السلام علاكم
كيفكم
وحشتكم طبعا مافيها كلام تمنيتوا موضوع مني من زمان
>>>>>>>>>>>> وحده واثقه من نفسها بقوه
المهم لا يكثر
قعدت افكر بموضوع ومالقيت
قلت خلني اقولكم محادثات العجايز عندنا
مو هو العجايز الي خبركم الحريم بشكل عام
محادثه بين الاولى والثانيه
اقولكم احسن نسميهم وشنختار اسماء اصبروا بشور احد مابعلمكم بحريمنا عيييييب
رقيه ومزنه
رقيه : كيف امسيتي يامزنه
مزنه : يامسا النور والعافيه
رقيه : كيف حالك
مزنه : بخير يامال الخيرانتم كيف حالكم
طبعا ماتعطيها اجابه تدخل بسؤال ثاني
رقيه : كيف حال عيالك وابوكم واهلك على حسك ( هذه اهم عباره على حسك هههههههههههه يعني على اخر عهد لك فيهم او على خبرك )
مزنه : والله الحمدالله كلهم بخار (يعني بخير ) لاتدققون كثير تراني كتبتها بنفس اللهجه
رقيه : وكيف حال خواتك وعيالهم وجيرانكم والربع كلهم على حسك (سبق شرحها انظر للاعلى عجبتني انظر للاعلى )
مزنه : والله ياربي لك الحمد كلهم بخار ... انتم كيف حالكم
رقيه : بخار الحمدلله
مزنه : كيف حال عيالك وابوهم واهلك على حسك
رقيه : الحمدلله كلهم بخار مار الرجال تقاعد وامتحنا والله اني ندمانه اني ماخليته يتزوج يوم بغى الزواج
تدرين ياوخيه الي تكره وحده تدعي علاها ان رجالها يتقاعد اعوذ بالله يحقق بكل شي وكل شوي داخل عليه المطبخ وشطبختي وهذا ليش طايح وهذا ماهو مكانه والله اني طفشت منه
الي 25 سنه في المطبخ اسوي شغلي مرتاحه ذحين جاي يبي يعلمني شغلي
مزنه : ياعزي عنك ولاه مايروح مع خوياه
رقيه : ابك ينادونه مار مستقرد مايبى يروح مغير قاعد عندي يراقب فيّه
مزنه : يالله الصلاح منك اشتروا له غنم خلوه يتسلى فيها
رقيه : قلنا له عيا والله انه تشوق للفكره مار جاه واحد وقاله عن حرامية الغنم وانفجع وكبها ( تركها )
مزنه : ايه والله يالحراميه هالايام منتشرين يقولون عجوز ضعيفه يوم جوا وهي مذبوحه في بيتها
وسارقينها الله لا يربحهم
رقيه : لا ياشيخه ياعزي عنها وماعندها احد عيالها وينهم
مزنه : لاوالله عيالها متزوجون وكل واحد في بيته بيوتهم كلها سيراميك وهي ضعيفه بيتها حالته حاله
رقيه : ايه الايام هذه البيوت كلها كذه
مزنه : ايه شفتي منيره سوت بيتها مثلهم
رقيه : بالله متى والله مادريت يافرقى يامنيره ( يعني استهانه فيها انه معقوله تسوي هذه كذا)
مزنه : ياخي والله الواحد ماعاد يشوف الا البلاوي رجالها على قد حاله وتشرط فيه
رقيه : لاحول ولا قوة الا بالله ياخيه هم وشبهم الحريم مايعقلون
مزنه: مدري وانا اختك اقول ابو عيالي جا بروح احط له الغدا
رقيه: ها مع السلا مه مع السلامه
مزنه : مع السلامه
طوط طوط طوط طوط طوط
المستفاد من القصه
كلام مال امه داعي
هروج على قلة سنع
حش بالناس
وسالفه تجر سالفه حتى نسوا السالفه الاصليه
هذا هم الحريم وانا وحده منهم هههههههههههههههههه ترى الموضوع صدق لم احرف فيه يعني
ضفت لي بعض فكاهاتي ههههههههههههه
المهم عسى ماثقلت عليكم وكان موضوع من المواضيع التي ترسم ابتسامه على الوجيه الطيبه الي انا
احبها
01-05-2005, 03:57 AM
العرض العادي
