|
الجميل يموت من سيف نكران الجميل ,,, والنفوس الزاكيه مايحلل دمهــا
(الرجل النبيل) للشاعر علي بن عبيد بن فجيحه
....
العـدود اللي عليها طموحــات الرحـيل
الزمان الشين غثرب صفـاوة جـمـها
من يبي يارد على اضفاف نهر السلسبيل
يلتــزم بـفـروض رب البشـر ويـتمها
اما انا حتى همومي تصلي كـل لـيـل
الهجوس تقـيمها والفـواد يأمهــا
والفكر ماهو يفكـر بغـير المستحيل
سمها حسب اختلاف العواطف سمها
دامت النفس القنوعه مع الرجل النبيل
الشتايم والمدايـح ماهيـب تهمـهــا
كلما ترما الحجاره على اعذوق النخيل
تسقط إخلاصــة ثمـرها على من ذمها
الجميل يموت من سيف نكران الجميل
والنفوس الـزاكـيـه مايحلـل دمـهـا
والغدر...أظلم من الغدر فالليل الطويل
كلمتـيـن يرتـبط فـتحها مع ضـمـهـا
لو تزال كتابة الحبر الاسـود بالـمزيل
النوايا في غـضــون الـكـلام انشـمـها
والخيانه كان جات الخليل من الخليل
التحايل خالهــا والتجــافـي عمهــا
والظليمه كان جات العزيز من الذليل
لعن ابوها ياعباد اللــه ولعـن امهـا
وانت ياللي وصلك الليل واغواك الدليل
لاتخص الناس بالشـر ولا .. تعمـهـا
شلة يبغون يشفـون في راسي غلــيل
والله ان ترمـد انفوسهـــم من غمهــا
الردى لاسار دمه مع العرق الاصيل
حـيـة تدفــق بجسم المعـافـا سمهــا
والحياه اظلال شجـره وانا عابر سبيل
وقدرة الله رحـلة وجـهتنـي يـمـهـا
__________________
ياجماعه كيف مافيكم حميــا,,,,كيف صياح الضحآ ماتسمعونه
من يعاوني على ربـع هنيــا,,,,من بغا درب المرآجـل يمنعونــه
من لحوم الدانيه شفت الجفيا,,,,من بغا درب الشكآله يبهتونه
|
26-07-2011, 10:45 PM
العرض العادي
