عيب عليك يا خـــالــد الطـاحــوس :@

[DK-21]

النائب خالد الطاحوس سنه اولى برلمان وفي الدول المتقدمه النائب في سنه اولى برلمان
لا يحتسب له تصويت على القوانين ولا يحق له له تقديم اقتراح ولا اقتراح بقانون ولا يحلم اصلاً
انه يصرح للاعلام وعندنا بالكويت الشاب خالد الطاحوس سنه اولى برلمان ويبي يستجوب رئيس الوزراء مره وحده عشان جذيه نقول عيب عليك يالطاحوس اركد ولا تسبق عمرك

النائب خالد الطاحوس يا سنه اولى برلمان مو عيب عليك تستجوب رئيس الوزراء..؟
ومو عيب عليك اقتراحاتك ومشاركاتك باللجان انشط وافضل وانفع من رئيس مجلس الامه ..؟

رئيس المجلس سنه 35 برلمان وما استجوب كثرك ولا اقتراح مثلك عشان جذيه نقول عيب عليك يالطاحوس اركد ولا تسبق عمرك

وبعدين ليش يا اخ خالد الطاحوس تتفق مسلم البراك واحمد السعدون وابو رميه والصواغ ومحمد هايف والدقباسي وكتلة التنميه والاصلاح..؟ ليش ما تتفق عبدالله الرومي والا علي الراشد والا حسين الحريتي والا حسين مزيد والا العدوه والحويله والقلاف والمطوع ...؟

ترى اللي تتفق معهم ما وراهم الا عوار راس وهجوم من الاعلام والمشكله انهم يبحثون عن الكنز المفقود الا وهو تطبيق القانون والدستور !!

اما الفريق الثاني شيكات تنزل بحسابهم مع كل رفعة يد !! يا بلاش
وطيارات خاصه لرحلاتهم الخاصه واراضي زراعيه واستثماريه وسكنيه وحوائج مقضيه


خالد الطاحوس رجل حفظ الامانه وحفظ الامانه في هذا الزمن جريمه لذلك اتهمه سعدون حماد بانه يثار لاخوه المستقيل قبل ان يترشح خالد الطاحوس ويصبح عضو مجلس امه

ولان خالد الطاحوس حفظ الامانه شتمه وهمشه من يبحث عن المصلحه من الحكومه

قبل قراءة الاستجواب قيل عن الاستجواب انه فاشل وزادوا انه فاشل مع مرتبة الشرف
وان مقدمه سنه اولى برلمان وانه ينتقم لاخيه وفي يوم االاستجواب حولوا الجلسه الى سريه
اليس هذا نحر للاستجواب قبل بدايته....؟
لماذا لم يتيح النواب العقلاء الفرصه للشعب الواعي ان يرى بام عينه فشل الاستجواب ..!
بمناسبة العقلاء يمكن اصدق انهم عقلاء الا بشيء واحد تصاريحهم مع اعلان اي استجواب
لانهم حينها لا يفقدون العقل فقط بل يصابون بجنون البقر

لا نلوم الشعبي على انسحابه من الجلسه بل نحييه على انقاذ الاستجواب من انياب مجلس العقلاء لان الحكومه لها كرشه فقط لكن الفك الذي تفترس به هو عقلاء المجلس..

وفي النهايه اقول للبصيري كذبت امام الله وخلقه وقلت حنا ما صوتنا مع الانسحاب من المبادره العربيه وبلعناها وقلنا سيادي والموضوع قومي لكن تكذب علينا وتقول ان الطاحوس فوت علينا الاطلاع على الحقائق بتلوث ام الهيمان هذه قويه !! منو اللي طلب تكون الجلسه سريه انت والا خالد الطاحوس..؟ واذا كانت الجلسه سريه بناء طلبكم وما انسحب الطاحوس شلون راح نعرف الحقائق كمواطنين..؟ عن طريق تسريب الصحافه يا دكتور..؟ وتقبل انت بتسريب ما دار بجلسه سريه...؟ وبعدين ما هو الامر الذي يستدعي السريه..؟ وحده من الثنتين يا ان حجة الحكومه دايخه او ان سمو الرئيس كالعاده يبخل علينا بسماع صوته وتصاريحه
لكن اذا كانت ردود الرئيس مكتوبه بورقه وهو يقرأ فقط ليش ما يعتبرها مثل خطابه المكتوب بافتتاح كل دور انعقاد ويقرأ علينا ردوده

[عجمي^متبقط]

شكرا من القلب

[النــ فهيــد ــاجعي]

خلها على الله بس البصيري حكووووووووووووووووووووووووووووووووووووووووووووومي فقط
وأنا مو ضد الحكومه لكن الافضل يكون النائب والوزير حكومي وشعبي ثنين بواحد عشان تمشي الديره عدل،،،
لاهنت

[طالب الخير]

ياستاهل البيضا كل شريف وخلا الي بالحاها ورحت تبع الكيس

الأعضاء الي يطلبون الجلسه السرية ماتدرون بيقرطون في خشم الحكومه اول مايقرطون في

خشم البصيري لنه من ابناء جلدتهم

لو ماهو عندنا فادايره الخامسه ولهو منتخب مرشح من الحكومه

وخاصه الاعضاء الي واحد يتهم نائب شريف والثاني يقول الحجه بالحجه تحت الطاوله

حنا بام الهيمان نصارع المراض واحد يتهم شريف والثاني يدور حجه باحجه

الظاهر حسبين الحاضر نفس عام1975حنا وصنا 2010وحنا عادننا حجه بحجه

بيض الله وجه اخونا المهندس أحمد الشريع

الي سحب الستاره من الوجيه المشبوهه

[طالب الخير]

نشكر من مسح التوقيع

تحياتي

[بوفهد العجمي]

بيض الله وجيهم

مواقف الطاحوس لاتنسا

ولاتنسون الصيفي ابو منصور رجل مواقف

شرفو الدائره الله يشرفهم

[متزحلط]

مالي خلق أقرى الموضوع طويل



في النهايه يطلع تمجيد الشعبي

[BDùll∂H∂]

^
أفضل من ( كتلة الإنبطاح الجماعي )

الزين عندنا والشين حوالينا ..

الله لا يهينك .. بعد تقدر توصل رسالة لكتلة الإنبطاح الجماعي وتقول لهم وشرأيكم تبادلون سكان أم الهيمان قسايمكم وتسكنون فيها لمدة 9 سنوات ... للأن المواطنين بنص الدستور سواسية ، فمن مبدأ السواسية .. شميت العفن لمدة 9 سنوات ، وأنت مرتاح 9 سنوات تشم من هالورد والريحة الحلوة ... 9 سنوات لي في أم الهيمان و 9 سنوات لك أنت في أم الهيمان


ليش ما علمتونا ( إن ) الهواء والأوكسجين النظيف بفلوس .!

[الامين]

الله يدله على الصواب

[weararb]

تدري ليش يبونها سريه ؟؟؟؟؟ ياطيب الان كانو بيتكلمون عن المفاعل النوووي هههههههههههه ياخوي يبونها سريه مبينه علشان مايتفشلون قدام العالم مبينه الجاهل يدري ليش يبونها سريه حفظ ماى وجه