يا الجامعي :)

[شيوم العجمي]

مساكم الله بالخير والسرور
شلونكم
ان شالله طيبين وحلوين ورايقين



يالجامعي و يالجامعيه بفرّج
عن خاطري بقول تكفى و تكفين

من بينكم بنزع سلوك التحرّج
و بتذكر ما مضى لي من سنين

ايام كان الكحل فيها تبّرُج
لكن حقيقه كانت اجمل من الحين


اذكر و انا اجلس بآخر مُدرّج
ما ادري كَسّل و الا عشان العزيزين

و كان الطموح و كان حلم التخرّج
و عشقٍ بدا من يومنا مستجدين

كان الطريق لمنطقتنا متعرّج
كانت مسافه و لازم نصب بنزين

و كنا نجي و لكن عقب ما انتشرّج
مخالفات و لا وصلنا الأخيرين

لين انصدمنا بواقعٍ بالتدرّج
ماكو وظايف كأن حنا ملايين

و اللي توظف صار مثل المُهرج
عكَسّ التخصص وظفوه المسميّن

و العشق راح و مع هالأيام درّج
حلمٍ و تحقيقه قضية فلسطين


يالجامعي فضفض همومك و فرّج
خلك على بدري و لاحق و بعدين


ان طعتني يالجامعي لا اتخرّج
خلك على هالوضع بين المزاييّن

يكفي تمتع ناظرك بالتفرّج
و احباب قلبك عند عينك قريبين

قزّر حياتك بالغزل و التهرّج
و عن الوظيفه مش بوزك من الحين

خصوصاً اسمك ان كان حروة مفرّج
و الله لا تبطي ما توظفت يا شين

يكفي على الوضع السياسي انعرّج
غلطاتنا و النفط سعره ترى زين

وضعٍ مرير و جعل ربك يفرّج
و بـ اختصر دام المباحث قريبين




مما راق لي كثيراً ؛

[ابو سالم الدويخ]

صح لسانش يا شيوم و لسان شاعرها

ولا هنتي ع النقل الرائع

تحياتي,,,

،،،

[*ابوخالد*]

صح السانك والسان شاعرها

لاهنتي ع النقل الرائع

[الهنــــــــــوف]

صح لسانك شيوم ولاهنتي ياقلبي على هالقصيدة ذكرتيني بايام الجامعه قديـــــمة

[خانتني الدنيا]

صح الله لساانش يا شيوم .،.،.

والظااهر حنا يصلح لنا هالشطر

(((ومن الجامعه مش بوووزك من الحين)))

الله يعيييين بس .،.،.،

تقبلي مروري يالغلا ،،،،،،

[شيوم العجمي]

ابو سالم الدويخ

ياهلاااا ومرحبااا فيك
صح بدنك
ولاااهنت على المرور

اطيب تحياتي
شيوم

[شيوم العجمي]

ابو خالد

هلا ومرحبااا فيك

صح بدنك

اطيب تحياتي
شيوم

[شيوم العجمي]

الهنوف

هلاااا وغلاااا ورحب

صح بدنج ولاااهنتي على المرور


عزااااه على ايام الجامعة >>> ياليتني ماتخرجت واسمي مقيد

اطيب تحياتي
شيوم

[شيوم العجمي]

خانتني الدنيا

هلاااا وغلااا فيج

صح بدنج ولااااهنتي

لا ان شاء الله تفائلي بس إحنا في بلد دمقراطي
وهل المرة ماراح تخونج دنياج

بالتوفيق يااارب


اطيب تحياتي
شيوم

[علمني كيف اخليك]

صح لسانج