موقف مضحك ارجو أن الكل يشارك

[راعي العشوه]

بسم الله الرحمن الرحيم

اخواني اعضاء وزوار منتديات العجمان الكرام
تحيه طيبه وبعد

طرأ على بالي موضوع جديد وأتمنى أن يعجبكم (يعني مو مسروق)
وهو أن يحكي لنا كل عضو موقف طريف حصل له
ولم ينسه حتى الآن ولا مانع من مشاركت العضو بأكثر من موقف
حتى يتسنى لنا اجمع اكبر عدد من المواقف (ونخلي الساعه بمية فلس والله انطلع بلاوي زرق وحمر )
وشاكر لكم على التفاعل مقدما

لكم تحياتي وإحتراماتي
أخوكـــــــــــــــــــــم


راعي العشوة

[الجنوبـــــي]

خوش لعبه راعي العشوة ونرجع شويه من الذكريات
والمواقف الضريفه واجد كثر شعر راسي وهذا الموقف صارله اكثر من 15 سنه
وللحين مانسيته

طبعا الموقف هذا صارلي في السعوديه كان فيه اثله كبيره وقلت اليوم لازم اشوف وين اوصل باخر هذي الشجره المهم مابقا شي وصل لراس الشجره الا انا معنقص علي راسي يعني( رواسي ) وتعلق ثوبي بغصن وضرب لحيي ساق الشجره ماوعيت الا دماميني علي وجهي المراد قعدت تقريبا ساعتين وانا معلق
وبكي وبكي وبكي وصوت من قمت راسي ابي احد يسمعني ويسعفني شويه ولا هذاك الشايب مر علي هو وعريبينته المقطنه وقمت اصوت عليه وزهمه شافني الشيبه وصفط عندي وقعد هالشيبه يدعي علي ( جعل السلال يضرب متونك وجعلك الوهم وجعلك وجعلك ) وش الي مذببك فوق وانا ابكي ابكي وقلت تكفا يايبا حولني لا طيح علي قلتي وموت المشكله الشايب مافيه حيل يسعفني قال لا تحرك بروح شويه وبجيك والمصيبه انه مايمشي بسرعه حده اذا
اسرع 40 لو اجري جنبه اسبقه المهم قعت بعد ثلث ساعه بعد ولا هذا الشايب ومعه ذاك العبد الكور الي في طوله بلا طلع راعي غنمه يوم شافني قالي انت وش الي مركبك فوق يازول وانا ابكي ابكي ابكي المهم نزلني السوداني وستانست وقمت اضحك من الفرحه وشيبه ناطرني تحت وماسك فيده خزرانه
وجودني مع اذني وفقصها من كل قوته وقالي لا تعودها مره ثانيه ولشطني
علي شطيبتي ذيك الاشطه ماشاف الي قبرتي وراي مثل الصاروخ .


ومع السلامه مع موقف ظريف ثاني

[cool]

ههههههههههههههههههههههههههههههههههههههه

هههههههههههههههههههههههههههههههههههه


هههههههههههههههههههههههههههههههههههه

حراااااااااااام عليك الجنووووبي الله فااااااااطس ضحك

ماااااعاااااااد تنساااااااهاااااااا طول عمرك

الحمد لله على سلاااااااامتك عقب الطيحه

<<<<<<<<<<<<<<< الجنووبي من السكااانه فيك منووول تبي تشوف وش في

راااس الاثله يعني وش بيصير .


تسلم رااااعي العشوووه على المووضوووع والفكره الحلووه .

موقف صاااار لي

مره من المراات طااالع انا واخواااني الصغااار للبر وقت نزل الحمااام

وجاالس تحت سدره واخواني الصغار في الموتر نحتري واحد من العوال

شوي الا قامو خواني يصايحون الحيه الحيه جاتك ومن الخلعه الموتر قدامي اقوم

مسرع واصدم في باب الموتر واصدم فيه مره ثانيه نعنبو الموتر ماوخر ثم اروح

اديور من ورى الموتر واركب الباب كان من عندي بس من الذل مادريت ويني فيه

قااامو خواااني يضحكون علي وكل مانتذكره نضحك .


كـووول

[راعي العشوه]

هههههههههههههههههههههه
عز الله انها خوش مواقف
اشكر لكم مروركم الكريم اخواني
الجنوبي
Cool
ومواقفكم الطريفه

الجنوبي
القلاعه ماتمسي خلا

Cool
يقولون الذل حلاب البقر
شفت وش سوا فيك



بانتظار بقية الاخوان

لكم تحياتي وإحتراماتي
أخوكـــــــــــــــــــــم


راعي العشوة

[فيصل بن حجرف]

السلام عليكم

صراحه موضوع حلو بس يطلع فضايح

ودام اللي موجودين كلهم اخوانا وربعنا بقولك السالفه هذي ايام الدراسه

وقتها كنت ادرس في امريكا وكنا ساكنين في كومبلكس اللي هو مجمع سكني
نظام شقق وفيه مسبح ونادي رياضي نطلع العصر اللي يسبح واللي يتمرن
وفيه شقه مقابلتنا وحده عندها كلب ماخذ قلبي من يوم سكنت
بس دايم مربوط ولا بغت تطلع ماسكته برسن
عاد سبحان الله يقولون ان الكلب يعرف الواحد لا صار خايف
وانا شفته مع راعيته وتضرب سبايكي من الخوف
شوي ولا هو منفلت من راعيته وجايني يعد طبلوونه
واحط رجلي وانصى المسبح لاني خابر الربع يسبحون فيه
ولا خذو الا انا بينهم في المسبح بهدومي
وانقع بهدومي لين جات راعيته ومسكته
بس صراحه كان موقف لا احسد عليه


تحياتي

[الجنوبـــــي]

راعي العشوة
والله اني ماني مقلوع

cool انت Alajman
والله انكم خوافين
واحد خايف من حيه واحد خايف من كلب
والله لو انه انا كان صارت علوم

[cool]

ههههههههههههههههههههههههههه

ابو عبد الله اثر الذل اامحق صدق

الله يرجك انت وقصيرتك .

الجنوووبي ايه على الاقل من حيه ومن كلب بس بعض العرب مدري وش عنده

بيكتشف فوق الاثله

لو سمحت الجنوووبي قل موقف ثاااني

راااعي العشوووه يقولون من ذل سلم

كـووول

[المستشار]

ابو عبدالله : الكلب ماخذن قلبك وراعيته ماخذة عقلك ،،، يمكن الكلب كان يدافع عن حلاله ،،، هههههههههه .

خلني أنحاش قبل لا تصيدوني وتقولون اكتب موقف حصل لك .

وانت يا راعي العشوة اخترت خوش موضوع وقطيته براس الربع ،،، وينك ليه ما تشارك وتطلع سوالفك القديمة .


راجع لكم بس اتذكر لكم كم موقف . المشكلة إن المواقف اللي تمر علي تضيق الخلق ومافيها فكاهة ،،، إلا وحدة يوم رحت أودي الماي للربع في القمر . هههههههه


المستشار ،،،، واتمنى من الجميع يشارك

[الجـــــــــادل]

ابو عبدالله : الكلب ماخذن قلبك وراعيته ماخذة عقلك ،،، يمكن الكلب كان يدافع عن حلاله ،،، هههههههههه صدق المستشااار

اما المواقف وااجد بس ماني معلمتكم


تحياتي ولاهنت على الموضوع الممتع بس فضيحة المرازيق واحد طاق من كلب والثاني حيه

[ابو دعيج]

السلام عليكم هذا موقف حصلي :::

مرة كان عندنا عزيمة والدوانية متروسة فل وأنا كنت صغير وجاي متأخر للديوانية ،وكنت كثير الأرتباك وكان صوتي منشحط المهم وأنا أقهوي الرياجيل كان في واحد اسمة أبوفالح مديت علية الفنجال وهو كان يسولف مع اللي قدامة وداشين جو،المهم مديت له الفنجال ومانتبه لي قلتله تقهو ..تقهو...عاد أنا صوتي تعبان ماقدر أطوله حيل وهو سمعه قليل عاد قلت أبطول صوتي زهقت وانا ماد ايدي قلت أبوفالح بصوت عالي بس لاتسمعون صوتي!! من الشحطه اللي فيه صار كنه صوت عجوز تصيح ؟؟ الرجال مرج ونقز واللي قدامه درى وفطس من الضحك عاد أنا لاتشوفون وجهي قام يقط ألوان.....

وشكرا.......