ما للردى في الطيب مدخل ومخراج

[الرازي]

هذه القصيدة للمبدع الشاعر محمد بن مهدي آل مهذل اليامي
وهو غني عن التعريف . وسوف تكون لنا معه وقفه نبين لكم موهبته الشعرية
وإليك القصيدة وهو يقول فيها :

يالله يا قاضي غرض كل محتاج = عساك تقضي لي مع الناس حاجه
يا وامرٍ عقب الشدايد بالافراج = ومشفى المريض اللي صعيبٍ علاجه
البارحة نومي تفاكير وازعاج = عيّا ظلام الجو يصفي عجاجه
كنّ الحشا يصلاه نارٍ على صاج = زاد السعير وقرّب الله نضاجه
وقلبي مثل لوحٍ غدا بين الامواج = تقاذفت به واستزاد ارتجاجه
يا مسلمين النوم للعين ما ساج = ضاقت على كل الطرق والمواجه
نجمٍ سرى نوره مع الليل وهاّج = يا سامره واللي يواجه مواجه
والقلب له شفّ ورايٍ ومنهاج = وكلاً على ما قيل يتبع خراجه
شفت الردى قربه يسبّب لي احراج = وانا مزاجي ما يطابق مزاجه
والحر له مبدا على روس الابراج = والكون رب البيت وسّع فجاجه
جنّب طريق اللي مسيره تعرواج = واشرب قراح الما وترّك هماجه
ما للردى في الطيب مدخل ومخراج = مثل الظلام اللي ضعيفٍ سراجه
" لو علّق النجمات والاّ حمل تاج = تلقاه في وقت اللوازم دجاجه"
ما له سوى هرج القفا كسب وانتاج = ون جاه محتاجٍ تعقّد حجاجه
بالكذب يظهر في كلامه تلجلاج = يبدي لك اعذاره وكثر احتجاجه
بيتٍ بليّا ساس ما يبطي وماج = ينبيك ضعف ابنايته وانعواجه
وصلو عدد ما طاف بالبيت حجاج = على الذي كل امتّه بحتياجه
وسلامتكم
وصح السان شاعرها

[راكان اليامي]

صح لسان الشاعر محمد بن مهدي آل مهذل اليامي

ونعم بصبيان ال مهذل

ولاهنت يابو عيد على مشاركاتك الجيده جداااااااااااا

وسجل اعجابي بمواضيعك

تحياتي

[بنت راكــــان]

صح لسان الشاعر* محمد اليامي على القصيده الشامخه

وتسلم يمناك اخي ابو عيد على اختيارك للقصيده

ولاتحرمنا من مشاركاتك

في امان الله

[الرازي]

الاخ راكان

شكرا لك للمرور من هنا والف شكر لاعجابك بما نطرح

واقولك ما عليك زود

* الاخت بنت راكان

شكرا لكِ للمرور من هنا

تقبلوا تحياااتي

ابو عيد

[الشامرى]

الاخ ابو عيد،،،
لاهنت على المجهود الرائع والمشاركات الرائعه اللى تدل على ذائقتك الشعريه الراقيه
صح السانك والسان الشاعر الكبير ابن مهذل الغنى عن التعريف
نحن من الحريصين على متابعة كل من يحرص على العلوم الطيبه والاختيارات
اللى تقدمها وامثالك واللى ترفع مستوى المنتدى..
لاهنت على طوووووووووووووووووووول

[الرازي]

الاخ العزيز/ الشامري

.
الله لا يهينك على هذا الاطراء الرائع

واقبل اجمل التحيات

اخيك ابو عيد

[أبو الوليد]

نشيد طيب

ونتمنى منك المزيد

وتقبل تحيات

أخوك أبو الوليد

[ابن مكتوم]

صح لسانك يا بو عيد ولسان قايل القصيده

[الرازي]

هلا وغلا ابن مكتوم

شكرا لمرورك من هنا

تحياااتي
ابو عيد