هـــذى هو الــــي تبيــــــــــــــه ..؟

كويتي · #1 02-10-2004, 09:50 PM

هـــذى الخـــاطر اهداء منـــي لـــكل شخــص متســرع فــي حكمه
على النـــاس ولا يــاخذ بعيــن الاعتبــار ظروف الأنســان الي حكم عليه
اتمنـــا انها تحوز على رضــاكم ,,

هذا هو الي تبيه ؟
وهذا هو الي قدرته
وقدرك ربي عليه ؟
اني ارحل من حياتك
واشعل عيوني بـ ليه ؟
بس خلاص ؟
بذمتك هذا كلام ؟
اني ارجع من جديد
ارجع افرش كل تعب عمري وانام ؟

***
زين لحظه
لا سئلوني الناس وينك
وان درو ضحكت عيونك
من عيوني سافرت ردت لعينك
بذمتك وش اقول ؟
قول قول

***

الله يخرب بيت بيتك
توني يادوبي بديت
بعت عمري واشتريتك
خطوه خطوه واشتريت
توني باطراف البدايه
مدري وشلون انتهيت

***

ياخي حس
والله عيب الي تبيه
اني ارحل من حياتك
واشعل عيوني بـ ليه ؟

***

لا جبينك شمس واحساسك مطر
لا عيونك شوق وشعورك دفا
جبتلك بيدي ابتسامات العمر
ليه تكسرها على اطراف الشفا؟
شوف بعثرني احتياجي بالنظر
شوف وجهي امتلى منك بـ افا
ما تجي منك .. ولكن يا بشر
منت اول من طعني بالجفا
ابرك ادفن كل جروحي بالسهر
ولا اكر من ورى قلبك شفا
ول يا قلبك ما يجيب الا القهر
ول يا عمرك ماعرف طعم الوفا
ولا انا .. مثل النهر ابقى نهر
من تحوسه ترجع تشوفه صفا
وفيني والله احساس ليمنه ظهر
يشعل ضلوعك اذا قلبك طفا

***

هذا هو الي تبيه
وهذا هو الي قدرته
وقدرك ربي عليه ؟
بذمتك هذا كلام؟
اني ارجع من جديد
ارجع افرش كل تعب عمري وانام؟
وين اروح ؟
وشلون اجيب لقلبي المجروح روح ؟

تقبــلو تحيـــاتي
كــويــــتي

هند · #2 02-10-2004, 09:53 PM

كلمات رائعه ياكويتي
يعطيك ألف عافية

لك تقديري
السؤدد

كويتي · #3 02-10-2004, 10:32 PM

تسلميــن يا السؤدد على هذى المرور

كويــتي

غلاتي · #4 02-01-2005, 07:50 AM

اخوي كويتي للامانه الشعريه هذي ليست خاطره انته كتبتها لانها واضحه ومعروفه ان هذي قصيده للشاعر سالم سيار واسمها ليه ...

كويتي · #5 04-01-2005, 01:26 AM

اختي الغاليه مهره بلا فراس عندي خبر انها لسالم سيـار
وانا حاطها اهداء وعلى ما اظن مبينه من الكلام الي قبل
القصيـده
وانا ما قلت لي وياريتني اقدر اكتب نفسها

لاهنتي على هذى المرور

تقبلي تحياتي
كويتي

خميس سحمي · #6 04-01-2005, 08:17 AM

لاهنت على اختيارك الطيب

اطياف الماضي · #7 04-01-2005, 09:09 AM

كويتي

اختيار موفق

يعطيك العافية

لك تحيتي

غلاتي · #8 04-01-2005, 11:05 AM

انا توقعتهاا انها خاطره منك....سوووري على سوء الفهم لاهنت على اختيارك

كويتي · #9 04-01-2005, 10:55 PM

تسلم اخوي خميس مرورك اسعدني

تقبل تحياتي
كويتي

كويتي · #10 04-01-2005, 10:58 PM

اطيــاف الماضي اسعدني تواجدج في موضوعي

تقبلي تحياتي
كويتي