مــســابــقــة مــن الــقــائــــل ( جاوب وشارك )

[(( سهيل ))]

حامد زيد

زين من اللى قال

طرد السراب لمن يحسبه ماء ماهو مشكله
المشكله طرد السراب لمن يعرف انه سراب

[الجوود]

اللي قالها ياطويل العمر "رشيد الدهام"

بس من صاحب ها لابيات..؟

"فكرت لو طوّل غيــــــابك ولا جيت
يعني كــــــــذا روحه ومن غير جيّه

خـــــــانتني الدمعة وطاحت وصديت
هــــــــــــــذا هو التفكير يذبح خـويه"

[نـاصـر]

سهيل الله يجزاك خير

جوابك غلط القائل

الشاعر مانع بن شلحاط

[(( سهيل ))]

طيب اسمحلنا ياناصر رمعت غلط
وعمرك مايقصر
اللى قالها حمد السعيد طيب من قال
ينبيك عن دنياك ماضى تجاربك()وعزى لحالك كان عرفك قليلى

[حـــوران]

شكرا ياصاحب الموضوع

وموضوعك جميل

اخوي سهيل اعتقد ابياتك لمحمد السديري

يا هاجسي لا عاد تبني من احلامك مشاريع=بكره تهد احلامك الشامخه سود الليالي
من اول ٍ في سوق الاحباب اشري فيه وابيع=واليوم مالي فيه مكسب ولا لي راس مالي

من القائل ...؟

[أبلـه وضحـى]

السلام عليكـم
\
\

أولاً : أخ حوران الأبيات للشاعر رحيّم الغنامي ..
\
\


ثانياً : مشاركتي ..

((1))

نادوا سـمـيّـك وارتبـكت وتـغـيّــرت=كـذا ! ولا ادري وقتهـا ويـش جـاني
سكّـت / حتـى اتـصـدّق انــي تبـاشـرت !=كنـت احسـب انـك جيـت يمّـي ..عشانـي
وانــا مــن المـوقـف ضـحـكـت وتـكــدّرت=وبـشـايــري مــــرت مـــــرور الـثــوانــي

((2))

ليه العذاب يصير للعشاق في البعـد مخـزون=ليه الليالـي كـل مانفـرح ونعشـق عابـره
ليه الحـزن يبقـا وماقبلـه ولا كنّـه يكـون=ليه السؤال وليه دامـه صـار شـيٍّ خابـره
لاكنّ من حقّي ليـا قفّيـت منـي ولا تهـون=مع كل مطلع عيـد عايدنـي ولـو بمخابـره

أبلـه وضحـى ..

[نـاصـر]

وعليكم السلام

أبله أجابة الابيات رقم ( 1 )

الشاعر مشعان البراق

,
,

ورقم ( 2 )

لــ مبارك بن اعيينان الهاجري .

وهذي مشاركتي..:

لا تبيعـون الشجاعـه بالرخـامـه=بعـد مـا ولاّكـم الله أمـر الأمّـه
جارنا اللي فوقنا يصلـب عضامـه=أن سكتنا حطنـا مـن تحـت كمّـه
أصـدر التعميـم لبّـاس العمـامـه=وقام يفتـل شاربـه ويفـور دمّـه
رافضي ٍ يرفـض العيـش بكرامـه=ملتوي ينشر ما بين الخلـق سمّـه
من ورا حد البحـر يرسـل كلامـه=و يتـوعّـد بالـقـرارت المهـمّـه

[حضريه عمها بدوي]

سلامن عليكم



الشاعر هو سداح




طيب من القائل :


من حل دار الناس حلّـوا ديـاره
لابـد مـا تسكـن ديـاره ويغبـن
ومن شق ستار الناس شقوّا ستاره
ومن ضحك بالثرمان يضحك بلا سن

[نـاصـر]

وعليكم السلام

القائل

شالح بن هدلان

_______

مشاركتي .. :

قطعة حلا وصفة غلا عودٍ طري=يهزها النسناس لامن مــرها
آية جمال ووصف يـبغي عبقري=يعقها مدح البــشر لو بـرها

(...؟...)

[عيد بن شدقان]

شالح بن هدلان

ليا صار ما توفي عميلك من الصاع =ما ينقعد لك عنـد حصـن النواهيـم
شبرٍ من البيداء يعوّضك بالافـزاع =وسود الليالي يبعدنّـك عـن الضيـم