ياكبرها لو تحسب اني لك أخون**
ومنهو الي يستاهل انااخونك معه**
والله لوفيني وريد ٍ لك يخون**
لجلك ورب الكون بيدي لقطعه**
ياصاحبي لاتتعبك سوء الظنون**
ماغيرك من الناس قلبي يتبعه**
قلبي معك لو يزعل الي يزعلون
دامك مناه ومبتغاه ومطمعه**
من غيرك الي له مقر ٍ في العيون**
من غيرك الي خافقي رهن اصبعه**
ماشاقني غيرك ولاهم يحزنون**
حبك ملك احساس قلبي وطوعه**
هواك علم خافقي معنى الجنون**
واستوطن باعماق فكري وزعزعه**
تامر ولو تامر على روحي تمون**
لو تنثر احساسي وبيدك تجمعه**
لو غبت لفت دنيتي وحشه وسكون**
وان جيتني جتني الاماني مجمعه**
والشوق دونك يكتسي ذله وهون
والجرح له ونه بجوفي اسمعه**
لو عاذليني عن هوانا يعرفون**
ماضل للفتنه بداخلهم سعه**
دامك معي اصعب مقاديري تهون**
وان غبت ضاقت بي الجهات الاربعه**
اكون بك او ياعساني ما اكون**
القلب لك والا المقابر توسعه**
وسلامتكم**
11-12-2012, 11:37 PM
مـن غـيركـ اللي خافقـي رهـن اصبعـه
العرض الشجري