( مآفي الخآطر )

[ريـمـيـه]

تبغى تعرْف الفـرق بينـك وبينـي؟؟
عش وضعي .. (وذا وجهي) اليا تحمّلت

ذق ليله ..اللـي ذايقـه مـن سنينـي
وراح ادري بمافيك لـو مابعـد قلـت

بتقـول : ياصبـرك , وياقـو ّ عينـي
هذا بليله.. كيف اجـل كـان طوّلـت؟

[ريـمـيـه]

لاهنت يـا راس الرجاجيـل لاهنـت
لاهان راس(ن) في ثرى العود مدفون

و الله ما احطّك بالقبـر لكـن آمنـت
باللي جعل دفن المسلميـن مسنـون

منزلك يا عز الشـرف لـو تمكنـت
فوق النجوم اللي تعلّت علـى الكـون

تلفّتت روس المخاليق ويـن انـت ؟
وين العظيم ؟ و عوّد الشوف مطعون

كم خافق(ن) وقّف عقب مـا تكفّنـت
وكم ناظر(ن) ذوّب سـواداه معـزون

لو شفت حال الناس عقبـك تبيّنـت
مقـدار حـب النـاس للـي يـودّون

مما بقلبـي قلـت : يابـوي لاهنـت
وإلاّ انت فوق القول مهمـا يقولـون

[ريـمـيـه]

الضيـقـه الـلــي دايـمــاً تـالــي عـصـيـر
وش حـيـلــتــي واردّهــــــا لا تـجـيــنــي

لاطـال ظـل الـعـود حــزة عـشـى الطـيـر
كنـهـا عـلــى سـجــن الـحـديـد تحـديـنـي

يضيـق صـدري كــل مــا جــات واسـيـر
ولا يـخـفــف ســــوج رجــلــي حـنـيـنـي

لاحـولـنـا مــشــراف ولا اقــــدر اطــيــر
يالله قــســمـــة خـــيــــر لا تـبـتـلـيــنــي

وعقـارب السـاعـه تـوقـف عــن السـيـر
ولاكــن فــي الـدوحـه سـواتـي حـزيـنـي

والعـبـره الـلـي تـاصـل الحـلـق وتـحـيـر
ياقـربـهـا لـــو قـيــل لـــي ( ياعـويـنـي)

امـــل شـــوف الـنــاس وردّ ومـصـاديـر
والـلـي يـقـول اشـفـيـك كـنــه يهجـيـنـي

يعنـي عـلـى ماقـيـل مــن بــاب تصـويـر
(لاحــد ٍ ابــي قـربـه ولا احــد ٍ يبـيـنـي)

اروح ادوّر( خــط) مــا بـــه( دواويـــر)
وادوّر الـــلــــي هــــادهــــا تــهــديــنــي

واخـذ مــع الهـاجـوس سبـحـه وتفكـيـر
واراجـــع الـلــي فـــات بـيـنـي وبـيـنــي

واحــسّـــب ذنـــوبـــي وادوّر لـتـكـفـيــر
وعـســاي مـاقـصــرت فــــي والـديـنــي

وعـسـاي ماقـارنـت مــن ينـفـخ الـكـيـر
والـلـي يحـمـل المـسـك جـعـلـه قـريـنـي

ويـطـري عـلـي يــوم الـحـشـر واطـلــب
مجير ما اعطى كتابي في شقيقة يميني

ويـطـري عـلـى صـدقـان كـثـر الدنانـيـر
الــلــي تـعـاديـنـي الــــى كــثــر ديــنــي

وراع الهـروج اللـي ســوات المناشـيـر
اصــــد عــنــه وادري انـــــه يـعـنـيـنـي

الله حسـيـبـه يـــوم عـــرض الـقـواريـر
والله حسـبـي مــن صــواب س مكيـنـي

والــى طـرالــي واحـــد ٍ كـانــه صـغـيـر
امــــا اصــغــر بـيـومـيـن ولا سـنـيـنــي

دريـــت وش قـومــي وعـيـنـت تفـسـيـر
للضيـقـه الـلــي مـــن زمـــن تعتـريـنـي

حـبـه بـصـدري سالـفـة ســر فــي بـيــر
وكـــن الــفــواد يــقــول هــــذا زبـيـنــي

اشفـق علـى علـم ٍ يجـي منـه مـن غيـر
مايسـمـع الـلـي سـولـفـوا بـــه ونـيـنـي

الـعـام اجيـهـم مــن حـسـاب المسـايـيـر
والـيــوم حـــال عـــداي ويـنــه وويـنــي

ياكـثـرهـم غـيــره ولـكــن خـبــر خــيــر
ماغـيـر شـوفـه فــي الـوجــود يهنـيـنـي

رايــــي كــــذا يـاعـاشـقـيـن الـغـنـاديــر
مـالـه عـلـى وجـــه البسـيـطـه وزيـنــي

خـطـاي تعلـيـق الامـــل فـــي المـدابـيـر
إلـيــن راح وشــفــت حــقــري بـعـيـنـي

صـبــر جـمـيـل وخـابــر انـهــا مـقـاديـر
والله عـلــى تخـفـيـف حـزنــي عـويـنـي

ذي حالتـي ليـن اتغبـا الشمـس واصيـر
معطـى صراحـي عقـب مـا انـا سجينـي

والـى امتـلا جـوف الشـجـر بالعصافـيـر
طـلـبــت مــــن رب الـعــبــاد يـهـديـنــي

يعتقـنـي الـمـذن عـقـب ضيـقـة عصـيـر
الـلـي عـلـى سـجــن الـفــراق تحـديـنـي

[ريـمـيـه]

،؛، .. ســـولفـــــوا .. ،؛،

سولفوا تكفون لا عاد تسكتون ..
.. قبل لا أهوجس وياتيني بلاي

السكات يزود طعوني طعون ..
.. وتنكسر لا جا على راسي عصاي

سولفوا لو ما بغيتوا اتسولفون ..
.. قبل لا اقعد في الحزن رايح .. وجاي

واضحكوا لو بالعماله تضحكون ..
.. وجاملوني لو يضايقكم حكاي

لي وليفٍ راح جعله ما يهون ..
.. هو دواي وداي .. أو داي ودواي

راح لكن طيف زوله في العيون ..
.. مرةٍ قدامي ومرة وراي

وإن سكتوا جا وهو طيفه يمون ..
.. رحت أهوجس له وأبين له ولاي

مكسب عيوني من الفرقا مزووون ..
.. تمطر لطاريه .. والبرق ؟ أصدقاي

كل ما طروه لو هم يمزحون ..
.. احرموني من غداي ومن عشاي

أدري إنه ما تناسى الود كون ..
.. تسمع إذنه في قفاي اللسن عداي

وكانهم قالوا نسيته يكذبون ..
.. وإلا أنا فيه أمتلك نظرة وراي

كان حبه لي على خبري مصون ..
.. والله ان كني بقدري .. وبغلاي

ذي بقايا الحب وأطلال الجنون ..
.. والله أعلم في ضميره وش بقاي

غير طيعوني ولا عاد تسكتون ..
.. ولا والله إن أسمعكم بكاااي

[ريـمـيـه]

،؛، عقبال مية عام ،؛،

عقبال ياماخذ فـؤادي ميـة عـام ..
.. ضيعتني منك وانـا مـا اهتديتـك

لا ..ما نسيتك كيف بانساك مـا دام ..
.. ذكرى الفراق تهزني لـو نسيتـك

حبك قدر وانا على ديـن الاسـلام ..
.. مكتوب في وجه الجبين ورضيتـك

لك في الضمير الود والحشمه اتوام ..
.. ولي في ضميرك مثل ما انا بغيتـك

ولك منزلٍ في نايف القلـب وخيـام ..
.. وذود الغـلا ترعـاه ولا شكيـتـك

يفطر عليك القلب وان فارقك صـام ..
.. والله لونك شـوك سـدره كليتـك

القلب طيرٍ لادعـي للهـوى حـام ..
.. والا انت وكره من كثـر ماهويتـك

كن العيون من النظر عقبـك ايتـام ..
.. وكني ماريت الا انت من يوم ريتك

وكنك معي وانا فقدتك مـن اعـوام ..
.. مـع الخيـال القـاك كنـي لقيتـك

من صعب وصلك ما تهنيتك احـلام ..
.. وان جابتك فزيت شـوق ومحيتـك

يعني وصالك صعب واهدافي اوهـام ..
.. يعنـي زرعتـك للقـدر ماجنيتـك

صبرك يقولون العرب كـل الايـام ..
.. يوم عليـك ويـوم لاجـاك جيتـك

ويا قلب ياللي ورثك اجـروح وآلام ..
.. بليتنـي ماهـو بانـا اللـي بليتـك

ولعتني من عادني في الهوى خـام ..
.. واسرفت بي وانا خطامـك عطيتـك

طعتك وزبدة طاعتـك هـم وهيـام ..
.. مالله كتب لي واستخرت وعصيتـك

لوللقلـوب اسـواق بايـع وسـوام ..
.. لاابدلـك وان جيتنـي ماشريـتـك

والا انت ياللي جيش عينيك مقـدام ..
.. لا اقنعت منـك والرجـا مارجيتـك

كني سجين بين..افـراج ..واعـدام ..
.. وكنك سجن وانـا بنفسـي بنيتـك

تنبيك عن حالي محاصيـل الالهـام ..
.. وتخبرك نظراتـي نهـار التقيتـك

عقب الوصال اللي على عين من لام ..
.. قدهو يكفيني عن الوصـل صيتـك

وقدني الى مريت بالشـارع العـام ..
.. لديت من ما في الضميـر ودعيتـك

ادري ان صوتي ماقطع عشرة اقدام ..
.. وادري بي اعود الى مـن نصيتـك

ياشينهـا يامحنـيٍ راس الابـهـام ..
.. ماقدر على شوفك وانا عنـد بيتـك

الاعمار ما تضمن وانا اخاف الاحكام ..
.. ارثيك خـاف اودعـك مـا رثيتـك

[ريـمـيـه]

خل الرسايل بيننا تنعش الروح/
مدام قربك صعب ياروح روحي

باب الوصل خله على طول مفتوح/
عود المحبه خل طيبه يفوحي

العمر قاضي والمخاليق بتروح/
والود يبقى بالزمن مايروحي

[ريـمـيـه]

ياقلبي لا تشره إذا الناس عافوك
لاتشتكي وتقول محد بغاني

وش ترتجي منهم إذا هم تناسوك
وش ترتجي من كل قلب أناني

أغتالوا آمالك وبالحيل ذلوك
وتصرخ تبي مافات يرجع ثواني؟؟

[ريـمـيـه]

إن كـان ودّك بجرحـي زهّـب رماحـك
وانـا بزهّـب خفوقـي .. ويالله الخـيـره !

أصغر جروحي .. يساوي جملـة جراحـك !
ماشفت جرحي وجرحك .؟ بينهم غيـره .. !

تطعن خفوقي و آطيـح وترمـي سلاحـك ،
و تبكي على طيحتـي وتغيّـر السيـره !!!

و آجيك وأمسح دموعك وأشعل أفراحك ..!
وآقول من شـان عينـك تكـرم الديـره !

ودي أعنّيك .. ولكـن قلبـي إرتاحـك !
لا قلت : يا قلب غيره .. قال : مـا غيـره !!

المشكلـه إنّـي بعيـن النـاس ذبّاحـك !
والحاصل إنّـك تسـوق القلـب وتديـره ..

لبّـا عنـبـك .. ولـبّـا طـعـم تفّـاحـك
ولبّـا تبسّمـك لاجــا عـقـب تكشـيـره

مير إنتبه وانـت تطعـن توجـع رماحـك
أخاف تزعل علي .. وتتـرك الديـره .. !!

[ريـمـيـه]

امانـه لارحلـت ودّع قلبـي شــويّ .. شــويّ
تراني منكسـر مـن ((سيـرة الفرقـا)) وطاريهـا

تراني من هذاك اليـوم .. لاميـت .. ولانـي حـيّ
ولا ادري عن جميـع النـاس .. قاصيهـا ودانيهـا

امانه .. وش معي ؟؟ والا وش اللي من غيابك ليّ ؟؟
ياكود ((الوّنـه)) اللـي ماتعـدّت .. صـدر راعيهـا

ياويّ من ((السفر)) ومن الغياب المنتظـر .. يـاويّ
بليـاك الحيـاه الهاديـه .. وش حاجتـي فيهـا ؟؟

بعد بان الصباح .. وذعذع الغربـي .. ومـال الفـيّ
تنّهـت وطـرت لـي ساعـةٍ .. مانـي بناسيـهـا

((فمان الله)) رووح .. والا انا مافـي يدينـي شـيّ
عسـى عيـنٍ جفاهـا نومهـا ((تفـرح بغاليهـا))

[ريـمـيـه]

جازيتني بالجفا وأقفت بك ركابك...

خليتني وانت حالف ماتخليني