وعيب الفراق الذكريات الجميلة ,, ولاترى باقي اموره سهالات

[عـجلان]

مشاركة اولى أتمنى تحوز على رضاكم

البارحه ليلي تقول الف ليله = مانمت لين الصبح جاله علامات

الين باح الشوف ماله حصيله = لا النوم زان ولاحصل فايت ٍ فات

العين حشاها سوات المليله = لاسال دمع ولا حصل لي سلامات

وجدي وجود اللي مثور قبيله = وقبيله اللي صوبه حي مامات

جلا وخلا لابته والحليله = ولا عاد يرجي غير رب السماوات

عليك ياراع العيون الكحيله = اللي هدبها مثل سل الرهيفات

ياللي بقلبي ماش شئ ٍ مثيله = تقول ماخلقن مع الناس خفرات

ياللي بزينك نافل ٍ كل جيله = بين القصار وبين زين الطويلات

ياشبه وضحا ً للموصف دليله = تنطّح الصابور مع كثر الأصوات

ترعى بضف الشيخ حامي الدبيله = مخلي ظهور الخيل راع المروات

فيصل ولد سلطان منجي دخيله = ليا هاب من هاب الأمور الثقيلات

أبيك تفزع لي على كل ميله = وأثرك سبب ميل الليالي والآهات

نفسي ولو نوّيت ماهي ذليله = تردع شفا نفسي سلوم ٍ قديمات

حاولت فيها مير ماهي قليله = اللي حصل لي منك يأثر على الذات

إن رحت عني فالخسارة ثقيله = أثقل من الضيرين ولا السروات

( وعيب الفراق الذكريات الجميله = ولا ترى باقي أموره سهالات )

[عيون الطنايا]

صح لسااانك
ولا هنت
موفق خير
تحياتي

[عبد الله العظيمان]

صح لسانك
ولاهنت على القصيده

[تـخـف الـعـقـول]

( وعيب الفراق الذكريات الجميله
ولا ترى باقي أموره سهالات )



آحمل بيت بهالقصيدهـ


لآهنت وصح لسـآنـك


بالتوفيق


,,

[خالد بن رمثان]

صح لسانك يا عجلان

وصف طيب و قصيده دزله

فإنتظار جديدك هنا ..