مســـــــــــاكم الله بالخير ،،
وش اخباركم ؟؟
هذي اول مشاركه لي في المنتدى واتمنى ان اكون ضيفة خفيفة على قلوبكم
استلموا
ليه المسـا عـوق الشـقاوي وطبـــّه ؟؟
وليـه الهبـوب تصـحي القـلب لابـــات ؟؟
وليه القمـر يدعـي جريـح المحبـّه ؟؟
يقول له: ياهيـه مافـــات مامـــــــــات ؟؟
جرحك ظهر لو قلت للوجه خبّــه ،،
وللحـزن في ضحـكك رسوم وعلامات !
وليه المطر بالذات ريـحه وصبّه ،،
كنه رسـولٍ بين الاحبـــــاب بالــــذات ؟
أشتـاق فيه لـ شوفتـك وآتنبـــّـه
للي نسيـته من مواقـف ونــــــــــظرات!
لاستــانـس الخافق ذكـر من يحبـه،،
ورجع يراجـع في الوناسـات مافــــات !
هيــهات ينسى القلب شخصٍ لعبّه،،
وهيهات يدلـه خاطـرٍ منك هيـــــــهات !
سبــك مديح ،،ومدح غيرك مسبـّه ،،
تقول وإذني صوتها تــقولك هــــــات !
ونبع الغـــلا عندك وعندي مصبـّه ،،
ومن الولا ،، في خافقي لك ولايـــات !
وطيـفك حطب عيني وعيني مشبّه ،،
والشـوق بردٍ مانقطع لو لحــــــظات !
ومكانك الصـدر ولك القلب شبـــّه ،،
بين الضلوع اللي فردها التنهـــــات !
ولك بيرقٍ فالقـلب حبـّك يهبــّـــــه ،،
شامخ ولاهـزّه من العــذل غـــارات!
محبتــك في الوقت ذا ماتشبــــّــــه ،،
الا بخيمـة بدو بين العمــــــــــارات !
ان شفتني ضايــق واهوجس وأسبّه ،،
اخاف غدر الوقت ،،وللوقت دورات!
لاتحسـب ان دمعـي نزل دون سبـّه ،،
ابـكي من الفرقـا وهي مابعد جـــات !
اليـوم كل امورنـــــــا مســـــــتتبـّه ،،
وبكره ماندري وش معه من مسـرات!
أرب ان قلبك مثل قلبي أربـــــــّه ،،
مايخلفـــه كثر العذل والمســــافـــات !
وتمت لشاعرها محمد بن حمد آلفطيس المري
02-05-2005, 11:03 PM
العرض الشجري