اعذريني !! .. لو ضحكت وضحكتي موجوعه
دامني .. عايش بوقتي .. بين هم ولوعه !!
ايه .. انا رجال .. لا منه حكى ما جامل
ما يهمش لا حكى في فكره .. وموضوعه ..
واسمحيلي لو تكلمت بصراحه .. جدا (ن)
عن سخافات الزمن .. و( العالم المخدوعه ) !!
ناس تضحك في مجالسها .. وهي طربانه
والغرير .. اللي فقد أمه .. غريق دمــوعه !!
الزمن ماهو زمان .. مصفييـن النيه
كيف .. والطيبه من قلوب البشر .. منزوعه
وذكريات الامس .. راحت !! .. والرجا فالمقبل
وكلن يدور على مصلحته .. و منفوعه
ناس تضحك لك بوجهك .. من تشوفك
والاصح كبودهم من جيتك .. مفقوعه !!
ليه .. لا صار الرجل ماهو يجامل ربعه
اكرهوه الناس .. واولهم .. قريب .. ربوعه !!
وليه لا منه حكى صادق محد يسمع له
والكذوب وهو كذوب وكلمته .. مسموعه
شي لا يمكن عقل يستوعبه... والاغرب !
انها عند العرب .. فاتورة (ن) مدفوعه
صارحيني بالحقيقه .. حتى لوهي .. مره
واخمدي نار النزاع بحيرة (ن) مفجوعه
ريحيني .. وانطقي لي كلمة واحيده ..
وقولي (احبك) .. ترى نفسيتي مفزوعه !!
واسمعي ياللي خذيتي الفكر مني كله
ثم سكنتي وسط قلب .. المهتوي .. وضلوعه
ما عشقتك يا هواي إلا وانا مختارك
فاعشقيني واعشقي رجل فريد بنوعــه !!
واتركيني اكتشف بش نظرتك وأبعادك
يا براءة الاختراع بداخل الموسوعه
آه يا عمري لو انك من بنات اعمامي
كان في .. ذمتي ذمه ..ان قدك مقروعه !!
ان فقدتك ما يعوض غيبتك انسانه
وان لقيتك تعزف اللهفه لنا مقطوعه
عانقيني واحضنيني في دفاتك ساعه
الزمن بارد .. وقربك منتهى في الروعه !!
سلسبيلك شهد .. والرقه تثير اسلوبك
مايعه والاقرب .. انك ناعمه .. ميووووعه
فاتركيني في سكاتي واستبيحك عذرا
لو دخلت بهالطريقه .. اللي ,, لا مشروعه !!
واعذريني لو رأيتيني .. كذا .. متهور
ما اقدر استحمل جمال .. الترفه .. (الدلوعه)
ماني مصدق عيوني !! .. لو اشوفك فيهم
لين يشبع بي الغرام .. اللي طفش من جوعه
حمرة خدودك .. ليا ناظرتها توحي لي
كنها حمرة خدود الجاهل المصفوعه !!
يسعد الله لي صباحك ,, واولوية حاجه
لا سقيتي بالمرشه وردة (ن) مزروعه !!
ويسعد الله غرفتك .. وعيونك الذباحه
والسرير الوردي .. وترتيبته .. وشموعه !!
وكتبك المتناثره ومبعثرات هناك وهنا
والورق .. والعلك .. والسماعه المرفوعه
والعطور اللي على تسريحتك واغراضك
والهدايا والصور... والتحفه المصنوعـــه
ولا انتهى اليوم الطويل وانتهت ساعاته
نبتدي نقراء بقايا ( القصه الممنوعه )
لاقتربتي واقتربت .. وذبت وانتي ذبتي
واشتهي الضامي .. شروب الماي من ينبوعه
ايه .. آحبك واعذريني بآتعدى حدي
يمكن ان وقتي تركني .. خارج المجموعه
مشكلتي .. آقول ما في خاطري والمعنى
واحد (ن) عفوي ولا هو يستعير طبوعه
فقولي آحبك .. وانا بعد بقول آحبك
واحفظي لي ذكريات .. ( القصه الممنوعه )
13-11-2011, 12:45 PM
العرض العادي
