اتصل بنا البحث up a3ln usercp home
 


العودة   ::. مـنتدى قبيلـة العجمـان .:: > المنتديات الـعامــه > :: منتـدى الســياحــة والسـفـر ::

إضافة رد
 
أدوات الموضوع انواع عرض الموضوع
  #1  
قديم 28-08-2010, 02:04 AM
سعد الصميل سعد الصميل غير متواجد حالياً
 عضو خاص
 
تاريخ التسجيل: May 2004
الدولة: Kuwait
المشاركات: 6,458

اقتباس:
المشاركة الأصلية كتبت بواسطة المحامي vip مشاهدة المشاركة
الصور بغاية الروعــه

مشكور يابو محمد

يا مرحبا محامينا ...

الساعه المباركه ,,,نورت الموضوع طال عمرك ...

لا هنت .

رد مع اقتباس
  #2  
قديم 28-08-2010, 02:08 AM
سعد الصميل سعد الصميل غير متواجد حالياً
 عضو خاص
 
تاريخ التسجيل: May 2004
الدولة: Kuwait
المشاركات: 6,458

الحلقة الثانيه

السلام عليكم .. عسانا ما ابطينا عليكم بس ؟

خلصنا الحلقة الاولى في ميلانو الجميله ... وجاء اليوم دور فينيسيا العائمه .. المدينة الجميله .. مدينة شوارع الماء .. فعلا انها جمال ايطاليا ..

بالطريق الى فينيسيا وهذا الريف ... شوفو الرودس .. وشوفو على يسار الصوره فيه شجر صغار .. هذا منتشر في كل طريق في ايطاليا بشكل عام .. وبعد التحري عنه اتضح لي انه شجر العنب .. وليس أي عنب .. العنب المزروع خصيصا ليكون خمر في المستقبل .! حسبي الله عليهم ياكثر مايشربون .. الديره كلها مزروعه عنب !




وهذي يسلمكم ربي بالطريق بعد .. وهي شركة كيو آيت التابعه لمؤسسة البترول الكويتيه ... طبعا هذي الشركة تارسه ايطاليا وهي المتسيده هناك .. وسمعت ان لها اكثر من 280 محطه في ايطاليا وحدها .. اللهم زد وبارك .. وقال ايش قال الميزانية تعبانه !! والقروض ماتطيح




الوصول هنا للمرسى او نقطة الانتقال الى فينيسيا .. تركب احد اليخوت او القوارب وتنتقل فيها الى فينيسيا العائمه .





وفي وقت الانتظار .. شفت العمود وشكله غريب ...





وبعد التقريب .. طلعت علوك .. ناس مجانين .. زباله بس شكلها حلو !





بانت فيلكا .. عفوا بانت فينيسيا .. وهذا منظر لبعض البيوت في فينيسيا ..





وهذا عند النزول في مرفأ فينيسيا والشارع العام للمشاه على الشاطئ .. ولاحظو الزحمه .. مالها حد ولا عد ..





وهذا احد سائقين التاكسي في فينيسيا .. في انتظار زبون






ولازم انك تركب قوارب فينيسيا بما انك جيتها .. مع انها غاليه شوي ويستغلون السياح .. ياخذ فيك فره صغيره بقيمة بين الـ 100 الى 120 يورو .. مايعادل اكثر من 45 دينار .. لكن بما انك وصلت فينيسيا .. انت مجبور على الركوب بأي سعر .. وفعلا تستمتع فيها وتستحق المبلغ اللي تدفعه فيها .. وهذا حنا في البداية ..




والتجول في شوارع فينيسيا المائيه ... شي جميل واحساس رائع والله . . شوف المتعه بس ..





شارع ثاني مليان من التكاسي .. وشوف البيوت بس يا سلام .. ايه نسيت اقولكم ان بيوت فينيسيا حاليا تبدأ من الطابق الاول ومافوق .. لأن الامم المتحده منعت السكن في الدور الارضي وذلك لأرتفاع منسوب المياه .. مما أدى الى خطورة السكن في الدور الارضي ... ويقال في تقارير ثانيه ان فينيسيا مهدده بالغرق خلال السنوات القادمه .. يعني نصيحه اللي ماراح لها يروح لها قبل تغرق .. على الاقل ياخذ منها شوية ذكريات ..




وهذا حنا في شارع حاره وحده وتواجهنا مع تاكسي ثاني ..




طبعا هنا طلعنا من البيوت كلها وللبحر الكبير .. علشان يدخل من فتحة ثانيه ودواعيس ثانيه ..





وهذا شارع عام او خط سريع في فينيسيا .. . ماتشوفون انه كبير ؟





وهذا يسلمكم ربي بيت احد اشهر ابناء فينيسيا ... هذا بيت ماركو بولو ... ومن لا يعرف ماركو بولو يبحث عنه في القوقل ... وللمعلومه العامه فقط .. ماركو بولو مستكشف ايطالي مشهور ويقال انه هو المكتشف الاصلي لأمريكا وليس كريستوفر كولومبس .. وهذا مايدافع عنه الطليان على انهم مكتشفون امريكا .. ومرينا على بيت سيد العشاق كازانوفا .. لكن للأسف ما انتبهت ولا قالي سايق التاكسي الا بعد ماطفناه ولا قدرت اخذ له صوره ..





طبعا فينيسيا مشهوره بالتحف والاقنعه والحركات اللي مدري وش تبي ..

وهذا محل للتحل وشوفو شلون اغراضه تسبب ازعاج للعين





وهذا اشهر ماقد تشتريه في فينيسيا ... الاقنعه الخاصة بالحفلات التنكريه .. بس للاسف فيه القناع اللي يكون نفس البرقع الاماراتي شكلة حلو واحلى من اللي بالصوره ..شريته وضاع مني وماصورته للاسف ... لكن البركه باللي صورتهم وهم اقنعة بس كاملة ..






وهذي الساحه العامه في فينيسيا ... ساحة سان ماركو .. وباين بالصورة برج الجرس في سان ماركو .. وهو رمز مدينة البندقية .. مبني من اكثر من الف سنه تقريبا ..




وهذي صورة كاتدرائية سان ماركو ووياااكثر المؤمنين عندهم ... طوابير مالها حد ولا عد على الكاتدرائية المخيفه ... وهذي صورة على الطاير ..





المهم بعد التعب والدوجه لازم تاخذ لك راحه وتغدى .. تبدا بالمقبلات ...




لين توصل المعشوقه ... بيتزا المارغريتا ... في ارض البيتزا .. ايطاليا ...





وبعد الغداء .. وخصوصا اذا كان الجو حار شوي ... لا تردد في طلب الايس كريم ..




وبعد الغداء ... في طريق توديع فينيسيا ...





وتوديع الزحام ... على فكرة .. شايفين البنت شنو لابسه ؟ .. الكبوس هذا مال القبطان .. الكل يلبسه في فينيسيا .. انا من الناس كنت جاي فينيسيا وعلى راسي كاب .. لكن شفت الناس كلها لابسته شريت لي واحد .. وعلى الاقل تاخذ لك شي ذكرى من البندقية ..




طبعا انتهت الحلقة الخاصة في فينيسيا ... والى لقاء ان شاء الله في لوقانو السوسريه الايطاليه ..

طبعا قبل الختام لازم نعطيكم الفقرة المتفق عليها في خاتمة كل حلقه ...

وجه من فينيسيا ...

صورت لكم هالمزيون قاعد يستعبط ...




ان شاء الله تكون عجبتكم حلقة اليوم ... ولنا لقاء ثاني قريب ان شاء الله ... في لوقانو .. السويريه .. ولكن بنكهه ايطالية ..

وهذي لقطات سريعه للحلقة الجايه ..



دمتم في رعاية الله

رد مع اقتباس
  #3  
قديم 04-09-2010, 04:21 AM
سلمان بن ضيدان سلمان بن ضيدان غير متواجد حالياً
 عضو فعال
 
تاريخ التسجيل: Jul 2009
المشاركات: 2,411

اقتباس:
المشاركة الأصلية كتبت بواسطة سعد الصميل مشاهدة المشاركة



دمتم في رعاية الله
أبن لعجَم البحر وسط الديره خخخخخخ
لا هنت يا سعد تصوير جميل جدا

أخيك ..!

__________________





لآ إله إلا الله !
سبحآنك اللهم وبحمدك ، أشهد أن لا إله إلا أنت أستغفرك وأتوب إليك

سنابي للتواصل SALMAN1DH

رد مع اقتباس
  #4  
قديم 05-09-2010, 12:58 PM
سعد الصميل سعد الصميل غير متواجد حالياً
 عضو خاص
 
تاريخ التسجيل: May 2004
الدولة: Kuwait
المشاركات: 6,458

اقتباس:
المشاركة الأصلية كتبت بواسطة سلمان بن ضيدان مشاهدة المشاركة
أبن لعجَم البحر وسط الديره خخخخخخ
لا هنت يا سعد تصوير جميل جدا

أخيك ..!

يا مرحبا يا سلمان

انت تشوف ؟ هههههه

لا هنت على المرور وحياك الله طال عمرك .

__________________
ستقرأ هنا همهمات من الواقع . . . ستبدأ بالقراءه . . . ولن تنتهي .
>>>> اضغط هنا واستمتع بـ .. همــهـمــات .. سعد ! <<<<
مدونه اجتماعيه ساخره

رد مع اقتباس
  #5  
قديم 28-08-2010, 03:58 AM
مناحي الصميل مناحي الصميل غير متواجد حالياً
 عضو خاص
 
تاريخ التسجيل: Aug 2004
الدولة: Q8
المشاركات: 9,222

يا ربــاااااااااااااااه .. على ماقال فارس عوض


سعد اتحفتنا بـ تصويرك الخرافي

متابــع

رد مع اقتباس
  #6  
قديم 28-08-2010, 04:28 PM
سعد الصميل سعد الصميل غير متواجد حالياً
 عضو خاص
 
تاريخ التسجيل: May 2004
الدولة: Kuwait
المشاركات: 6,458

اقتباس:
المشاركة الأصلية كتبت بواسطة مناحي الصميل مشاهدة المشاركة
يا ربــاااااااااااااااه .. على ماقال فارس عوض


سعد اتحفتنا بـ تصويرك الخرافي

متابــع

يا مرحباااااااااااااه يابو فهاد

شوقتنا لفارس عوض

خلك متابع والاحلى جاي .

رد مع اقتباس
  #7  
قديم 28-08-2010, 05:30 AM
الصورة الرمزية ريـمـيـه
ريـمـيـه ريـمـيـه غير متواجد حالياً
 عضو vip
 
تاريخ التسجيل: Jan 2006
الدولة: KWT
المشاركات: 9,689

تسلم يدك سعد على الالتقاطات الحلوه .. لا هنت


وآصــل .. متآبعين لك ..

__________________

كل شيء سامي بداياته تجي متعبة ♡

رد مع اقتباس
  #8  
قديم 29-08-2010, 02:08 AM
سعد الصميل سعد الصميل غير متواجد حالياً
 عضو خاص
 
تاريخ التسجيل: May 2004
الدولة: Kuwait
المشاركات: 6,458

اقتباس:
المشاركة الأصلية كتبت بواسطة ريـمـيـه مشاهدة المشاركة
تسلم يدك سعد على الالتقاطات الحلوه .. لا هنت


وآصــل .. متآبعين لك ..


يا مرحبا بش اختي ريميه ..

وحياش الله وواصلي المتابعه .. القادم احلى

__________________
ستقرأ هنا همهمات من الواقع . . . ستبدأ بالقراءه . . . ولن تنتهي .
>>>> اضغط هنا واستمتع بـ .. همــهـمــات .. سعد ! <<<<
مدونه اجتماعيه ساخره

رد مع اقتباس
  #9  
قديم 28-08-2010, 08:01 PM
الصورة الرمزية الــــســنـــافــــي
الــــســنـــافــــي الــــســنـــافــــي غير متواجد حالياً
 عضو خاص
 
تاريخ التسجيل: Dec 2009
المشاركات: 7,009

متابع من بعيد

__________________
استغفر الله واتوب اليه

رد مع اقتباس
  #10  
قديم 30-08-2010, 09:27 PM
سعد الصميل سعد الصميل غير متواجد حالياً
 عضو خاص
 
تاريخ التسجيل: May 2004
الدولة: Kuwait
المشاركات: 6,458

اقتباس:
المشاركة الأصلية كتبت بواسطة الــــســنـــافــــي مشاهدة المشاركة
متابع من بعيد

يا مرحبا بك يالسنافي ..

وحياك الله طال عمرك ..

__________________
ستقرأ هنا همهمات من الواقع . . . ستبدأ بالقراءه . . . ولن تنتهي .
>>>> اضغط هنا واستمتع بـ .. همــهـمــات .. سعد ! <<<<
مدونه اجتماعيه ساخره

رد مع اقتباس
إضافة رد


تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

الساعة الآن 10:23 AM.


Powered by vBulletin® Version 3.8.0, Copyright ©2000 - 2026, Jelsoft Enterprises Ltd. TranZ By Almuhajir
Design And Develop By DevelopWay

تصميم : طريق التطوير
لحلول الإنترنت والتصميم DevelopWay.com