أبشر ابشر ما على هالراس كايد
من طلع رجم المفارق مادعيتـه
بنت حر والحرار الها عوايـد**
منزل الحقران أشوم ولادنيته**
ماعلى المقفي من المنقود عايد**
من بقى يقفي فيقفي مانهيته**
والله ان مايلحقه مني نقايـد**
ينتهي ليل المفارق ماسريته**
هيه يااللي تحسبن وصلك وقايد**
جمر وصلك من عرفتك مادفيته**
صدت لكن للاسف ويش انت صايد**
دسم الشارب بصيدك لاخذيته**
شرهتي ما اسوقها لإنسان نايد
وبرجي العاجي تموت ومارقيته
الردي ماينصا وقت الشدايد
والسنافي مايقفل باب بيته
قلت لك مليون مرة يامزايد
تبطي وجيبي عشانك مافريته
انتبه ! وإن طعتني خلك محايد
الثمر ماهوب لك يااللي رقيته
لاتظنك بالرجاجيل الفرايد
شفت فيك الرجل لكن مارأيته
يكفي إني راس مالك فالقصايد
لجل عيني كل طاروق بنيته
والا انا لبستك الشهرة قلايد
وضوءك اللي تلبسه مني أرتديته
لاتحسب انك غديت الشيخ زايد !
انت عمرك راح دينك ماقضيتـه
آآآآآآآآآآآه يالبا الذي يسوي بدايد
شخص واحد بس هو اللي فديتـه
أطو ماضينا مثل طي الجرايـد
وأعتبر ماصار حادث ماقريـته
أسترح والله بتكبير الوسايـد
والّله .. اللّه .. كل من قفى نسيته
وسلامتكم**
30-11-2012, 02:05 AM
ابشر ابشر ماعلى هالراس كايد ...
العرض العادي
