اخوي كايف انا اايدك في الجو الرطب ولكن جنتق بارده
ولكن الفنادق بالعكس ارقى فنادق العالم موجوده فيها
ولكن اعتقد ان المكتب الي منظم رحلتك كان السبب واختارلك ارخص الفنادق او الخطه ما كانت محبوكه
كوالالنبور فيها اكبر الفنادق واشهرها ومنهم فندق الشنقريلا القريب من التون تور وفيها فندق الحصن الذهبيه من ارقى فنادق العالم وسكانه هم اشهر مشاهير العالم وتحصل صورهم باللوبي واما الجزر ماحب جزيرة بننق لانها زحمه ومافيها شي يسوى ,,, اما لنقاوي فهي من احلا الجزر واغلب فنادقها 5 نجوم وعباره عن اكواخ على الشاطئ وهالشي الي يمزها وهي جزيره مافيها زحمه وجوها حلو وممطر والتلفريك يصعدج لفوق الجبل والجو بارد فوق والي بيروح لماليزيا انصحه يقظي اغلب الوقت في هالجزيره وماينسى رحلة المنغروف
اما بالنسبه للاكل فالاكل كله طازج وخاصه الاكل البحري اغلب مطاعمهم تختار السمك وهو حي ويسونه لك طازج وكان اكلهم جدا لذيذ
اما الاسعار فهي معقوله مقارنه مع اوربا ,,, اكيد اوربا احلا ولكن خلنا نتكلم على الاسعار ونقارنها ,,, السعر الي بيسكنك في 3 نجوم في اوربا بتسكن فيه 5 نجوم في ماليزيا ,,, وسعر العشاء الفخم في اوربا بيكفي لـ 4 عشيات في ماليزيا ,,, اوربا حلوه لكن غاليه
اما بالنسبه للوناسه فهي طبعا عائليه 100% وخاصه للعرسان الجدد
12-09-2007, 10:12 AM
العرض الشجري