ثروات اللحى والدشاديش القصيرة للشاعر / حمد المخيال

[فلاح بن سويري]

أرسل الشاعر حمد المخيال قصيدة لجريدة الآن يهجو فيها كل من استغل عباءة الدين وساوم بشكل التدين الظاهري من أجل المال والثروة وباع دينه بدنياه، فقال:


عقب المنابر والخطابات والدين ** ومن عقب ذكر الله وتحفظ كتابه

ومن عقب قصر الثوب طوّلت شبرين ** واللحيه اللي غاب عنها المهابه

خربتها ياللي مدحت الشياطين ** أعميتها وأخلفت درب الصحابه

يا فارسٍ ملهيه جمع الملايين ** سدد ديون الشعب وسكر حسابه

بذكرك في يوم عرض الموازين ** اللي كسبته ما يطوف الرقابه

قبلك ملوكٍ لفلفوها بمترين ** وأموالهم صارت عليهم نشابه

أنشد قصورٍ شيدوها السلاطين ** وأنشد شبابيكه وسوره وبابه

لو دامت لغيرك فلا جيت ذلحين ** وبتروح وياتي غيركم من غيابه


حمد المخيال

[الــــســنـــافــــي]

صح السان حمد

ولاهنت

وهو معروف الي من قاله فيه القصيده

[العــــديم]

قصيدة هجائيه رائعه
صح لسان قايلها
ولاهان ناقلها