** حبيت شـــايب !! **

[قبلةالعجمان]

وللشعر مجاله في الكوميديا ، ومن الخيال كتبت هذه
القصيدة التي تصور كيف أحبت احد الفتيات شايب ، وتشجع غيرها على الزواج من الشيبان .



حبيت شايب لا تقـولون لي ليـه
.....................لقيت عنده ما أبي العزّ والجاه
ولقيت عنده حبّ من قلب يعطيـه
....................هو حبّي الاول ولاخر وانا افداه
قرب على التسعين لا شي يشكيـه
...................سلفه يـدّق بلا اشتراكٍ وتحمـاه
مهمـا طلبته قـال حاضر ولبّيـه
...................يركض على شاني ولا همّه شراه
لـو هو لبن عصفور لابـدّ لاقيه
....................يفـرح اذا من قلت يارب تجزاه
وان ضاق صدري بان حزنه بعينيه
....................ورحت اتمشى فالبساتين وايّـاه
يجمع لي أجمل ورد من نقوة ايديه
...................والشوك عن دربي يشيله بيمنـاه
واذا رجعنـا البيت فالأنس يحييه
...................شال الهجيني والرقص دوم يهواه
وان كان ابي "ديسكو" فلا هوب خافيه
....................."البريك داون" يضبطه ما تعنّاه
يا بنت خـوذي شـايبٍ لا تعـدّيه
...................خـاتم بيدّك والمخـاليق بحماه
وش لك بورعٍ تايـهٍ في مفـاليه
...................اما سهر والا دشــاره وبلـواه
والا فقيـرٍ راتبـك ما يخـلّيـه
...................والا غني والبخـل دوم بخطـاه
والا مطـوع وحــدةٍ ما تكفيّـه
...................ولو هي وحيده تنتهي من سواياه
حتيش لـو دينـه عن الغـي ينهيه
................... سيـارته من كثر كـرفه تشكّاه
ولا تاخذي شاعرترى العشق يغريه
...................يا سـرع ما يقلب لحبٍ تحـرّاه
ولا تاخذي راعي "تداول" وتشريه
....................فكـره مع الاسهم عشيقٍ وليلاه
فالشـايب اللي كبر جـدّك تمنّيـه
...................لـو قدّر الله مات فالورث ذكراه
من بعـدها تشرين زوجٍ وتغنيـه
...................دام الشباب اليـوم فقره توطّـاه
ويصير لك ظـلٍ وتيسٍ تربّيـه
..................برويتبٍ مثل الموظف ولا احلاه









وسلاااامتكم ....

[راكان اليامي]

صح الله لسانش ياقبله
وياعوين ذالمره

[قبلةالعجمان]

راكان اليامي





صح بدنك


ولاهنت على المرور الكريم ....

[محمد أبو زيد]

هذي والله اللي تولعت فيه صح


قبلة العجمان لاهنتي على القصيده


وعسا فالك وفال اللي خذت الشايب واحد

[عيد بن شدقان]

فالشـايب اللي كبر جـدّك تمنّيـه
...................لـو قدّر الله مات فالورث ذكراه
من بعـدها تشرين زوجٍ وتغنيـه
...................دام الشباب اليـوم فقره توطّـاه

صح السانش
ياقبله

[قبلةالعجمان]

شديد الباس

وعسا فالك وفال اللي خذت الشايب واحد

هههههههههههههههههههه





لاهنت على المرور الكريم .....

[قبلةالعجمان]

ذياب



صح بدنك ..



لاهنت على المرور الكريم ....

[الشجاع]

اعقبي

[ابوتركى]

مهمـا طلبته قـال حاضر ولبّيـه
...................يركض على شاني ولا همّه شراه


قصيده جميله قبله واختيارك لها من حسن الاختيار

لكى التقدير

[قبلةالعجمان]

الشجاع



شاكرة لك مرورك ..