الزواج و الانترنت

[كويتيه]

السلام عليكم...

صراحه موضوع كان يدور في راسي و حبيت اني اناقشكم فيه..
شرايك بالزواج ن طريق الانترنت؟؟؟؟؟..
الحين الانترنت وسيله اتصال و تعارف كبيره.. تقدر تسمع صوت اللي تحاجيه و تشوف صورته و تشوفه يتحرك بعد..


سوال لك ايهاا الرجل... ها تقبل ان تتزوج بنت تعرفت عليهاا بالانترنت؟؟؟؟؟

وسوال لج ايتهاا المرأه.... هل تقبلين انج تتزوجين رجل تعرفتي عليه بغرف الجات؟؟؟؟؟

كل واحد يقول رايه ويبين لناا وجهه نظره...


لكم تحياتي

كويتيه

[عزوف]

وسوال لج ايتهاا المرأه.... هل تقبلين انج تتزوجين رجل تعرفتي عليه بغرف الجات؟؟؟؟؟


جوابــــــــــــــــــــــــي

لا والـــــــــــــــــــــــــــــــف لا

لانه وبكل صراحه انا استحقر الشات واحس اللي يدخلونه ناس تافهيين ما لهم هدف غير السوالف والخبال !!!!

ومن فضل ربي على ما اعترف ولاعمري دخلته ابد لاهو ولا حتى الماسنجر لكن اشوف اخواني يدشونه وعندي فكره بسيطه عنه

الواحد اللي بيكلم وحده عن طريق الشات فهذا يعني انها تكملة عدد وفيه قبلها وراح يكون فيه بعدها

لكن لنفرض هدفه وغرضه شريف وكان يبحث عن فتاة تفهمه لنفرض ووافقت البنت هو نفسه ماراح يثق فيها ابــــــــــدا وراح يدخل الشيطان بينهم

وليش عوار القلب وليش الاذيه كلن بيجيه رزقه وهو قاعد بمحله مايحتاج يبحث عنه هي الظروف وهو القدر يجمع من يشاء دون موعد او سابق معرفه

ولازلت اقـــــــــــــول لا والف لا

مشكوره يا كويتيه على هالموضوع الرائع

[كويتيه]

يعطيج العافيه عزووف والله اسعدني وايد ردج...

اوكي عن الناس اللي بالجات.. انا اعترف انا من الناس اللي يدخلون جات و صارلي فوق ال 4 سنيين وانا ادخل جات و تكلمت مع ناس وايد.. بس في وايد ناس محترميين لي ابعد الحدوود .. و كلامهم طيب و نصايحهم طيبه.. و في ناس اي صراحه قليليين ادب.. و مو محترميين ابدا والكلام معاهم حرام..

بس.. انتي تقولين انه اللي كلمته اكيد كلمت غيره.. زين و شدراه الريال انه زوجته اللي بياخذهاا عن طريق الاهل ماكانت تدخل جات؟؟ .. زين خلي الجات على صوب.. شدراه انه زوجته ماكانت تعرف احد بره النت.. ..


انا اعرف ناس.. تزوجواا من الانترنت.. وللعلم هو كويتي و اهياا جزائريه.. و الحين عايشيين احلى عيشه.. مستقريين.. و مرتاحيين.. و يابواا بنت بعد..

والرأي لكم.... واختلاف الاراء لاتفسد بالود قضيه

[عزوف]

صح يا كويتيه مو ضروري ان الرجال لما يتزوج عن طريق الاهل بتكون البنت معصومه عن الغلط بالعكس مثل ماقلتي ممكن تكون لها تجارب سابقه !!!! لكن هو ما يدري


لكن سالفة الشات هو يدري والشيطان شاطر اكيد بيلعب دور مهم في اثارة الشك

وترى كل شي قسمة ونصيب

تحياتي لج يالغاليه ثاني مره على هالموضوع الرائع

واختلاف الرأي لايفســــــــــــــــد للود قضيه يا عيون عـــــــــزوف انتي

[المستشار]

تحياتي لكم جميعا وشكرا للأخت كويتية على موضوعها الحلو وعلى تعقيبات الأخت عزوف ،،، الموضوع الرئيسي هنا هو الزواج عن طريق النت وليس التجارب ما قبل الزواج ، وهي تحصل قبل النت وبعده ،، وليس هذا موضوعنا على ما أعتقد .

برأيي الشخصي أن الزواج عن طريق النت إذا تم بالطريقة الصحيحة وبموافقة الأهل يكون مثل الزواج بطريقة الخطابة ،، وحاليا يسمونه الخطابة الالكترونية ،، هههههه

المهم هو أن يكون القصد هو الزواج وليس التعارف وما إلى ذلك من علاقات مختلفة .

والسؤال ما الذي يمنع إذا كان الرجل يقصد الزواج والمرأة كذلك ويكون التعارف بحضور الأهل ؟ وأن يتم وضع صور المرأة مع الاعلان ولا معلومات مغالطة أو مبالغ فيها بقصد الجذب الخادع.

أليست تلك طريقة للخاطبة بس دولية نوعا ما بحيث يضع الرجل المواصفات التي يرغب بها وكذلك المرأة ويتم التوافق بينهم بطريقة إلكترونية وبتوسع أشمل من أسلوب الخاطبة أو عن طريق حفلات العرس والمعارف المحدودة .

قبولنا من رفضنا للطريقة هو رأي شخصي وفردي وأنا أرفضه شخصيا لو تم لي أو لأحد من أبنائي أو بناتي تمسكا بالعادات ،، وفي نفس الوقت أرى أنه يحل الكثير من المعوقات التي تحد من الزواج لو تم بالطريقة السليمة ،،، وهنا يمكن القول أنه يمكن تطبيقه في الكثير من المجتمعات غير مجتمعنا المتحفظ والمحافظ على العادات والتقاليد .

وبالنسبة للرجل الكويتي الذي تزوج من جزائرية ويعيشون حياة سعيدة ،،، أقول هذا نصيب والانسان لا يعرف أين نصيبه ،، كما يحدث عندما تسافر المرأة الكويتية أو الخليجية وتتعرف على رجل من غير بلدها ويتم الزواج .

باختصار وللختام ،، المقصد أنه زواج وليس غير ذلك . وهذا أعتقد أنه لن نجد معارضة له في الشرع ولا في المنطق . فقط هي العادات والتقاليد.

وتقبلوا تحياتي


أخوكم المستشار

[روووووعه]

مووووضوع اكثر من رائع ,, تسلمين كويتيه على اختيار الموضوع,

انا عن نفسي لا لا لا .. مستحيل اتزوج عن طريق النت ,,

بس كل واحد له الحريه انا بعد اعرف واحد تزوج وحده عن طريق النت وعاشين

ومبسوطين ,,

وعلى قولت المستشاار مثله مثل الخطابه مافيه فرق

تحيااتي لك ,, رووووعه

[عزوف]

اخي العزيز المستشار انت الظاهر بس قريت ردي الثاني ياريت تقرا ردودي على الموضوع واحد مكمل الثاني

وعن التجارب انا اقصد فيها رد على سؤال الاخت كويتيه في موضوعها وهو

هل تقبلين انج تتزوجين رجل تعرفتي عليه بغرف الجات؟؟؟؟؟

هذا اللي قصدته اخي العزيز

[فيصل بن حجرف]

السلام عليكم

صراحه موضوع مهم وقاعد نسمع عن زواجات تمت عن طريق الانترنت لكن مادري عن صحتها
انا بالنسبه لي اقول صعبه خصوصا في مجتمعنا
وتخيل لو درو الناس بعد انك متعرف على زوجتك عن طريق الانترنت
شيسكتهم بعدين
وطبعا راح يكون الواحد شكاك طول عمره وبيقول اللي عرفتني اكيد تعرف غيري..وسوالف واجد
لكن هذا مو ممعناه انه اي بنت تدخل الشات تكون سيئه
النت فيه الزين وفيه الشين مثل الحياه العاديه
واللي تبي الخرطبه والتعارف مو شرط بالنت
ممكن بالدوام ممكن بالشارع ممكن بالسوق في اي مكان
يعني انا اشوف النت الحين مافيه فرق عن اللي يصير برى النت
ماعدا فكرة الناس عنه وهذا اللي مخلي اكثر الناس يرفضون الشي هذا

تحياتي

[cool]

السلاااام عليكم ورحمة الله وبركاااته

تسلمين كويتيه على المووضووع اللي طرحتيه .

الزواااج قسمه ونصيب وتوووفيق بيد الله قبل كل شي .

الزوااج عن طريق الجااات اغلب الناااااس ماااايايده او يفضله ولو قلت لاحد

انك متزوج عن طريق الجااات مثل ماتفضل اخي ابو عبد الله وذكر صحيح

وعلشااان تفتك وترتااح من الوساااويس والتشكيك من بداايته ماتتزوج بس

ان كااان الانسااان وااثق ومتاااكد تمااام .

عن نفسي مااافكرت في الشي هذا .

مشكوووره مره ثاااانيه والله يعطيش العاااافيه .

كـووول

[الجـــــــــادل]

اكتفي بكلااام اخي المستشااار ولاهنتي على الموضوع