|
مصافحه اولى((مروبع مدوبل))وصف كلية التربيه كيفان
السلام عليكم
يشرفني المشاركه بمنتدى العجمان
واتمنى ماكون ضيف ثقيل عليكم
..........................
طلب مني أحد الاخوان توصيف ممر بكلية التربيه (كيفان)
وقلتله راح أحاول أوصف الممر بمحتوياته وتحديد جهت قاعاته
وصفتها ولله الحمد وتعديت بالوصف لممر ثاني
وأتمنى انها ترضيكم هالقصيده وهي مروبع مدوبل مدوبل
على أربع حروف بثمان حروف الاساس(الالف والياوالواو والدال)
والثمان(النون والتاء والراء والكاف والهاءوالدال والفاء والقاف)
وأتمنى تحوز على رضاكم :-
فكرت في عزف المعاني والالحان
عزفن يليق بها حلا سيد الابدان
اللي حلاها معدلن كل ميزان
لعيونها نعزف بزين الطواريق
شعرن وردف الزين والصدر والعين
خصرن وساقن يتعبك لوبعد حين
من شوفها شابت عيون الرضيعين
وهدت جبال إجا على الكشب وطويق
هذي تواصيف الحلا بعقل مجنون
مروبعن مدبول مدبول بلحون
يالله يامعبود ياخالق الكون
تستر عليّه قربت يبسة الريق
هذي بداية قصتي يوم عدن
لمبنى الاصول الباب بالحيل ودن
صوب اليسار ودوجن ثم ردن
للتربيه عن عين ناسن ملازيق
وانا على الكرسي وهي هات هي هات
مكينة الببسي على الوجه بسكات
والعين فيهن والحشا فيه ونات
يازينهن والله من دون تفريق
من عقبهن مديت رجلي وعديت
سحبت باب التربيه عقب مديت
على يميني درجن أحمر وشكيت
يمكن تطفي والعات الحراريق
مديت عيني ثم جريت بالصوت
راحن عن عيوني وجت حزت الموت
لكن قلبي قال مافاتلك فوت
دور وتلقا لابسات البخانيق
ميه وواحد شدت الرجل شدت
على يميني ثم شفت وتوكدت
رجلي تروحلها وبعدين ردت
ماهن بها والقلب صاربه تشقيق
وقفت أفكر بس ويش الذي صار
على يميني لا ولكن على يسار
ميه وسطعشر ولا طير به طار
أيضن ولا جاته ربوعن مطافيق
واسرعت في مشيي وانا معطي السير
على اليمين ثنين بعد الميه خير
بس البلا ماشفت لو جرت الطير
حظي واعرفه مايلن يامطاليق
لكن فز القلب من علم مخبور
خمسة عشر ميه على يسار به نور
لقمه ونشبت ياعرب داخل الزور
واضرب على الكفين واشهق تشاهيق
ميه وثلاثه في يميني مقدر
دكتور بالقاعه وهرجه محدر
والطالب اللي سامعله تودر
لا فاهمن هرجه ولا لشكله يطيق
على اليسار وقلت يارب نلقاك
بالقاعه اللي مابها كود حلياك
اربع عشر ميه ترحب بملفاك
وين انت عنها يوم جتها صواعيق
على اليمين وقلت ربي يهنيك
انكان ميه واربعه يوم الاقيك
ياسعد عيني لجلها حيل وابيك
والدار خليا بالقفول المغاليق
هذا على يسار ترى الباب مصكوك
دكتورتن تشرح مقابلتن الشوك
ميا وثلطعشر ولاجتني شكوك
القاعه اللي سببتلي تواهيق
كلمت قلبي قلت ياقلب ودك
رد متضايق قال ياشيخ حدك
مال الغلط عندي تراني بردك
حتى ولو عينك تغارق تغاريق
أضحك معك ياقلب يازين ملفاه
يفرق عن العالم تواصيف حلياه
مشكاي لله ياعرب كيف بنساه
غرون سلب عقلي وخلاه في ضيق
ناضرت في عيني وشفت البليه
صندوقن أحمر للحرايق مطيه
على اليسار وماسكه في يديه
مستغربا ياكثر ذيك الصناديق
وأمشي واحسب خطاه واقول معتوه
لميه وخمسه في يميني وخلوه
تكفون ياعربان لالا تلوموه
قلبي تعلق في جميع المعاليق
ميه على ثنعشر ترى القلب وده
على اليسار يشوف شين وشده
شده على غفله ورنه وهده
ثورن عضلاته لها لمع وبريق
ميه وسته قلت وش عاد وش عاد
من بعد ثورن قلت ماظن ينعاد
على اليمين اليا حصل فيه ميعاد
خليا ولا جتها ربوع العشاشيق
على اليسار وقيدوها بتقيد
ميه إحدعش وجمدوها بتجميد
ميا إثنعش سيد عليها وهو سيد
قاعه لدت كمن ونت المدافيق
هذا وانا طالبك من غير منقود
قلبي طري توه تراه أخضر العود
لميه وسبعه في يميني وبشهود
دكتورتن تشرح لناسن مدانيق
على يساري به ممرن واحدد
خمسة عشر مترن وشخصن يهدد
واقولله بلاه يالليل ردد
ربي وربك خالق الناس والنيق
ماهمني دامه موقف على خلاف
واجر صوتي واضرب القاف بالقاف
هذا وانا سيفن ومن صلب سياف
ساق الضعن يوم الضعن كانت تسيق
على اليمين وشفت لمعات من سيف
ميا وثمان اللي كثار الغداريف
بس الهوى من بينهن مابعد شيف
رحنا ندورها ومن غير تعويق
على اليسار أربع مكينات بالشوف
يمكن ثلاثه لاحصل منهم الخوف
تسرق وتنهب لاحصل فيه مصدوف
وليا انسرق لا بد فيها تحاقيق
ميه وتسعه في يميني واهدف
يمكن بها زين التواصيف نصدف
ثم أركبه مهره خلافي وانا اردف
يلي حلاها شلق القلب تشليق
على اليمين يسار فوهة الاحراق
وانا خفوقي مولعن فيه حراق
متقابلاتن قلت في لحظة عناق
يالله عفوك كان بالعلم تطبيق
هذا ترى قلنا مصلى الغرانيق
اللي حلاهن يجلي الهم والضيق
على اليمين أدعي لهن كل مافيق
ربي طلبتك يحفظون المواثيق
شد النظر شين وانا قول غرنوق
غرنوق ثم غرنوق والعين والشوق
لقيتها بعد التعب قاعده فوق
على الدرج يمناي سرب الغرانيق
فجأه تقول السايق الحين ويدق
لربوعها والقلب من ضيقته دق
ودق السويق قلت والله تصدق
راحت وخلتني وقلبي لها ويق
وسلامتكم
التعديل الأخير تم بواسطة يوسف الشاطري ; 17-03-2004 الساعة 12:23 AM
|
17-03-2004, 12:21 AM
العرض العادي
