يا ياااام يا ربعي على العسر و اللين

[سالم الصقور]

السلام عليكم ورحمة الله وبركاته

حدث للشاعر المرحوم / محمد بن مهذل الصقور اليامي موقف في مدينة الرياض فترجمه بالقصيدة التاليه:

البـارحـه ممسـيـت والـنــااس ممـسـيـن= رااعي الهواا مسكين ما يمتسي له
يــا يــاام ياربـعـي عـلـى العـسـر واللـيـن= ياللـي مواقفكـم مواقـف نبيـلـه
ناديت يام وصـــحت بالربـــــع الادنـــين= صقريةٍ في الجد عز القبــــيله
يـا لابـتـي قلـبـي خــذوه المزايـــيـن = درب الهـواا راح ابـن مـــهــذل قتيلـه
مـرو عـلـي فــي شــارع الريل ثنتـيـن = اوصافهـم بيـن الخلاااايـق قليـلـه
عـلـى الرصـيـف بزحـمـة الـنـاس ماشـيـن= من شافهم ينسى من اللي يشيله
الاولــه.. فيـهـا جـمـع ربــي الـزيــن = مركوزة النهدين بيضاااااااااااا جميله
ملبـوسـهـا مـــن غـالـيـاات الفسـاااتـيـن= ومن الذهب شالـت حمـول ثقيلـه
والــورك متـعـدي عـلـى الـحــد شـبـريـن= وان هـزتـه يهـتـز قلـبـي بديـلـه
والثانـيـه .. سـمـراا عــذاب المحـبـيـن = تسبي العقول بقامةٍ مستطيله
فــي عينـهـا اليمـنـا حــرااب وسكـاكـيـن= وفي عينها اليسراا سيـوفٍ صقيلـه
قد صوبتــني بســـــهمٍ من الــــعـــين = والموت كله في العـــيون الكــحــيله
سلمت قالت واحـــده مـــنهم اهـــلين =والثانيه تضحك وروحي عليله
قلت ارفقو بالناس ياذا المزايين = كم واحدٍ منكم شكى كل ميله
تكفون يااللي بالمواصل بخيلين = ماتقبلون الضيف لوكان ليله
قالت لي السمراء ترانا عزيزين= ولا تعترض بالدرب عابر سبيله
جريت ونه يوم قدهم مقفين = باسبابها قلبي تزايد غليله
قـالـت خويتـهـا ذبـحـنـااه مسـكـيـن = وان كـاان خلينـااه ياعزتـي لــه
تلفـتـو يـمـي وقـالـو عـلـى ويــن = ورااك تتبعنا وعينـك طووووويلـه
ان كـــاان عـنــدك للـموده قـوانـيـن = وقلبك نضيف ومـا نـوا لـك بحيلـه
خلاص يــــــله قلنا موترك فين= عطنا تواصيفـه وعطنـاااااا مديلـه
قـلـت اعـذروونـي مـوتـري قـبـل يومـيـن= بعته ولا فكـرت فـي عازتي لــه
لاشــك نـااخـذ تـكـس ونــروح هالـحـيـن= وأيت مكاانٍ ترغبوونـه نجـي لـه
قـالــو فـمــاان الله نـلـقـااك بـعـديـن = حكاايـة التكسـي علينـا فشيلـه
انـخـااف مــن حكي الـعـداات الملااعـيـن = اللـي يحطـون الدقيـقـه جليـلـه
ودور تلاقي واحــده طبـعـهـاا شـيــن = مـن كلمة العـذااال ماهـي ذليـلـه
وقـفـو وانــا اصـفـق عـلـى الـكـف بكفـيـن= ورااعـي الهـوااا دقـاات قلبـه دليـلـه

وسلامتكم