لقاء الفراق
****
لا جروحنـا طابـت ولا جونـا زان=ضاقت بنـا الدنيـا بوقـت التلاقـي
ماللفرح بقلـوب الاحبـاب مسكـان=دام اللقـاء عقبـه وداع و فراقـي
هم و عذاب و جرح و دموع و احزان=معهن قضينا اللي من الليـل باقـي
تـم اللقـاء كـلٍ مكتِـم وزعـلان=في ليلـةٍ فيهـا الصبـر مايطاقـي
ليلة لقـاء خـلان وفـراق خـلان=نـار الـوداع ولهفـة الاشتيـاقـي
ليله غريبه هيضـت كـل الاشجـان=فيهـا تبادلـنـا عـهـودٍ وثـاقـي
اقفا ودمعه غاشياً بيـض الاوجـان=وانا علي الكون يـا سعـود ضاقـي
واقفيت لـو مانـي بفرقـاه قنعـان=وشربت كاس البعـد مـر المذاقـي
وغاب القمر عن دنيتي عقب مابـان=وطابت جروح اهل الغـدر والنفاقـي
حتى الزمن له كن الاحباب عـدوان=دايم على الفرقـاء سنينـه سباقـي
فهيد عوض
17-11-2004, 08:20 AM
العرض الشجري