انا سلالة شايب يدمر الزاد....الحر جدي ونسل جدي اسنادي

[رمش الغلا]

بسم الله الرحمن الرحيم

السلام عليكم ورحمة الله وبركاته



اضع بين اياديكم هذه القصيده التي كاتبتها عام 17-8-1429هــ

وسبب كتابتها رايحه اقوله لكم بالمختصر

كنت في حفل تتويجنا في جامعه دلهاوسي في كنداء بالتخرج من الطب فلما نودي اسمي كان الدكتور الالماني اليم جاك هو من يتوج الخريجين والخريجات

لما اتيت الى منصه التتويج سئلني هل انا من شمر قلت له يس المهم بعد الحفل في معنى كلامه انه قرا كتب عن شمر ونه كان دكتور في حائل وهيك وسئلني كم سوال عنهم

وهذا اختصار نبذه عن سبب القصيده

ولاتهون كل القبايل وكل قبيله بها نفتخر و برجالها وكل قبيله عندي فوق راسي تاج






قالت مها هاض الحشى قول نشاد

............وليم يبي منها كلامٍ وكادي

يقول اعطي علم لوكان بجهاد

...........هاتي عن شمرك علوً اجدادي

البارحه مالذت العيني برقاد

...........تقل حاديني على السهر حادي

والفكر مني يبترم تقل عداد

...........والقلب وسطه مثل دق الهوادي

عن شمري بينتلك كل ماكاد

............ونا بـبين له خفايا مرادي

انا من الي طيبهم ماله اعداد

............الي لهم تاريخ في كل وادي

من شمر الي يصدون الاضداد

............الابه الي يكعمون المعادي

الا ليا صار به هوش وطراد

............يروون حد مصقلات الهنادي

سلمى وجاها مرجع ومسناد

............تلقاء بحايل للجماعه مبادي

مازال حايطهم الى الان منقاد

............اول وتالي معتلين الجوادي

يوم الشريف جاء بالجيش مداد

............خلوه ربعي بالمعاره ينادي

كم طامعٍ ردوه عن كل ماراد

............عادات ربعي في نهار العنادي

حنا شمر لاغشا الجو رعاد

...........انشد عن التاريخ لاصرت غادي

ونا سلاله من لهم فعل ومجاد

...........مازال باقي في شمال البلادي

ونا سلالة شايب يدمر الزاد

...........الحر جدي ونسل جدي اسنادي

الشايب الي يذبح الحيل معتاد

...........يشهد لها الموصل وكل العبادي

سلالتي من له القصر شهاد

...........ونا لفرحان حفيده وفهم مرادي

فرحان كريم االجود للمال نفاذ

...........لـه دلـةً يزيد فيها الاقـنادي

يالله يالي لك العبد سجاد

...........يامن عليه ارادتي وعتمادي

استر علينا من خبيثٍ وحساد

...........وهذي رصيدي وقت الحصايد

تم الكلام وزبدت الهرج مافاد

...........يالله تقبل دعوتي وجتهادي




ولكم ودي بالاماني


مها الفرحان الجرباء

[عـزوز]

ونعم فيكم يـ مهآ



ولاهنتي






,

[العــــديم]

حنا شمر لاغشا الجو رعاد
انشد عن التاريخ لاصرت غادي
ونا سلاله من لهم فعل ومجاد
مازال باقي في شمال البلادي
ونا سلالة شايب يدمر الزاد
الحر جدي ونسل جدي اسنادي
الشايب الي يذبح الحيل معتاد
يشهد لها الموصل وكل العبادي

ونعم فيش وفي لابتش
وهم كفو للمدح

صح لسانش مدد بلا عدد

قصيده رائعه
وينقصها بعض الوزن


دام بوحش

[المنفرد]

ونعم فيكم وانتو قوم تستحقونها

في بعض الابيات نقص فالوزن

ولاهنتي

[خالد بن نفل]

يستاهلون لابتش المدح
وصح لسانش ولاهنتي

[رمش الغلا]

صحت ابدانكم جميع

ولاهنتو وبيض الله وجيهم الكل منكم

ومشكورين يالي وضحتو بالوزن منكم اتعلم وجزاكم الله خير

ولكم ودي بالاماني

[الـعـابـر]

صح لسانك

[رمش الغلا]

صح بدنك وخيي عبر

اشكر سموك الكريم على التشريف

دمت بود

[سعود بن شالح]

اختي شمريه انا اراهن على شاعريتش
ابدعتي في بعض الابيات وبعض الابيات كانت محتاجه وزن
انتي شاعره بس مشكلتش في الوزن لانه مخرب على ابياتش
فيه ابيات واجد مكسوره لكن لو تبدلين كلمه بكلمه لاصبحت موزونه
ابدعتي واستمري في الكتابه ولكن احرصي على تفادي الكسور
تقبلي مروري

[رمش الغلا]

لاهنت وخيي على التوضيح ومنكم نستفيد

دمت بخير