اسهر وعيني ماتذوق المنامي ... وغيري همومه ما تخرب منامه
واطلع بتالي الليل كني حرامي ... واروح مع خطن بعيدن مرامه
من ضيقتن بالصدر دون العظامي ... احس فيها لوعتن مع ندامه
من الفراق اللي هجد لي غرامي ... في يومن اسود ماتشوف بظلامه
حسيت نفسي ضايعن بالزحامي ... وصوتن يكلمني ولا افهم كلامه
وعجزت اتكلم وضاع الكلامي ... ولا شوف احدن فيه ذرة شهامه
واعلنت عقب اللي رأيت انهزامي ... ودفعت من عمري وقلبي غرامه
اما انت يا المحبوب يابن الكرامي ... يبقى غلاك بحشمته واحترامه
يا اللي بحبك طاح قلبي وقامي ... ما انساك من شفتك ليوم القيامه
ياللي عيونك سببت لي هيامي ... ما يشبهك الا البدر في تمامه
وانا بحبك صرت رجلن عصامي ...وقلبي تغير من عرفتك نظامه
وتبدل الصبح بسواد الظلامي ... هذا الفراق وحل مع السلامه
وسلامتكم
24-06-2011, 04:11 PM
العرض العادي
