الصديق!!

[ابو سالم الدويخ]

ياصعب والله ماتحصل لك بها الدنيا صديق
تزرع كثير وللأسف ياقل.. ماتحصد ثمر

بعض العرب صداقته من وين ماجيته يطيق
إليا نصيته فز فيك ...وقال تامرني أمر

لاقال كلمه تمها وإلا اعتذر عذرٍ يليق
إليا وقف وقفة بطل وان هد هدات النمر

وبعض العرب صداقته ماهي على طول
الطريق
يقطع صداقة واحدٍ تقول شايلك جمر

اما الرفيق اللي يلوذ إليا تنصاه الرفيق
اضرب على علاقته إكسين بالخط الحمر

وش لك بلحية خوةٍ تمشى على خيط رقيق
مادام ماهي خوةٍ تبقى على مر العمر

ياهيه ياللي مستوي عندي زفيره والشهيق
إن جيت أرد أخشى الندم وإليا سكت ادهى وامر

ماني مفرح شرذمه ولا مزعل لي فريق
الصبر مفتاح الفرج والسوس ماضر التمر

مادام يمكن طمرها هو ليه اولعها حريق
بعض السوالف مالها عند الرجال الا الطمر

[ادمنتكـ]

صح الســـــــــــــانك لا هنـــت

انت داائما مبدع خيوو

تحياتي : ادمنتكـ

[العــــديم]

اما الرفيق اللي يلوذ إليا تنصاه الرفيق
اضرب على علاقته إكسين بالخط الحمر


صح لسان بادعها
ولاهنت ع النقل

[الهنــــــــــوف]

ابو سالــــم .. الف شكر لك على القصيدة الطيبة
مبدع حق الابداع يالطيب
تقبل مروري المتواضع ..

[ابو سالم الدويخ]

المشاركة الأصلية كتبت بواسطة ادمنتكـ

صح الســـــــــــــانك لا هنـــت

انت داائما مبدع خيوو

تحياتي : ادمنتكـ

صح بدنش يا ادمنتك ولا انتي

الإبداع هو مرورش على متصفحي

لا هنتي،،

[ابو سالم الدويخ]

المشاركة الأصلية كتبت بواسطة العــــديم

اما الرفيق اللي يلوذ إليا تنصاه الرفيق
اضرب على علاقته إكسين بالخط الحمر


صح لسان بادعها
ولاهنت ع النقل

العديم..صح بدنك

ولا انت طال عمرك

ولا هنت ع المرور العطر،،

[ابو سالم الدويخ]

المشاركة الأصلية كتبت بواسطة الهنــــــــــوف

ابو سالــــم .. الف شكر لك على القصيدة الطيبة
مبدع حق الابداع يالطيب
تقبل مروري المتواضع ..

الهنوف..الإبداع هو مرورش على متصفحي

ولا هنتي

ولا عدمناش،،

[خالد بن نفل]

صح لسانگ ولسان شاعرها
ولاهنت ع الانتقاء الرائع
وتقبل مروري

[ابو سالم الدويخ]

المشاركة الأصلية كتبت بواسطة خالد بن نفل

صح لسانگ ولسان شاعرها
ولاهنت ع الانتقاء الرائع
وتقبل مروري

صح بدنك يا خالد بن نفل

ولا انت طال عمرك

ولا هنت ع المرور العطر،،

[عون إبيها]

آآآه يَ مزنها
وبصوت صالح آل سألم
قسم تجيب العافيه
ومشكووووور يا الدويخ لآهنت على النقل