ارجو ان تحوز على رضاكم ياضميري لو تغيـرك المظاهـر والأسامـي =كان يمدي هامتي يخضع لهـا سبعيـن هامـه مير لا تضعف وعرضني متاهات ومضامـي =لا تغرك ضحكـة الدنيـا وتغريـك السلامـه لو تشبع فاقت الجايع وتـروي كـل ضامـي =الزمـان أمـان والأمـان يلحقنـي مـلامـه ياضميري كـل تفكيـري وهمـي واهتمامـي =في رضى ربي وقدر الرجل وحبـال الكرامـه ماقضيت العمر في وعد الليالي مـن غرامـي =لين سامحني حلال الوقـت واجبرنـي حرامـه وهجرتنـي لـذة الراحـه وحاربنـي منامـي =ابتلاني واهـج الهاجـوس والليـل وظلامـه يوم احن ويـوم اون ويـوم ياخذنـي هيامـي =من فيافـي نجـد لعيـون الحسـا والا تهامـه ياضميري من دروب الظن ناحلة(ن) عظامـي =مرت سنيني على ما قيل مـن جـرف لعدامـه وادري ان اكثر قلوب الناس تفـرح باتهامـي =وادري ان الرجل محسوب(ن) على عمره كلامه واعرف الاقـدار وارضاهـا وبالله اعتزامـي =ما اترجى من وجيه الخلق والعيـش ونظامـه ولا حنيت الراس لاصحاب المظاهر والاسامي =وان حنيتـه لا بعثـه الله فـي يـوم القيامـه
يوم احن ويوم اون ويوم ياخذني هيامي من فيافي نجد لعيون الحسا والا تهامه يعطيك العافيه اخ فهد وقصيده جميله جدا ,,,,,,,,,,,,,,,,؟؟؟؟ لا تزيد المواجع (تذكرني في تهامه)هههههههه
ffahad صح الله ألسانك ولاهنــت ياطيــب تحياتي,,,
صح السان شاعرها ويعطيك العافيه على ما نقلت لنا
الأخ القدير ، فهاد رائع مااخترت لنا صح لسانك ولسان شاعر الأبيات في انتظار القادم السؤدد
اللة يعطيكم العافية
تصميم : طريق التطوير لحلول الإنترنت والتصميم DevelopWay.com
العرض العادي
