الله من قلب معاليقه صخاف ... عين يشيلنه ولا فيه حيله

[اعقل ياخفوق]

الله من قلب معاليقه صخاف
عين يشيلنه ولا فيه حيله

من شي يشوفه غدا فيه رجاف
من قوته رج الضلوع النحيله

من طال عمره لازم يشوف ويشاف
مافيه شي يختفي مستحيله

سوالف الدنيا على كل الاصناف
متنوعة بإقصارها والطويله

وياجاهل فيها ترى سنينك عجاف
لا تاخذك دنياك غدر وحيله

إخذ النصايح دامها فوق مشراف
متبينه ماهي بوسط النثيله

الدين وفه لا يجي فيه إجحاف
وأحرص تجي بالدين أيات ميله

والوالدين اصحى يجي فيهم اخلاف
بإحسانهم الله أمر في دليله

وصل الرحم بين القرايب والاسلاف
لو كانت ديرهم بعيدن محيله

وتعاملك بالناس ربحك والافلاس
نزه جنابك لا تجي للفشيله

هذي نصايح مابها حمل وكلاف
من رادها يلقى علومن جميله

وصلاة ربي عد ما سطر القاف
على محمد في نهاره وليله

وسلامتكم
القصيدة لطارق الحربي

[العــــديم]

وياجاهل فيها ترى سنينك عجاف
لا تاخذك دنياك غدر وحيله


الله يكفينا شرّها

صح لسان / طارق الحربي
ولاهنتي ع النقل

[اعقل ياخفوق]

ولا انت
منور الصفحه يالعديم

[ام رشود العجمي]

الله الله
لاهنتي حبيبتي على النقل

[خالد بن نفل]

صح لسان شاعرها
ولاهان ناقلها

[اعقل ياخفوق]

ولاانتو

منورين الصفحه يالغلا

[*ابوخالد*]

صح السانك والسان شاعرها

لاهنت على النقل الرائع

[حزن الهدير]

صح لسانش و لسان شاعرها

تسلم يمينش

ولا هنتي يالغلا

[اعقل ياخفوق]

صح بدنكم

تسلمون ع المرور

[الهنــــــــــوف]

اعقـــــل ياخفــــــوق ... كالعادة ابداع رائع

وطرح يستحق المتابعة ...

شكراً لك ...

بانتظار الجديد القادم ...

دمت بكل خير ... تقبلي مروري المتواضع ...