ما أقدر على فراقه !!

سند · #1 14-02-2005, 04:36 PM

السّلام عليكم ورحمّة الله وبركاتّه..وبعد

ارجوو ان تنال على اعجابكم ورضاكم ... القصيده طبعاً :")

سر ياقلم قلبي تهيض بطاريه // الصاحب اللي صار وصله محالا

ما أقدر على فراقه ولاني بناسيه // وعنه نحوني منوخين الرجالا

حبه سكن وسط الحشا ولتجا فبه // وصارت لواهيبه تزيد اشتعالا

دايم خياله قدم عيني أراعيه // ولا فارق عيوني حسين الدلالا

سبحان رب بالمحاسن محليه // صنعة الهه الكون جل وتعالا

عينه كما عين أشقر الريش كاسيه // حرن ومنزاله بروس الجبالا

خرس هدبهن واصلن نص خديه // من شافهن يرخص كثير الحلالا

ووجهن تشبه بالقمر في مواريه // يشع نوره مثل برق الخيالا

ومبيسمن لامن تبسم معاليه // يكشف ثمانن مثل لولو تلالا

لامن هرج قلبي على الود يحييه // عذب وله بالقلب قدر وجلالا

ولامن سقاني سيد الزين من فيه // ألذ عندي من العسل والزلالا

وردفن شطر ثوبه جديله يغطيه // من فوق عنقن مثل عنق الغزالا

وعوده كما غصنن لاهبت ذواريه // من وين ماهب الهوى فيه مالا

لاشرلي بكف نحيفن محنيه // أشر على قلبن وفى باالوصالا

أموت في شوفه وبالحيل مغليه // وأعيش حبه من سنينن طوالا

أضيق لامن ضيقه من دوانيه // وليا ومرني ماعصيته بالالا

وأغار من أم تحتشمله وتغليه // وتخشى عليه من الحسد والجهالا

من أول أزوره وأشوفه وأحاكيه // واليوم من دونه طويت الحبالا

وجدي عليها وجد رجل على أخيه // يشوف خيه يم قبره يشالا

ولا كما اللي مغترب عن أهاليه // راحت حياته كلبوها ارتحالا

وهذي سوات الحب توجع تواليه // لامن صدف عقب الشمل بنحلالا

وســـــــــــلآلآامتكم

الشاعر : للأسف ماعرفناه :")

الـــــــهـ((ALHAWI))ــــــاوي

مـحمـد · #2 14-02-2005, 05:41 PM

الاخ الهاوي اختيار موفق
قصيده رائعه مفردات ممتازه
كل الشكر لك

سند · #3 14-02-2005, 05:48 PM

العجمي أشكرك

على مروورك الكريم وشرفتنا

ولك اطيب تحياتي

الـــــــهـ((ALHAWI))ــــــاوي

سند · #4 14-02-2005, 07:09 PM

أخواني , أخواتي .. تعديييل وسمحوولي مانتبهت :")

حبه سكن وسط الحشا ولتجا فبه // وصارت لواهيبه تزيد اشتعالا

فـــــــبـــــــه = فـــــــيـــــــه :"))

ولكم اطيب تحياتي وتمنياتي ...

الـــــــهـ((ALHAWI))ــــــاوي

عـزام · #5 14-02-2005, 10:04 PM

الهاوى

تسلم على الاختيار الرائع

وصح السان الشاعر اللى ما عرفته

ولا هنت يالقرم

سند · #6 15-02-2005, 02:04 PM

عزام..

صح الله أبدانك بالنيابه عن الشاعر :")

وشكرك على مروورك الكريم....

ولك اطيب تحياتي

الـــــــهـ((ALHAWI))ــــــاوي