( مآفي الخآطر )

[ريـمـيـه]

يابوي ليتك حيّ وتشوف حالي
تشوف وش هو صار من بعد فرقاك


صار الوطن بعدك من الناس خالي
صار... ( الوطن غربه ) بعد مافقدناك


يابوي أنا بعدّك سهير الليالي
مقهور من دنيّاي منّا.... ومنّاك !


حدتني الدنيا وأنا راس مالي
إني ... عزيز النفس . مثلك وشرواك


مافيه شيٍ في حياتي صفالي
حتى . الورود . إن جيتها صارت أشواك


أطيح واحمولي عليّه إثقالي
وأتخيلك مديت لي كف , يمناك


بعدّك ولامره ترى إرتاح بالي
أصفّق على كفي ندم وآتحراك


من ضيقتي ياكّم أصّدق خيالي
وأقوم أدوّر عنّك وآقول ب القاك


أضيع بالعالم وهمي سؤالي ؟
هو أنت ؟ وينك ؟ ليه ماعاد شفناك ؟


أدري لو إنك حي ياعز غالي
يمديك.. تفزع قبل.. ماجيك وانخاك !!


ويلاه , ياحالي وماهو جرالي
ويلاه , ياقلبٍ تعذب في طرياك



ويلاه , يابويّه من اول وتالي
لا...... والله.. أول.. كان.. ينجيني إدعاك


واليوم من بعدك وش اللي بقالي
غير إني أدعي ربي يغفر خطاياك


يالله حطّه وسط منزال عالي
في جنة الفردوس يارب الافلاك


واغفر ذنوبه ياعزيز الجلالي
وشرح لي صدرٍ ضااااااق من جّور دنياك



اللهم أرحم والدي بواسع رحمتك وتغفر له


وتجعل قبرة روضه من رياض الجنه ياارب

[ريـمـيـه]

أبشرك ماعاد يوجعني فرااق
وأقسى وجع فيني يزول بثوااني

عودت قلبي إذا حمل هم أو ضاااق
أرمي وما أسأل عن اللي رماااني

[ريـمـيـه]

أمسيت وأنا إمغبون .. وقمت وأنا إمغبـون
من كثر ماكنـت أفكّـر .. ليلـة البارحـه

عزالله إنّ الطعـون اللّـي تجينـي طعـون
من كفّه اللّي تسوق إطعونـه ((الجارحـه))

مابين موت الهقاوي .. والعتبْ .. والظنـون
وإن قلت كـذّاب مـدري؟ كيـف بصارحـه

وإن كان فكّر يخون: ((الله على اللّي يخون))
مصيـره يـردّ مثـل الناقـه السارحـه!!

[ريـمـيـه]

ان حكوا فيني بوجهي او حكوا بي من وراي
مالقوا غير البياض اللي قهر سود الظنـون

هيبتي حتى ف غيابي تحشم النفـس بقفـاي
والله اني مرعبتهم يزعلـون و يقعـدوووون

نبشوا.مامن خطيه.بس انا أدرى بخطاي
عيبي اني ماعرفت اسايـر الغيـر وأخـون

[ريـمـيـه]

ان غبت اوصديت وان رحت او جيت
شرهة مشاويرك على مـن فقدهـا

لامايحرك خاطـري ويـش سويـت
عليك ماتت شرهتـي فـي مهدهـا

[ريـمـيـه]

ان كان ترضى فراقي روح والله معـاك
لكـن تأكـد نهايتنـا مهـي بسبـبـي

ولا انت يا صاحبي لو تعترف في خطاك
ماكان ولعت بي نـار ورميـت حطبـي

المشكله منك ونجوم العذر فـي سمـاك
وان جزت عنها ما يرجعلك يا كود الغبي

[ريـمـيـه]

( إنما أشكو بثي وحزني إلي الله )

( اللهم إني أعوذ بك من الهم والحزن )

( اللَّهمَّ إِنِّي ظَلَمْتُ نَفْسِي ظُلْماً كثِيراً ، وَلا يَغْفِر الذُّنوبَ إِلاَّ أَنْتَ ، فَاغْفِر لي مغْفِرَةً مِن عِنْدِكَ ، وَارحَمْني ، إِنَّكَ أَنْتَ الْغَفور الرَّحِيم)

(اللهم إشرح لي صدري ويسر لي أمــري )

[ريـمـيـه]

عز القصيد وزاعلتني حروفة
من يوم غاب اللي قصيدي مهاوية

غابت بة الدنيا وخلت طيوفة
عزي لمن مثلي زمانة يعادية

عقب الملاقى بس بالقلب أشوفة
وعقب المناجى بس بالفكر أناجية

كلامي وشوفي لغيرة حسوفة
من غيرة يخاوي غريبي وأخاوية

يالوعة المشتاق تصفق كفوفة
لين ألتفت ماشاف بالدار غالية

كن العيون بكل شين محذوفة
والقلب كن جموع الأيام ترمية

تسابقتني من زماني سيوفة
تجرح مرادي في حياتي وترمية

ياعونة الرحمن وين النكوفة
لين انتحى الخفاق وش عاد يثنية

مارحت ادور عند خلي مروفة
مايرحم الا الله فلا شك مغلية

[ريـمـيـه]

كافي "دريت" من المفارق بـ.. شيئين
طول الصبر فيني , معَ / قـوّ قلبـك

[ريـمـيـه]

ماودك إنك ترخص النفس وتلين ....
لاصار قدرك عند غيرك يهوني

ماني من اللي يطردون المقفين ....
حتى ولو إنه يساوي عيوني