صـــــوت <--------- > صـــــدى :-

[جراح بن ضيدان العجمي]

السلام عليكم حبيت ان اضع بين اياديكم صوت وصدى بيني وبين الشاعر خلف المهيلان

وابدأ في صوت خلف المهيلان

*
**
***
****
***
**
*
عكس المسمى ليه سمـوك جـراح
وانت بحديثك بالسم ٍينعش الـروح
0
لك قاف كنـه لامـع البـرق لالاح
الله يزيـد الموهبـه ذكرونـجـوح
0
شاعر لبيـب وكـل مافيـك لمـاح
وذكرك مع الشعار يالقرم ممـدوح
0
شعرك على بيض الورق كنه وشاح
ماكنك الامن دعـي فـوق بالـوح
0
ياعل يفدونك هـل القيـل الاشبـاح
الـي يزيـد وشرالايـام بـوقـوح
0
شذاء المعاني من يلومه إلى فـاح
ازهرقصيدي لك معانـي وجـادوح
0
صاحبك علمه بالمسـره ولافـراح
قبل العناو الهم والحـزن والنـوح
0
حظه إلى منه نهض ساعة ٍ طـاح
رغم أني اجازف ولي عزم وطموح
0
صعبن رجوع الي مضى يافتى راح
وترديد هرجيبه على غير مصلـوح
0
فجرالربوع اليوم غيرن ومـن بـاح
وأنا أشعراني ودي اقـول وابـوح
0
عن ماتخفي سترت الجوف بيضـاح
عن مابصدرٍ واهجـه دايـم يفـوح
0
دورت قلـب ٍيعـرف الودنـصـاح
وإلى لقيتـه مـرت ٍجـاه سامـوح
0
بين السراب الي سطع تقل ضحضاح
وبيدن تتعب من خذا برضهاشـوح
0
والعاذل الي شغلتـه شغـل نبـاح
طال بغثاه اهل الوفا قاصر شبـوح
0
جراح يلي عرفتك مكسـب الربـاح
اخوك خفاقه مـن الوقـت مذبـوح
0
مال المساء الليله تغاميض ومـراح
يرقابي الهاجس وياخذبـي انـزوح
0
وجدي على وقت ٍمضى وجد شـلاح
على الفديع الي ترك وسطه جـروح
0
0
خــلـــف الـمـهــيــلان
0
00
000
0000
000
00
0

الـــــــصــــــــدى
0
00
000
0000
000
00
0
يامرحبـا واعـداد مـابـارق ٍ لاح
باللي جوابه ينعش القلب والـروح
0
حي القوافي تطرد اليـوم الاتـراح
من طيبٍ لامن عطى مابه اشحـوح
0
واليا نخيته جـاك للمـووت نطـاح
مارفقته غدرن على شان مصلـوح
0
راية شعر والشعر ماعذبـه أمـلاح
وكلٍ سمع نبضه وعالّمـه مشبـوح
0
شعرٍ جميـلٍ مبعـدٍ عنـي اجـراح
شاعر وله وصف ٍ لبس لجله وشوح
0
دامك خوي الدرب يالقـرم برتـاح
ونارد زلال الجم واعطيـك قرطـوح
0
من زعلك نسقيه من سمـن ذحـاح
يالله عساه يصير بالهـم مطـروح
0
خلف ولك فزعه ونخوات واصـلاح
سقت المراجل والمراجل لك ربـوح
0
ادم خسر جنـات باسبـاب تفـاح
والادمـي زلال لوكـان مـدمـوح
0
دنياك يابن ادم عواصيـف وريـاح
يوم يزيـن وغيـره يمـر ويـروح
0
الهم باذن الله مع الوقـت منـزاح
يثني عنادك قاسي الوقـت بنجـوح
0
لاهان رجـل يحفـظ السـد مابـاح
وماله بهرجت كل ناصح ومنصـوح
0
خلك بدنيـا الغـم والهـم سـواح
وان صكت البيبان باب الله مفتـوح
0
وابعد من العـاذل ولامـاه ياصـاح
تراه للصاحب ولـو صـار ذابـوح
0
والله مهي ياصاحبي ضحك ومـزاح
خوينـا نفديـه لوكـان بـالـروح
0
ماني بمثل مسيلمه صاح ثـم نـاح
وصداقتي مهي لجل ضحك ومـزوح
0
الوقت ماينـلام لـو صـار ذبـاح
يشوف قوم تجي ولا تقـدر تـروح
0
00
000
0000
000
00
0
وســـلامـــتــــكــــم
جـراح بـن ضيـدان العجـمـي
0
0
0

[العماني]

صح لسان خلف المهيلان ولسانك يابن ضيدان

كل قصيدة احلى من الأخرى

لاهنت وفي انتظار جديدك
تقبل تحياتي،،

[فيصل بن حجرف]

صح لسانك يابو ضيدان وصح لسان المهيلان

قصيدة رائعة من شاعر رائع

[عيد بن شدقان]

صح السانك يابوضيدان
والسان خــلـــف الـمـهــيــلان

وننتظر جديدك