مقدر خوفكم ... ورعبكم من الحقيقه

[قندهار]

مقدر خوفكم ورعبكم من نشر الحقائق من مقالات وصور وفيديوهات واقدر خوفكم ومطالباتكم لادارة المنتدى بأن تشطب توقيعي مع العلم انكم حطيتوا تواقيع كثيره تسيئ لنواب العجمان ولا طالبنا بالغائها احتراما للراي والراي الاخر وهذا الفرق اللي بيننا وبينكم نحن لا نخاف وانتم تخافون تبدؤون يا شبيحة الشعبي بالهجوم على الناس وطعنهم وتسميتهم بابشع الاسماء واللي مو معاكم قبيض سكرتير مرتشي حتى وصل الامر التهجم على احدى اخواتنا الفاضلات بالمنتدى اخت فاضله قالت رايها فدخل من دخل واخذ يبحث وراء ابنة عمه لكي يتهمها وقالها انت موظفه بالوزاره الفلانيه ونقلك فلان ولذلك تدافعين عنه والحمد لله انه توقف عند هذا الحد ...

اقول لاختنا لا تزعلين قالوا في اسيل ابشع من ذلك تجدينها في اليوتيوب

وانا متاكد ان عندهم الاستعداد للخوض لاكثر من ذلك المهم ان كتلتهم تنجح فقط حتى لو كان ذلك على حساب سمعة ابناء عمومته وشرفهم
ولا احد يقول لي محد جاب طاري الشرف لما تتهمون الشيبان وعوايل العجمان اللي يدزون الرسايل الشكر وتقولون مدفوعة الاجر انتم طعنتم بشرفهم وانهم باعوا انفسهم اتهام مبطن والادله كثيره بس كافي هالدليل

والله لو تملكون الشجاعه لما طلبتوا من ادارة المنتدى شطب توقيعي وانا ما الوووم المنتدى الضغوط عليها من الشعبي كبيره
واتمنى منها ان لا يشطب موضوعي على الاقل تكون محايده قدر المستطاع

توقيعي كلام النائب نفسه ماجبته من عندي وسألت سؤال عيني ماقلت كلام يسيئ له

بس لو اقدر بحط صورته وبكتب عليها حطبة دامه

وانتم تدرون حطبة دامه عند منو

((بدلها ))

السنه هذي سنة بدلها من خلصنا من الفرعي وطلع لنا الشعبي بحملة بدلها من صور وفيديوهات باقل من ساعه وهذا دليل استعدادهم وانهم كانوا يخططون لذلك ودليل على انهم من نجحوا الحويله لتكسير الفرعي
والحين قاعدين يبدلون مع السبيعي بالقسم بين الطرفين
المشكله انهم ناقدين علينا لاننا نقول التزموا بالفرعي
عيب على رجاجيل تقسم عشان تنجح نائب يا اخي شنو حدك على هالشي كنت بيننا معزز مكرم والحين قاعد تسوي المستحيل عشان نتجح

كتلة العمل الشعبي للشعبي اليوم مصلحتهم مع العجمان حطوا الطاحوس وبكره بيلقون مصلحتهم مع احد القبايل الثانيه راحوا معاه يعني كرسي الشعبي مو دايم لنا نحن مجرد مرحه

من ظهوركم لنحوركم

[جاثــُوم ..!]

^

توقيعك موجود انا قاعد اشوفه
حاط صفحة جريدة الوطن يوم حساب الطاحوس
والصورة اللي تحتها مقر الطاحوس وكاتب بينها من أين لك هذا

[قندهار]

المشاركة الأصلية كتبت بواسطة جاثــُوم ..!

^

توقيعك موجود انا قاعد اشوفه
حاط صفحة جريدة الوطن يوم حساب الطاحوس
والصورة اللي تحتها مقر الطاحوس وكاتب بينها من أين لك هذا

مرحبا بك انا اتكلم عن اللي كل ما كتبنا او سوينا شي طالبوا ادارة المنتدى بشطبه مدري شنو مخوفهم ومرعبهم وانا اقدر خوفهم هذا وادري انهم يحاولون الضغط على الغاء كل ما نكتب ما يبون الا رايهم لكم رايكم ولنا راي

[جاثــُوم ..!]

المشاركة الأصلية كتبت بواسطة قندهار

مرحبا بك انا اتكلم عن اللي كل ما كتبنا او سوينا شي طالبوا ادارة المنتدى بشطبه مدري شنو مخوفهم ومرعبهم وانا اقدر خوفهم هذا وادري انهم يحاولون الضغط على الغاء كل ما نكتب ما يبون الا رايهم لكم رايكم ولنا راي

لا شطبوه ذيك الساعه افتح شكوى
يا رجال بني عمك يمزحون معك ويبون راحتك .. ما شاء الله عليك 24 ساعه مقابل النت
وخايفين عليك من الحسد .. كتاباتك ومواضيعك قاعد تُنشر بنيويورك تايمز

[قندهار]

المشاركة الأصلية كتبت بواسطة جاثــُوم ..!

لا شطبوه ذيك الساعه افتح شكوى
يا رجال بني عمك يمزحون معك ويبون راحتك .. ما شاء الله عليك 24 ساعه مقابل النت
وخايفين عليك من الحسد .. كتاباتك ومواضيعك قاعد تُنشر بنيويورك تايمز

والله مو كثرك مشاركاتكم ليل وصبح مسا وعصر ومغرب وفجر لدرجة اني قمت اشك فيكم ان كل
اربعه منكم داش بنك الثاني تبادل ادوار

خايفين شي يطوفكم

وللعلم هذي مو شكوى هذا ردي عليهم انتم فهمكم صعب ولازم اقعد اوضح لكم شوي شوي

[كويتي]

اخوي الغالي قندهار ممكن لحظه من وقتك ؟
انا ابي اطلب منك طلب واتمنا نتفق عليه
شنو رايك لو نسكر كل هل مواضيع الي فيها تجريح
لأشخاص في يوم تضايقنا عشانهم وفرحنا عشانهم
وشجعناهم ووقفنا معهم وقلنا متفألين ،،

خالد الطاحوس طلع لرئيسي من غير اي مشاكل
وهو حر في نفسه ،،

والحويله نزل فرعي حاله حال العجمان ونجح
الله يوفقه ويوفق كل عجمي ،،

خلنا نسكر المواضيع الي فيها اسائه للعجمان

تصدق ان مواضيعكم صارت على كل لسان القبائل
يقولون العجمان بينهم الشق والبعج !!

والله شي يوجع قسم بالله

الي يبي مرشح يصوتله يوم الانتخابات
ومن غير تجريح وسب وحرق في خلق الله

ترى كلنا عيال عم واخوان ،،

اتمنا كلامي يكون واضح للجميع

واسف