ورّاد يا ورّاد

[عسّاس]

يا سلام الله سلامي والبشر ملتمّه=لكن السبع المضيّر ما دفنْه السافي
إيه يا وراد مدام الرجال مطمّه=اقرب اقرب يالسنافي ماعليك خلافي

[ورّاد]

مرحبا بك ياعسّاس

مرحبا بك يا مسلّم وانت راعي همه=عد ما هلت مزون الغيم والما صافي
راعي العمّه ندسها يوم ذبّ العمه=من بعد ما جاه برق الصيف ردد كافي

[عسّاس]

تبقا يا وراد

والبقا ياللي ترحّب بين باش ورمّه=وأنت وافي والبشر تفرق ردي ووافي
العيون مركبّه والباش فاير دمّه=ولا أقوم الا أشوف الباش ما ينشافي

[ورّاد]

البشر تفرق وانا شبحي لـ راس القمّه=يوم بعض الناس مايقدر ويمشي حافي
الحنش لا بان سمه ما يجينـا سمّه=كل شارب نحلقه لو صاحبه عرّافي

[شآسع المري911]

هنا امواااج تلاطم

صح الله اللسنتكم وبيض لله وجيهكم

وااصلو وانا متاابع

[ورّاد]

مرحبا مرحبا يا شاسع

صح بدنك ولاهنت

[عسّاس]

اللي مدحني بمدحه واللي يذم أذمّه=الوقت وقتي وانْ بطا / والملعبه محرافي
واللي عجز وجه الرجال الوافيه مثل أمه=ما هزّ راسك يا جبل من الرياح معافي

[عسّاس]

المشاركة الأصلية كتبت بواسطة شآسع المري911

هنا امواااج تلاطم

صح الله اللسنتكم وبيض لله وجيهكم

وااصلو وانا متاابع

صح بدنك
ولاهنت على الكلام الطيب
تشرفنا متابعتك

[عسّاس]

ورّاد
الختام عندك
ولاهنت
وشرفتني باللعب معك
ولنا لقاء عن قريب ان شاء الله

[ورّاد]

الفحل لا من هدر يهدر وفعله تمّه=كل مفرود ٍ بـ شبكه من حضوره خافي
الرديّ وان بان طيبه ما يعرف الذمّه=طافي ٍ وجه ونوره مثل وجهه طافي

صح لسـانك يا عسّاس

ولاهنت