لا ضاقت الدنيا الوسيعه بصدري ..

[تعب قلبي]

السلام عليكم ورحمة الله وبرك

اته

اتمنى من اخواني وخواتي يقولون رايهم بكل وضوح وصراحة واتمنى تثبت بهالقسم يابو عزام واتمنى ان تنال اعجابكم

لاضاقت الدنيا الوسيعة بصدري
وزهقت من كثرة همومي ومليت
زبنت من يعلم بسري وجهري
ومديت سجادة صلاتي وصليت
في وقتها مااحس ,مااشعر ,ولا ادري
بالعالم اللي من سبايبه عانيت
نسيت دنيا بايعتني وتشري
ناس (ن) رخيصة راضية بالفتافيت
ونسيت هم(ن) داخل الروح يسري
وسط الحنايا العوج معمرن بيت
ونسيت كم راحت من أيام عمري
في ضيق في حسرة ولوعة وتشتيت
ونسيت أشخاص(ن)تفاخر بغدري
وتضحك ولا كن الغدر شيمة الهيت
ونسيت كل الناس فوق(ن)وحدري
وذكرت رب(ن) من رضى عنه بخيت
يالله ,,لاتضيق عليه بقبري
والا الحياة ,,ايامها للتوابيت

[خالد بن رمثان]

يالله ,,لاتضيق عليه بقبري


.. آمين إن شاء الله و كل من يقرا ..


و ثبتها يا بو عزام

[تعب قلبي]

لاهنت ياخوي خالد,,,,,,,,,,,وان شاء الله تكون نالت اعجابك ,,,,,,,,,,, ترى رايك بيفيدني حيل ومشكوووور

[عيون الطنايا]

صح لسانك ..
ولا هنت على الابيات ..
تقبلي مروري ؟؟

[تعب قلبي]

عيون الطنايا ,,,,,,, مشكورة وصح بدنك واتمنى ان تكون أعجبتك

[نايل الظفيري]

ونسيت أشخاص(ن)تفاخر بغدري
وتضحك ولا كن الغدر شيمة الهيت



هههههههههههههههه


الله يقطع ابليسك يابنت


صح السانج

[تعب قلبي]

أخوي نايل ,,,,,,,,, صح بدنك وتدوم ضحكتك ومشكوووور

[خالد العجمـــي]

الشطر الأول من القصيده على المسحوب والباقي ضيعتي فيه
غني الشطر الأول وخلي اللحن كله عليه لانه هو مطلع القصيده فلازم تكون القصيده كلها على وزنه والي هو المسحوب .
وافتكي من زيادة حرف الواو في مطلع كل بيت لانه بيدخلش في بحر ثاني الا أذا كان بعد الواو حرف ساكن أو ال التعريف او ال القمريه .
وان شاء الله موفقة خير .
قصيدتش الي قبل وحده منها كانت على الرمل الثلاثي وهي غالبا لحن قلطه قريتها على الماشي يعني ماشاء الله تملكين موهبه بس تحتاج صقل شوي .
موفقه خير واي استفسار حاضر.

[مشاري العجمـي]

وسط الحنايا العوج إمعمرن بيت





القصيده سليمه بس الضاهر ناسيه الألف والهمزات بس الشاعر بيعرف انها خطأ مطبعي وكلها على المسحوب ياخالد حتى المسحوب غلطة فيه

صح لسانش ولاهنتي على القصيده


تحياتي

[فلاح بن ضيدان]

صـح ألسانكـ

وتقبل مرووري وودي لكـ ~~