أنا على خبرك كما ريحة العود /اذا احترق بالنار يزداد طيبه

[عبرة وداع]

السلام عليكم ورحمة الله وبركاته



هناااا




سوف احط رحاااااالي



بمشيئة الرحمن

كل ما تاااقت نفسي للشعر



اتمنى ان تكون زاويتي تلقى على الرضاء




بـــدايــــة



لعيونها وبعيونها وفي عيونها يحلا القصيد
ذاب الخفوق اللي بعشقها والموت رهن عيونها


شح السنين اللي مضت جادت بعد ذاك الوعيد
يابس غصوني اورقت واضفت علي غصونها



لعيونها اميرتي يصبح الغالي رخيص
روحي وقلبي لاجلها صدق العطا يهدونها


بعيونها حبيبتي اموت واحيا من جديد
بالوصل اعيش وبالجفا تقضي على مفتونها


في عيونها حب وفاء واحساس من نوع فريد
شموخها واخلاقها قوه تزيد حصونها


تستغربون ولا عجب للحين ما قلت المفيد
هي فوق ادراك العقول الوصف يقصر دونها



ملاك في صوره بشر سبحان خالقها المجيد
روعه مليكه خافقي والزين اصل فتونها



همساتها لا جابها شوق الوله ذاب الجليد
تعطي بلا حد ومدى ماينتهي مخزونها


في شرعها وقاموسها كره وضغينه ماتسيد
الحب بانواعه تسيد مبدا لقانونها


هي غيرت فيني كثير وطعتها وانا عنيد
هي لونت لون الفرح في عالمي من لونها


هي تقدر بكلمه تخلي الذيب كالطفل الوليد
مااقدر اقاوم صدقوني ابها وانا مجنونها


هي من خيالي واصبحت في واقعي حب اكيد
هي بالحقيقه بعالمي نور وظلام بدونها


(.....) ابها بدع خلاقها باخلاقها رب العبيد
سبحان من هو بالجمال اضفى وغطى ردونها




من راسها لا اقدامها بالزين كاسيها الحميد
رقه واناقه راقيه عذبه كثير فتونها



لو هو بكيفي ماوقف شعري على وصف الفريد
لكن عزاي اني بشر عايش بروعه كونها



وختامها لعيونها وبعيونها يحلا القصيد
ذاب الخفوق بحبها والموت رهن عيونها

[عبرة وداع]

الزمان (ا ) قصيـر والدنيـا تـدور
كل يوم يضيق فـى عينـى مـدارى

صاحبى محتاج لـك شعـر وشعـور
وإحتياجى شـى ماكـان إختيـارى

من متى والغصـن يختـار الطيـور
من متى والبـال يختـار الطـوارى

لاتسمـى صمتـى البـارح غـرور
انكسارى خلف هالصمـت متـوارى

فى غياب الشمس وش ذنب الزهور؟
والمطر لاشح وش ذنب الصحارى؟

اللقـا لحظـات والغيبـه شـهـور
تقصر الخطوات ويطـول إنتظـارى

لو قريت المنكتـب وسـط السطـور
ماكتبـت لغلطـة العمـر إعتـذارى

صمت هالمينا مثـل صمـت القبـور
مارسى مركب ولا لاحـت صـوارى

[عبرة وداع]

وبنيت قافي على لحنه ودستوره
لعلي اسلا وقلبي بالغنا يبرا


ذكرت منهي على فرقاي مجبوره
ولا غيرها في سكون الليل من يطرا


ريميةٍ من خيار الريم مذيوره
والرمش يزهى جمال عيونها الخدرا


هي ريحه الورد والريحان وعطوره
هي نسمة جرت العاشق على المسرى


من كثر ماتحتوي من زين مغروره
واقول يزهى الغرور الغره العفرا


نفسي تبي وصلها والنفس معذوره
ومنهو يلوم المولع في هوى عذرا


ماهيب بدرٍ يشعشع فالدجى نوره
ليا بدت نورها غطى على القمرا

[عبرة وداع]

صباح الخير من بد الخلايـق لـه صبـاح الخيـر
صباح ٍ يجلـي عمـاس الظـلام ويكشـف انـوراه



صبـاح الحـب والأشـواق والأشجـان والتقـديـر
يصبّـح بـه علـى نسمـة غـلاه ونفحـة ازهــاره



صباحه غير في نسمة هواه إن خالـط النوّويـر
صباحه غيـر فـي عينـي ليـا مـن هلّـت امطـاره



حبيبي لو بغيت أوصف شعوري يعجز التعبيـر
ولكـن هـاك علـم القلـب عقبـك وأسمـع اخبـاره



أنـا فـي غيبتـك شفـت الهـلاك وصابنـي تكـديـر
وإلـى منّـك طريـت القلـب لأجلـك ينـثـر عـبـاره



ومصيبه دايم ٍ تطري علـى قلـب العنـا وتغييـر
وحزن الأرض في قلبي أبـد مـا يعتّـب اسـواره



تمنيني بوصلك وأنت مـن تقصيـر فـي تقصيـر
وشوقـي لـك يزيـد ومـا يخـونـك وافــي شـبـاره



تخاوينـي طيوفـك فــي المـنـام وحــزّة التفكـيـر
أجـر الصـوت وآلاحـي طيـور الـورق بأشجـاره



أنا لو جيت أبسلا عنْك كيف اسلا وكيف يصير
وبيـدك قلبـي وروحـي وعقلـي عــارف افـكـاره



أحبّك حب صادق ما دخـل فـي وسطـه التزويـر
وعليـك القلـب مـا يزعـل ونفسـي دوم صـبـاره



فديتـك حــنّ لـلـي جــاك ينـشـد للهجــر تفسـيـر
فديـتـك لا تـزيـد القـلـب هــمّ وعـالـج اضــراره



حبيبـي لـك غـلا كبـر الجبـال ودوم حبّـك غـيـر
وأنـا متحمـل ّ ٍ حبّـك ولــو زادت بــي اخـطـاره



وصباح الشوق لعيونـك صبـاح ٍ خطّـه التقديـر
يجيلك كل مـا ذعـذع هـواه وبيّـح اسـراره ..!!

[عبرة وداع]

رخيـت العـزم لاجـل انسـى زمــان فـيـه حبيـتـك

وانــا الولـهـان واشغـلـنـي عـــذاب ماتحمـلـتـه


رمـزت بحـرف حرمانـي علـى صـدر الالــم ليـتـك

تـحـس بلـوعـة المـجـروح يــوم انــك تجاهلـتـه


كتبـت اخــر قصـيـدة حــب بهاالـخـداع سميـتـك

وانــا العطـشـان واغـرانـي ســراب لاح ماطلـتـه


عـن دروب الغـرام اغضيت وعـن وقـت بــه اغليـتـك

رثيـت احساسـي المجـروح وفـا لـك وانــت همّلـتـه


ترى جرح الغدر و ان طال فيني ماترجيتك

الا وان مات حبي لك عــلـى كـف العـزى شـلـتـه

[عبرة وداع]

الغرور يحطم جسور الوصـال
يعمي عيونك ترى عن كل ضيّ

[عبرة وداع]

إن مـات شوقـك فشوقـي [ واصــلٍ حــدّه ]
وإن كنت رايق ف/ عقبك .. ماضحك سنّي


[ أرخـي لـك ] الحبـل وأنـت تـعـوّد تـشـدّه
صـار الجفـا فنّـك ../ وصــار الـوفـا فـنّـي


هــذي [ سـوايـاك ] بالـلـي خـصّــك بـــودّه
تعيـشّـه فــي عـذابـك و ../ أنـــت متـهـنّـي


هذا جزا اللـي هـواك و [ جـاك مـن جـدّه ]
عــاش يتـمـنـى وقـضــى الـعـمـر متـمـنّـي

[عبرة وداع]

مازاد في قـدري سـلام وتراحيـب
ولاقل مـن شانـي جهالـة فراسـة



ونفسي على الطيب تسوق المواجيب
سوقة غلا ماهـي بسوقـة بلاسـة



ونفسي على العليا تخطب المتاعيـب
حيث الفخر لالـه شيـوخ ودراسـة



ونفسي اجنبهـا جميـع العذاريـب
واحفـظ لسانـي لايـزل بغـلاسـة



ولامدهـا يمنـاي قصدالمطالـيـب
ولاذل نفسـي للعـذر والتمـاسـة



ولاني خوي الذيـب لادنـق الذيـب
انـا خـوي الذيـب لاهـز راسـة



ولاني من اللـي يستلـذ الاكاذيـب
ولاني من اللي نظرتـه باختلاسـة



واحشم ودراي واقطع الشك والريـب
وان طبت لاني زرع ابوي وغراسـة



وان جيت مانـي علـة كالنواشيـب
اجي غمام المزن مـروي اليباسـة



وان شفت عيب من هل العيب ماعيب
اخـاف ثوبـي لاتجيـة النجـاسـة



ومن قو باسه هد عزمي المصاعيب
وخاوى ظلام الليل مـن قـو باسـه



وثنتين مالي عن غلاهـن مجانيـب
الاولـه ظلـي ولا رضـى مداسـه



والثانية لـو تبتلينـي المصاويـب
ابقى عزيـز لـو فقـدت الرياسـه

[عبرة وداع]

بيننا الوصل استحال , وبيننا البعد استحال
والغلا ممشاه فوق لـ فوق ما يمشي نـزول



ليت من يصفى زمانه ويتهيا له مجـــــــال
لا ظروف تحول دونه , والمفارق مايحــول



يالجفول اللي يجفلها تحراااك الظــــــــــلال
وان تحركتي تحرك لك رزينين العقـــــــول



تاخذين من الدلال اللي يكفيــــــــــــك الدلال
وأن تدللتي تجمهر ( كل خلق الله ) فضـول


ما عطا غير الكريم , اللي عطا حد الكمال
تنطحن روس السباع وينتصر رمش الجفول

[عبرة وداع]

همسة


اذا رأيت الله يحبس عنك الدنيا ويكثر عليك الشدائد والبلوى

فاعلم أنك عزيز عنده .. وأنك عنده بمكان ..

وأنه يسلك بك طريق أوليائه وأصفيائه .. وأنه .. يراك ..

أما تسمع قوله تعالى .. (( واصبر لحكم ربك فإنك بأعيننا ))