السلام عليكم
يعطيكم العافيه
وانا عضو جديد يشرفني اني اسجل في المنتداء الجميل
وشلونكم شباب وشابات
وعندي قصيده انشالله تحوز علي رضأكم
عديت في راس الطويله وغنيت && افرض رضا روحى علي من كلفها
اغضبتها في موقف الطيب وارضيت && فكرٍ علي درب المعاسر عسفها
ياقو طاقتها بما شال واخفيت && شين عليه الروح مالله كلفها
حاولت اغير في مجاريه وازريت && ماينخصم وجه الحقيقه عرفها
مع الظروف بمقنعاته تقصيت && كم حيلت به تشيل ونسفها
حتي عليه من الغضب رديت &&ردة منزحت السرب عن عطفها
لاشك مصارت علي ماتوريت && عند الغضب تخطي المصيبه هدفها
جيته ليا جيت مطوع العفريت && يخلي الجست لاجا ولاقفا خطفها
وقفت مالي الي التناهيت && العن هكا الحزه وحظن عرفها
مما بصدري سجه رجلي وسجيت && اقنع النفس العزيزه بسفها
مايرجع الي فات لو قلت ياليت && دنيا تخالفني علي الله خلفها
جلست في راس النباء واستمديت && وحالي علي غير احتمالي دغفها
كنه لبس جسمي من الجن عفريت && يوم ارتهج وصفوح طبله رجفها
نسنس هواه اللي يهز المنابيت && صلفن ليا هبت هبوبه عطفها
هواه منه روس النحاتيت && وتجاوب خظر الجريد بسعفها
قامت تصفقها هبوب السباريت && لين العذوق الخظر هلت حشفها
وراني الدنيا علي ماتمنيت && هدم مبنيها وحطم تحفها
ضربه يفتت عالي السقف تفتيت && من أعلى طوبقها لي أخر غرفها
يشتت المجموع بالقوع تشتيت && صباتها كبر الاظافر شظفها
من عابرات ماتمشي على الزيت && احدث صنعات الخير مأكتشفها
فكري موقتها على الضيق توقيت && لو أطلب الصنع المحرم صرفها
هيجات فكري تجمع الحي بالميت && صنع الخفايا معجزه من وصفها
دخلت في مثل الظلام وطفى الليت && وشد الستاره بالخيوط وكشفها
أدرج شريطة بالجهاز وتحليت && يمشي على نون النواظر سلفها
تتابعت فزات روحي وفزيت && وكنه الوجيه الغايبات تعرفها
تدفقت عابرتها يوم ونيت && وجسمي غسلها بالدموع ونشفها
في رأس مرقاب العنا لين مليت && من العصر لين الشمس كفت طرفها
مع العذاب أبحرت وأحترت وأمسيت && كني سفينة نوح مما صدفها
خوفني الهاجوس لين استخفيت && وفك الحصار وقال دنياك شفها
يوم أستهاض وهاض وصفت وأصفيت && نقعت بحر لو زاد ماها نشفها
ويعطيكم الف عافيه على سعة صدوركم
وانشالله تحوز علي رضأكم
الشاعر: فلاح بن مبرد الحميداني
29-02-2004, 05:06 AM
العرض العادي
