(( أرجال السطر ))
الشاعر ناصر بن فهاد
صــلـوا على النبي
لاعدوا أرجال السطر والظفر وأهل المـروات
نذكر لنا رجلٌ ينومـس ليـا ثـارت ذخيـره
لاهنت يا سالم على الفعل يا رجل المهمـات
يالنشمي اللي ما تزحزح عن القمـه مسيـره
فعلك شجاعه يومها باللقـى ماهـي حكايـات
سالم أبن نملان يالسيف فـي وجـه المغيـره
تشهد لكفك عين بعض العرب ختم وعلامـات
وقفتهم بالحد يـوم الوطـن حنـى مصيـره
ولاهان أبو راشد وطى في رجوله فوق هامات
تشهد له الصوره حميه وقف في كـل غيـره
ولاهان أبو سعود فعلاً عليه أشهـود وأثبـات
أنتم فعلتم فعـل شـرًف ويحسـب للعشيـره
فعلاً يخلـد لرجـال المعـزه كـل الأوقـات
حتا لو أنـه تندفـن ذكرهـم ينـدى عبيـره
الدار لأهل الدار لو صارت الدعوه غَـزَاوات
حنا هل الديره من أقرون وأسيـوفٍ شطيـره
نبتر رقاب أعدائنا كانهـا وصلـت كرامـات
كله ولا نرضى المهونه من أتبـاع الحقيـره
حنا رضعنا العز بأمر الذي منش السمـاوات
ذباحت الشيخ وسكنا وسـط شبـه الجزيـره
يشهد لنا التاريخ وألنا مع الشجعان بصمـات
لطامت العايل قبايل ظفـر فـي كـل ديـره
ويالله تحفظ دارنا من عبث مخـزي وشمـات
وتحفظ رجال الدين والـدار أتقـوي أميـره
وتنصر هل التوحيد ولا الروافض ذل وآهات
وأتعيننا في حكم شرعك فشرعك ماش غيـره
وأتوفنا في سنة الهـادي المعصـوم بالـذات
وصل الله وسلم على محمد أعـداد المطيـره
20-05-2011, 09:06 PM
العرض الشجري