سعد علوش ...... يا انيقه

[غيام]

بعد غياب
اقدم لكم لوحه نادره جدا لا تشبه احد وليست لأحد..
واذ تكلمت عنها كــ قصيده فهي مخلوق جميل يجعلنا نفكر في اشياء لا تعنينا بشئ
سعد صامت لدرجة الازعاج ..
احيان اكرهه من شدة اعجابي به
لكنه دائما يجعلني اقول للشعر ما اجملك

يا أنيقة آسف بشدة على هالحوسه=غرفتي تشبه كثير أوضاعي المحيوسه
ما توقعتك ابد بتجين.. فاجأتيني=عالعموم الله يحيي الطله المحروسه
وقفي.. لحظات بين عيوني التعبانه=لين ارتب لك اريكة قلبي المشموسه
واجلسي بين الزراير والحشا الافريقي=واذني للبكي.. بيذاكر معاك دروسه
شاعرك فوضاه علمته يرتب حبك=انتي ثم الحزن.. ثم دموعه المحبوسه
والدموع اللي على وصلي ووصلك تنزل=ترفع بنزولها.. اعلامنا المنكوسه
هذا انتي ماني مصدق ولاني مكذب=آآآه من برد الجفا ورياحه المتروسه
وايه حنا ناس غير الناس يا حوريه=رووسنا ماهيب لضعاف البشر مريوسه
لا افترقنا نبتسم.. واليا التقينا نبكي=ويافديت جنوننا واشياءنا المعكوسه
مرحبا ترحيبة البدو العزيب الرحل=بالمطر لا اروى الهشيم الماحل المعبوسه
صح هذا انتي وهذا عطرك.. السمياكي=وهذي بوهة وجهك اللي بالضحى محموسه
وهذي ربطة شعرك البيضا وذي خصلاته=كنها في زيت زيتون الشفق مغموسه
ما تغيرتي وهذا المعطف العنابي=وهذي ساعة يدك المحظوظه المنحوسه
لاهي اللي طالت اصابعك واتشابكها=ولاهي اللي قريبه من عاتقك وتبوسه
وهذي مشيتك اللي من صغرك ما غيرتيها=هالبشر يخجل يضر القاع ولا يدوسه
الجمادات الرذاذ تهمس لامريتي=مرحبا.. يالناعس.. المحشومه.. الطاووسه
قولي والله انك انتي معي ماني مصدق=لاتلومين الحواس الشرد المهووسه
كل ما غنن لي الغيد بصوت مواصل=شلها قلبي وركبها على منكوسه
صورة فالبال لك كم عام تتخيلها=اقرب احيانا من المحسوسه الملموسه
وانتي لو ماكنتي فيدي ولا كنتي لي=لحظتك عن عام كل ليلية مع.. عروسه
لأنك الافخم اسم والابسط انسانيه=ولأنك الوجه التقي والطيبة المغروسه
ولأني احبك محبة عمق ماهي نزوه=اسمى من حب الجسد واهل الهوى ونجوسه
يا انيقة آسف بشدة على هالحوسه=لهجتي تشبه كثير اوضاعي المحسوسه
ما سألتك ليه جيتيني ولا ضيفتك=مابي اخرب على جو الوصل وطقوسه
ليه جيتي اسألك وانا اعرف وش جابك=طاب شجر الغاب والحطاب قرب فوسه
لا تقولين اني ارخصتك وانا ما ارخصتك=ولا تقولين اشتراك المشتري بفلوسه
ولا تقولين ان هالمرة هي آخر مره=اتركي لي حلم بعد احلامي الميئوسه
انا شاعر حلمه اللي سوى منه شاعر=الذهب.. والعالم الجديد.. دم ضروسه
يا انيقة لوخذوك وسافروا بك عني=الارض صدري والسفر من قوسه الياقوسه
ليت صيت الجد ما ينفع سخيف احفاده=وليتها هالحين وان لكل شارب موسه
وليت.. نقطه نقطه نقطه نقطه نقطه نقطه=مابي اغلط فالزمن والعالم المنفوسه
ماعرف شاقول.. ولا اعرف ويش اسوي=الحزن طلت من ابواب الليالي روسه
انسي كل اللي حصل هاللحظة وضميني=يا خسارة عمري اللي راح وياناموسه
والله ان امه دعتله تحت باب الكعبه=واحد حطك ف بيته يالغلا.. عروسه

س.ع

اعذروني على الاخطاء ان وجدت

[فزاع]

اول شي الحمد لله اني اول واحد
يرحب بعودتك الغاليه علينا جميعأ

وياهلا والله ومرحبا فيك

ومنور المنتدى بطلتك يالغالي

ثاني شي يسلمو على اللفته الرائعه
والقصيده الجميله والممتعه اللي مامليت قرايتها

وهذا الابداع ماهو غريب عليك وعلى المرعب سعدعلوش

يعطيك العافيه ولاهنت


هنا نقف


انسـي كـل اللـي حصـل هاللحظـة وضميـنـي
يـا خسـارة عـمـري الـلـي راح ويانامـوسـه
والله ان امــه دعتـلـه تـحـت بـــاب الكـعـبـه
واحــد حـطـك ف بيـتـه يالـغـلا.. عـروســه




اطيب تحيه

ر
م
ا
ن

[بــ راكان ــنت]

غيام
اشكرك على نقلك المبدع.. لشاعر مبدع

انسـي كـل اللـي حصـل هاللحظـة وضمينـي
يـا خـسـارة عـمـري الـلـي راح ويانامـوسـه
والله ان امــه دعتـلـه تـحـت بـــاب الكـعـبـه
واحــد حـطـك ف بيـتـه يـالـغـلا.. عـروســه

صح لسان بو جابر..
وصح يمينك..

Dr.Corvette

[الجامحه!]

غــيــام .. يااهــلا ومــرحبــا بعوودتـــكـ .!


اخــتيــار راائــع اهنــيك على ذاااائــقتك..!


صــح ـح لسـانكـ ولســان سـعد عــلوش


لاهــــــنت!.

[@بنت الشيوخ@]

صح الله لسان شاااعر ابن علوش..واهنيك على اختيارك الاكثر من رائع..

تقبل مروري...

[غيام]

اهلا سيد رمان

مرور جميل مثل ............. ؟

ولو المفروض اعتب عليك بس اخليها في وقتها

تقبل مني كل الحب والتقدير

[الاحرش]

يعطيك العافيه


ولاهنت


على النقل الرائع

[الخيال الحر]

يعطيك العافيه


ولاهنت


على النقل الرائع

وصح الله
لسانك
ولسان
من قال
القصيده

[غيام]

بنت راكان

العفو ومشكوره على المرور الجميل

تحياتي لكــ

[غيام]

المشاركة الأصلية كتبت بواسطة الجامحه!

غــيــام .. يااهــلا ومــرحبــا بعوودتـــكـ .!


اخــتيــار راائــع اهنــيك على ذاااائــقتك..!


صــح ـح لسـانكـ ولســان سـعد عــلوش


لاهــــــنت!.

المهلي مايولي

الرائع مرورك وصح بدنك

احتراماتي