سوالف طريفه الكل يشارك؟

زبون كيمو · #1 27-07-2004, 12:57 AM

مره جانا واحد من جماعة التبليغ وقعد يحدث علينا وجا وقت المغرب فأم الناس.
الناس هذولا مجموعه من الشيبان والبزران وفيهم شاب مقرود وفاصخ ومنتهي
المهم المطوع بعد الحديث حب يستعرض قام قرا البقره في الركعه الاولى وجا عند الايه الثانيه ودقر وقام يعيدها يبي احد يذكره بالباقي ولكن منين يا حسره والرجال مفتشل وما يبي يركع بعد ايتين وهو يكرر ويكرر الين والله اندبلت كبودنا
فقام المقلوع وصرخ باعلى صوته:خلوها
الشيبان تسدحوا على ظهورهم من الضحك منظر عجيييييييب

++++++++++++++++++++++++++++++++++++++++++++++++++ +++
يقولون به ذاك الرجال ضعيف حال ومافبه جهد بس ان عنده ولد مصك وداهية الدواهي في جسمه لا شفته قلت ياوالله اللي به رجال لكنه خبل.
المهم ان الرجال وولده غدت ابلهم وراحوا يدورون عليها وضووا على عرب ثر الابل عندهم فالرجال قال لولده اياني وياك تحاكى.الولد متقلد سيفه وشكله يروع وكنه ابوزيد والاب يبي يخوف العرب فيه عشان ما يجحدون الابل.
المهم العرب يوم شافوهم هابوهم وقلطوهم وهبوا في ريحهم وقاموا يسولفون ومن ظمن سوالفهم واحد يسولف عن ثعل مغلوث درع في غنمهم.
فقال الولد:حنا صدنا ثعل هذا طول اذنبه ومد ذراعه
فابوه قرط في لحيته وبلق عيونه
فقال:هذا طوله ومد نصف ذراعه
فكرر الاب فعلته
فقال الولد:هذا طوله ومد كفه
فكرر الاب فعلته
فقال الولد: تصدقون ان ماله ذنب
++++++++++++++++++++++++++++++++++++++++++++++++++ +++++

لحوول · #2 27-07-2004, 02:43 AM

هاهاهاهاهاهاهاهاهاهاها والله الصديع استغفرالله اول سالفه اشدنه مقطر قاازه يعيطك الف عاافيه زبوون كيمو شكرررن

المستشار · #3 27-07-2004, 02:26 PM

خلوها ،،،، حلووووووووووة

ذكرتني بالملقوف اللي أم في الناس وقرأ " وإذا جاء نصر الله والفتح" ودقر وعادها كم مرة يبي أحد يكملها ، قام نفس الشيبة الفاصخ في مشاركتك أعلاه وقاله:

>>>>>>>وإذا ما جاء راح نطول في الصلاة<<<<<<<<

ههههههههه

يعطيك العافية يا زبون كيمو

الجنوبـــــي · #4 29-07-2004, 12:02 AM

ههههههههههههههههههههه
هههههههههههههههههههههههههههه
هههههههههههههههههههههههههههههههههه
زبون كيمو
ياسلام عليك وعلي سوالف

ابداع في كل شي قصص ونكت وسوالف طيبه

المــــ زبون كيمو بـدع