تحقيقا لطلب شديد الباس قصيدة ابن مطرّف في الدواسر بعد ان اجاروه من الشريف

[العماني]

السلام عليكم ورحمة الله وبركاته:

تحقيقا لطلب الاخ العزيز شديد الباس اورد لكم قصيدة ابن مطرف .


محمد بن مطرّف السليماني العجمي كان خوي لشريف الحجاز،وقد فعل فعلاً أغضب الشريف وقال له الشريف انه اصم ،أعمى لن يسمع ولن يرى لأي قبيلة تأويك. واقسم أن يدمر كل قبيلة تأوية تدميراً، وقد آوته بعض القبائل لمدة شهرين وهي المدة التي حددها الشريف لبقاءه عند كل قبيلة حفاظاً على ماء الوجه، ولكنها بعد المدة كانت تطرده ، ويقال أن والدته نصحته بأن يذهب للدواسر، وكان أول من زبنه الشيخ : محمد بن فادر من الغييثات .

يقول شاعر الغييثات هجاج بن عيد مفتخراً:

جدنا زبن المجنّا لا وزا=ومن يزبن فينا وهو متعافي
واللي مكذبني هذا(ابن مطرف)=يوم الشريف يدوره بآلافي
حال الفديّر والفويضل دونه=يروون حد معكفات السيافي

وبعد ان زبنه الغييثات من الشريف جاء الشريف بجيوشه وجاء باقي الدواسر مع الغييثات وحصلت معركة قتل فيها ابن الشريف والذي قتله المقينع بن الفدير من الغييثات أما الشريف فقد اسره الدواسر واشترطوا عليه ثلاثة شروط مقابل اطلاق سراحة:
الدوسري يدخل مكة دون دفع ضريبة (إذ كان يفرض الأشراف ضريبة لمن اراد الحج أو العمره ،وقد ألغاها الملك عبدالعزيز بعد فتح الحجاز).
دخيل الدواسر آمن ولا يلاحقه الشريف،وما ضاع للدواسر في حمى الأشراف يرد لهم.

ويحضرني هنا بيت لشاعر يام علي بن بلال اليامي الذي يقول فيه:

أهل مثلوثه وأهل خيل يوم الحرب شـاع=جارها يركض وراها الشريـف وتمنعـه
ودون هيبتهم انطلوا هيبتـه طليـة وداع=(الدواسر) من على سرج حجلا تجدعـه
ساومت سلطان الأشراف في سوق المباع=والحرايـب نارهـا وارثــه ومولـعـة

أما قصيدة ابن مطرف فأعرف منها:

جليت وجلاني الشريف ابن هاشم =وسواة من من جلاه الشريف يخاف
جلينا ونصينا هيلة عتيبة=وقلوبهم يم الشريف صخاف
وزبنا على غلب سبيع بن عامر=يدوسون الأريا والعزوم ضعاف
وزبنا على (__)و(___)=كنهم قرودٍ تتقي بإطفاف
وزبنا على (__)وخلطهم=الهرج واجد والعقول خفاف
وزبنت على لما رجال آل زايد=أطوال القنا بين اعساف
ومن قبل ذا قد زبنوا اللي قبلنا=وداوو عمى من لا يشوف وشاف
وترى عزوتي منهم رجال آل فادر=غشاهم من البيضا ذرا والحاف
وترى معرفتي منهم الفارس محمد=عليه من جديد الجوخ لحاف
أفيا نعم ياولد( الفدير مقينع )=وسيفه علا من راس الشريف انزاف
ويانعم يا ولد المبيعيج ناصر=جواده في العج اتغبا وتشاف
أو عمري الصطا من شبا السيف حاظر=جواده منها السابقات تخاف
عسى الحيا يحيي لديار آل زايد=وعسى دارهم عقب الخريف تصاف
ما زبّن اللي مثلنا كون مثلهم=اكسروا عساكر دولة الأشراف
يوم اصفقوا القوم في القوم ارتكوا=أرزان المواقف هم ذرا من خاف

وقصد الشاعر برجال آل فادر في القصيده هم الغييثات

هذا والله أعلم ،وتقبلوا تحياتي،،،

[محمد أبو زيد]

بيض الله وجهك يالعماني

ولاهنت على الموضوع

والدواسر الطيب ماهوب غريب عليهم

الطيب فيهم غريزه

بيض الله وجهك ولاهنت يالامير

[أبو الوليد]

لا هنت يا بومبارك ودائما مبدع وعساك عالقوة

تحياتي لك

[العماني]

شديد الباس

ووجهك ابيض القرم وماعليكم زود وانت تستاهل كل خير.

تقبل تحياتي،،

[العماني]

أبو الوليد

ولا انت طال عمرك وتسلم على الاطراء الطيب

تقبل تحياتي،،

[سالم الدوسري]

تسلم يمناك يالعماني
تقبل تحياتـــي ، ، ،

[العماني]

سالم الدوسري

ومن قال يسلم ومشكور على الرد الطيب

تقبل تحياتي،،

[بصمة بدوي]

كفو والله يالآد زايد .. ولا هي غريبة عليكم ..

أخي العماني لحظة قرأتي لموضوعك مر على ذهني بيت لشاعر دوسري
لا يحضرني اسمه الآن ..

بنت انا من لابة تروي كبود اللي وردها \\ لابة تعطي حقوق لجارها تاسم عصاها

(( لجارها تاسم عصاها )) كـ شرح الشاعر أنه من سلوم قبيلة الدواسر العزيزة
هلا أخبرتني بالمزيد عنه ؟!

سلمت يا الغالي و مع التحية

اخوك
تركي العقص المطيري

[العماني]

حياك الله أخ تركي وماعليكم زود


وما يميز وسم العصا انه بعد وسم عصا الجار او الضيف يظل يتمتع بحقوق الجيرة والحماية في اي مكان وليس شرطا ان يكون ملازم لبيت جاره اللذي اجاره او تعهد بحمايته.


تقبل تحياتي،،

[سمو الامير]

كفو ا يالدواسر ومافيكم حكي

ويستاهل المدح من يفعل الطيب

لا هنت يالعماني على القصيده