيل وينك يافلام قاله والله والوالد عطاك عمره المسكين صدق وطوفها له وبعد فتره سافر العسكري من غير علم اهله خاف عليه جاي ابوه يسأل خاف عليه سأل الوكيل عنه قاله ولدك يقول انك متوفي رد عليه الوالد حتى انت طحة في كذبه

كثير من هالامور تصير وغيره والجيل اللى مافيه العادات والتقاليد وعدم التوعيه من بعض الاسره
وانا اقول مو الكل البعض

كل صوب والسوق صوب ثاني لا يدخل السوق ياجماعه الماي بلاش والتفصيل رخيص جدا جدا
بس اخون ماخذا عهد على نفسه انه مايمر عليه مثل كذا اللى بعد مرور اشهر او سنه

والثاني اشترا سياره وراح يدور له على كفيل وبعدها جنن الكفيل وضرب على الدوام وبتلش الكفيل وكل يوم في كذبه جديده والى ماله نهايه لا واللى يدبل كبدك ابي اعرف عندك ايميل ليش تحطه على سيارتك يعني شنو شوفوني ترا اعرف حق الكمبيوتر او طريقه جديده حق الترقيم او خبال

والكستكرات والمسجل العالي لا واجنبي ولا يعرف كلمه وحده بس على الايقاع يرقص ابو شباب
او مغيم الجام او تارس سيارته غبره ليش تغبيره ياسلام سلم وهذا وغيره من الاموار الكثيره والله شي يحير انا بقول لكم سالفه معي انا

دق على فيصل بن حجرف قالي مبروك ربحت سياره وبالفعل رحت وطلعت سياره من نصيبي وبعد فتره بسيطه بعت السياره على صديق وانا مرا هذا الصديق لقيت اخوه الصغير في الدوانيه وجلست انتظر صديقي والاخ يكلم في التلفون (الصاحبه ) يقول له مادريتي اخوي ربح سياره نوعه كذا وكذا وانا اطالعه ....

اخر شي اهو الاهم وهذا الى البنات بس مو الكل البنات وليس كل الشباب بل قله بسيطه منهم

(الصاحبه) في نظر اللى تعرفه شي على الماشي ولم تزعل معاه صدقيني راح تلقا منه الفضيحه والخراب ودمار وياويله لو عنده صوره له راحت فيها مع السلامه ياعصفور افندي

اما الى الشباب البنت ماهي ناقصه شرا وجنب كيدها خلك كذوب بس بعيد عن اهلك وعلومك الطيبه والله لايبلشك في وحده خبله وتجيك في عرسك وتسويلك تفجيرات الزرقاوي

ورد واقول ما اقصد احد بس شي شفته في عيوني وقلت ابي اكتب عنه وانعرف شنو الاسباب اللى جعلة هذا الجيل في النحدار شديد

ومع السلامه والله يسترا علي بعد هالموضوع