( طــــعـــم الـــهــوى )

[خالد بن جفن]

أتمنى تحوز الرضى

هي حقيقه لا غدى طعم الهوى مُر=تسكنك أحزان تبكي ألف مرّه

واقعك لوّه كذب ما بالهجرسِر = من ملامح وجهكم تكسيك حرّه

من يناظر في عيون الليل ما سَر =بين آهات القهر كرّه وَفرّه

في حياة العاشقين السالفه سِر =في طريقٍ يتعبك أبقصِّ جرّه

سابقك فيها كثيرٍ قبلكم مَر =ما بقى من ذكرهم لله درّه

من تبع قاسيٍ بحبه قلبهم فر =والمشاعر مارجه والبعد شرّه

يا عذولي خابرٍ عادك كذا غر =ماعرفت الشّوق لو هو ثقل ذرّه

فالمحبه أعترف لا تجحده قر =عاشقك فالهوى جيبه يطرّه

لو بتبحث عن غلاهم بالعهد بر =يومها صدر الوفى لك طاح زرّه

وان غديت اليوم مثل اللي نوى شر =لا تهادن بسّ عرق القلب كرّه

يمكنه لا مات قلبي ما بقى ذر =والعهد مالك أعود الشوق كرّه

خالد براك العجمي
5/11/2013