هذا الشاعر / فهد بن عبدان
يروض قوافي القصيده في تعزية
الشعوب العربيه بفقدان زايد ال نهيان
.
.
زايد ( ذرى الملهوف )
.
.
ماوعيت الا شموخ الشعر واقف فوق راسي
........ويتكسر كبريائه ساع قال اكتب قصيده
قال بصرك ياولد اكتب كما ناشط سياسي
.........او كما عاشق هموم العشق تجري في وريده
قلت انا لاذي ولاذيك بتلهب لي حماسي
.........ولو ابكتب خابر اني مااجيب الا الفريده
فيك ياشعري ابنعي رجم فوق الأرض راسي
.......حر واختاره ولي الكون عن باقي عبيده
من خبر موته وجل الناس صايبها عماسي
........واحد(ن) لامن نصيته كنك ناصيلك بديده
أجود امن الجود / خيّر / ماوطى درب الدناسي
.........عيّدو كل النشامى واليتامي يوم عيده
هو ذرى الملهوف لامن ضك له في ظرف قاسي
........عون للي مالقى في الكون رجّال(ن) يفيده
الكرم فطره وعطره من قبل نصب الكراسي
.........ماحسب في يوم من الايام كم باقي رصيده
العطا ثابت وزايد ماخذه نهج(ن) أساسي
.........والكرم قال ان زايد في العطا عمه وسيده
الفراسه والسياسه فيه من غير التباسي
........قاد ريّسنا الامارات السبع صوب السديده
يخلف اللي مات نجله صاحب الرقم القياسي
........قولة ونعم بجنابه ماتوفيه وتزيده
قرم يوم الغير جنّب في جلل أهلي وناسي
..........شرّع البيبان / قال أرحب وكل(ن) حط فــ يده
مركب الضيفان يوم تدور تبحث عن مراسي
.......صوّت الها يوم له مرسى يزبّن في الشديده
ذا خليفه نسل منهو حرّك بموته حواسي
.......مات لكن قالوا ان مامات من خلّف وليده
ياابونا جعل قبرك مثل من غطّه انعاسي
.......في ثواني تدخل الفردوس وأيامك سعيده
.
.
المخاضيب
06-11-2004, 02:21 AM
العرض العادي
