وقفْتْ وهاجس الذكرى نفضّْ في قلبي غبـاره

[عجمي الوادي]

السلام عليكم ورحمة الله وبركاته

اتمنى ان تنال هذه القصيده على اعجابكم



على ذاك الجدار اللي على حدّ البيوت الطيـن ** وقفْتْ وهاجس الذكرى نفضّْ في قلبي غبـاره

وقفت أطلقْ مدى شوفي وأناظر مفرق الدربين ** وأشوف الدار وعيوني تضمّ الدرب وجـداره

أجل هذا الجدار اللي سهر يوم العرب غافين ؟ ** أجل هذا الصديق اللي ذكرته واذكر أسراره

أنا أذكر يوم يجمعنا يغطينـا برمـش العيـن ** نسج ليله وسوى به علـى عشاقـه ستـاره

حجر لكن احس انه يحـسّ بفرحـة القلبيـن ** أحس انه نفس لكن غدى جامد مـن أقـداره

حجر يوم العرب تنسى اذا مرت عليها سنيـن** حجر يوم العرب تنسى حبيـب ٍ مبعـده داره

ولكن الجدار اللي تركته مـن هـذاك الحيـن ** عرفني يـوم قابلتـه وبلـل دمعـي أحجـاره

جلست وهاجت الذكرى وقلت بخاطري مسكين** ثمان سنين في وحشه ولأحـد ٍ بيننـا زاره

وفاء ذاك الجدار أثبت بأن الا دمي من طيـن ** تخيّل يوم لامستـه تنهـد مـن شقـا نـاره

سألني قال أنا أذكركم تجوني بالظلام اثنيـن** بكيت وقلت صّدقني رَحَلْ وآنقطعـت أخبـاره


و سلامتكم أخــوكــم ومحـبـكـم عجمي الوادي

[عـزام]

سألني قال أنا أذكركم تجوني بالظلام اثنيـن= بكيت وقلت صّدقني رَحَلْ وآنقطعـت أخبـاره

عجمى الوادى

قصيده جدا رائعه

واختيار اروع

صح الله لسانك وتسلم يمناك على النقل

واذا كانت القصيده لك راح انقلها لديوان صدى المشاعر الخاص بقصائد الاعضاء.

[قبلةالعجمان]

سألني قال أنا أذكركم تجوني بالظلام اثنيـن** بكيت وقلت صّدقني رَحَلْ وآنقطعـت أخبـاره



صح لساااانك ...

[عجمي الوادي]

عـزام


شاكرلك المرور الكريم والقصيدة ياالسنافي لآحد الزملاء بالعمل



قبلةالعجمان



صح بدنك وشاكرلك المرور الكريم

[هند]

وعليكم السلام ورحمة الله وبركاته

الأخ القدير ( عجمي الوادي )
صح لسانك ولاهنت على هالأبيات الرائعة


ننتظر جديدك
السؤدد

[عجمي الوادي]

ولاأنتي ياالسؤدد


اللة يقدرني وأكون عند حسن الظن


وشاكرلك ياالغالية مرورك اللي أسعدني


لكي تحياني

[ألَ رِشــيــّدِ]

سألني قال أنا أذكركم تجوني بالظلام اثنيـن ..

بكيت وقلت صّدقني رَحَلْ وآنقطعـت أخبـاره ..


عجمي الـوادي فديتك وفديت نكك يا الأجودي


اختيار رائع من اخ رائع ..


كل الشكر عزيزي على هذا النقل الجميل


والله يعطيك العافية


تقبل كل الـود

أخـوك : أل رشيد

[هادي الشامري]

الاخ عجمي الوادي

صح لسانك ولسان الشاعر

ولاهنت يالقرم

[اطياف الماضي]

الله

صح لسانك ياخوي

ابيات رائعة واختيارك لها اروع

تحيتي لك

[عجمي الوادي]

ألَ رِشــيــّدِ


يفداك ألاش يالسنافي وشاكرلك الاطراء الطيب

هادي الشامري


صح بدنك ولاهنت على المرور اللي أسعدني

اطياف الماضي


أسعدني حضورك يالسنافية وشاكرلك المرور الاأروع


لكم جميعأ افضل ألاماني