الأعلام هو وجه المجتمع ومرآته في كل زمان ومكان؟!
ولكن أعلامنا وخاصه الثقافي (رايح فيها)والشواهد كثيره؟! ولا يكفيه مقال واحد.
ولكني شدني لقاء أجري مع الشاعره اللتي دخلت عالم الجمال؟! من خلال الشعر كما قال الصحفي اللذي أجرى اللقاء معها في مجلة المختلف شهر فبراير2005؟!.
اللقاء كان في صفحتان أخذت صورها أكثر من 70% من المساحه؟!(حشى دعاية شامبو ولا كتالوج أزياء).
وبدى اللقاء وكان السؤال الأول:
- ما شعورك بعد أول أمسيه أقمتها بعد تجربه قصيره مع الشعر؟
- ارتفعت معنوياتي بشكل كبير خاصه عندما تجمع الجمهور حولي ومنعني من الخروج وهو يبدي إعجابه بقصائدي وحضوري وطريقة إلقائي حتى أحسست أني (راشد الماجد)؟!
مدري وش تفهمون من هالكلام؟! مسكينه الجمهور تجمع حولها ومنعها من الخروج(مدري شلون المنع) باليد ولا بالدف ولا شلون .
بعدين يعجب بقصائدها يمكن؟!
يعجب بحضورها؟!اكيد100% ماشاء الله عليها (عروسة باربي) من كثر المكياج؟!
يعجب بإلقائها(اكيد ) مياعه وتميلح وتسبيل عيون؟!الله لا يلومهم.
بس انها حست انها راشد الماجد؟!شي ممتاز أن طموحاتها وقدوتها ومنتهى أحلامها تكون مثل راشد ولا جماهير راشد؟!.
بس بصراحه انا عن نفسي ودي الناس تحبني وودي أكون او على اقل تقدير يكون عيالي مثل الشيخ عايض القرني ولا الشيخ سفر الحوالي.
والسؤال الثاني كان عن قرار المشاركه في الأمسيه الأولى لها.
ردت وقالت أرتبكت في اول قصيدتين بعدين بعتها؟!
قسم بالله تحس أنها مقابله مع (سواق تريلا) ولا مع (عربجي)"
على فكره وش قصدها من كلمة باعتها؟!
وهل قصدها فعلا هو نفس معنى الكلمه او انها قالتها عن سذاجه؟!
وسألها عن طموحاتها؟
وقالت أن أصبح شاعره وتحقق؟!
سبحان الله لو الشاعر احمد شوقي مدري حافظ ابراهيم عايش اللي كتب:
الأم مدرسةٍ اذا أعددتها.........أعددت شعبٍ طيب الأعراقي
حي ما مات كان قال يستثنى من هذا البيت هديل العلي. أقصد الأم اللي طموحاته أنها تكون شاعره ؟!
الا ترون أن الطموحات كلمه كبيره؟! ولا بد أن تكون الأهداف والطموحات أعلى وأكبر و أسمى من ذلك.
وسألها عن النقاد؟
فقالت لا أحب الأنتقاد لأنه يصيب الشاعرة بالإحباط؟!
اجل مدري شلون بتنجحين اذا ماتبين أحد يقول ينقدك؟!
وسألها هل تفخرين بشعرك؟
قالت طبعا..أحس انه غير. <<<<<<
صراحه وانا اقرى هالإجابه تذكرت المثل اللي يقول(مادح نفسه يبي له رفسه)
وسألها إذا تجمع حولك الشباب؟
قالت إذا كان التعامل راقيا لا مانع؟!
أمحق راقي؟! الشباب وش يبون فيك؟!وبعدين وشلون يكون راقي؟!
مثلا يقول لك ممكن اتعرف ؟ولا يقول لك ممكن تاخذين الرقم ولاوشو السالفه؟! (بديت أخربط )
سألها متى تتزوجين؟ وكنه سائل رجال؟!اول مره أعرف ان البنت هي اللي تخطب.
قالت ما ودّي اتزوج.. مرتاحه بوضعي (خوش إجابه) بس أخاف أنها مسكينه مثل سالفة اللي مايطول العنب.
والظاهر اذا كنت باخذها بسوء نيه؟!ابوها طيب زياده عن اللزوم؟!!صادقه ليه تتزوج.
طبعا كان مبررها أن أغلب المتزوجات يواجهن مشاكل؟!وهذي الإجابه يدرجونها في علم الفيزياء تحت معادلة(اللي مايطول العنب حامضٍ عنه يقول)
سألها عن هواياتها؟
قالت الشعر والأنترنت والسباحه في البحر؟!
مدري في أي بحر تسبح ؟! وأخاف انها مثل سالفة الأمسيه اذا بغت تسبح تبيعها بعد . بس طبعا مانبي نظلمها أكيد انها تسبح بميوه مثل العبايه (ساتر مره)و أكيد ابوها شاري لها بحر وحاطه في البيت ؟!
سألها عن ملاحظاتها عن الساحه؟
صراحه محمد العتيبي الله يصلحه سؤاله هذا فيه خفة دم مررره وهبل في نفس الوقت؟!
ورد هديل من جد غير.
قالت هناك مبدعون لم يأخذوا حقهم؟!
طبعا أكيد ماراح ياخذون حقهم مدام مثلك يفرد له صفحتين.
وفي النهايه تقول أحلى لقب قيل عنها (الشاعره الذهبيه).
بس تبون الصراحه تستاهل فعلا ذهبيه في الشكل؟!
اما المضمون فهو (حديد مصدي).
انا الحمدلله ماني بنت عشان أتهم بالغيره لأني كتبت عنها؟! وايضا لست شاعر؟! لـ أغار من شاعريتها.
وفي النهايه لا أقول الا
عاشت هديل العلي
عاشت نهى نبيل
عاشت بشاير الشيباني
عاشت نجاح المساعيد
7
7
7
7
7
7
منقوووول
10-03-2005, 12:48 AM
العرض العادي
