احدٍ فقيـرٍ ومـا لقـى لقمـة العيـش = واحـدٍ مـن التخـمـه يـبـذر حـلالـه
هذا بليّا شغـل يصـرف علـى جيـش = وهـذا يـدور شغـل مـيـر استحـالـه
يمـوت حسـره لا تنبّـه علـى ليـش؟ = مـن طفـل مالـه ذنـب يطـرح سؤالـه
ولا شاف بزرانـه طيـورٍ بـلا ريـش = الـجـوع واطيـهـم وهــو بالبطـالـه
عاطل يبي له شغل لـو يلبـس الخيـش = مهمـا يكـون الشغـل فـوق احتمـالـه
جنسيّتـه نقمـه .. خليجـي وحتـيـش = لـو كـان وافــد يشتـغـل بالكفـالـه
من يوم يسأل جـا لـه الـردّ تطفيـش = لـو هـو لبـس وزره وغـيّـر بحـالـه
خـل المصـرح ينفـعـه بالتفاقـيـش = وبيـع الكـلام اللـي قصـر عـن فعالـه
مثله الـوفٍ مـا لقـوا لقمـة العيـش = والاجنـبـي يـرثـع ويـرسـل حـلالـه
؟؟؟؟؟؟؟؟؟؟؟؟؟؟؟ = ؟؟؟؟؟؟؟؟؟؟؟؟؟؟؟؟؟؟؟
وهذا من النعمه على مركـب الطيـش = فـي كـل ديـره سابـح فـي ضـلالـه
بين القمـار وبيـن شقـرٍ مغاشيـش = امضـيّـع الطـاسـه بــدرب الـرذالـه
ماجابهـا مـن بعـد كـدٍ وتحويـش = ولا هـو ورثهـا مـن عمامـه وخـالـه
لانّـه بطانـه شنطتـه دون تفتـيـش = يضـرب بسيـف العـم دامـه رخـى لـه
عنده فيـز والآف مـن هالدراويـش = وتوظيـف الأصلـي مايجـي فـي خيالـه
يسرق وينهـب ماكفتـه البخاشيـش = همّـه رصيـده لــو حــرامٍ نـوالـه
ولا من مشى طاووس من نفشة الريش = وقــدام عـمّـه يحـتـري للتـفـالـه
من عقبها يعطى الرضـاوه مقاحيـش = ولاّ أوامـــر والـخـتـم باحتـيـالـه
متناقضات فـي زمـان بـه الطيـش = واللـي بعقلـه مخطـرٍ مــن هبـالـه
عثمان العبدالله
30-10-2004, 01:53 AM
العرض العادي
