************ تغير حالي ***********

[السيف المكسور]

يارب يسر لي أمري وسهل دنيتي
ورجعلي زمان كان فيه عزي وقوتي

يكفين ماجان وماشفت عرفت قدري
وعرفت وش كان بيدي و قدرتي

عرفت طبع الناس وأقاربي وأسرتي
لاقريب ولاغريب ولابعيد حتى مرتي

ياشينها وياصعبها دنياك يا الفقير
ويازينها والله من دنيا عاشها غني

فقدت ترحيب وفقدت بسم الناس لي
ياكثر وجيه تغيرت يوم تغير حالي

عرفت بغناي وش علي وش لي
وعرفت أن قدري عندهم بقدر مالي

لقيت أن الرجال بينهم توزن بالريالي
أصير شيخ لا صار مليون بحسابي

يارب أسألك بهالدنيا الدنيه بس مليار
أشوف بها الكل يتمنى يصير لي جار

وأبني لي قصر أفخم من أفخم دار
يدور راس داخله من القهر كنه رادار

ويسمى على أسمي ألف ألف ولد بار
وكلن يدعي قربه لي يبي الأفتخار

حسبي عليك دنيا الطيب صاربها حمار
والقاسي العاصي ذيب ولو كان غدار

فقدت نوم اليل وصرت دوم محتار
وياكيف ينام من بصدره جمر ونار

يالله يارب الكون يا العزيز الجبار
ياكاشف الضر ياالله ياالعلي القهار

اسئلك ياربي إن تخلي لي أهلي
هم في الشدايد مالي وعزي وعزوتي

السيف المكسور

[الخيال الحر]

يكفين ماجان وماشفت عرفت قدري
وعرفت وش كان بيدي و قدرتي

صح الله لسانك يالغالى ...وتسلم اناملك الذهبيه

[السيف المكسور]

صح بدنك يا غالي
وشاكر ومقدر مرورك الكريم

[@بنت الشيوخ@]

صح لسااانك ولاهنت ......رااااااااائع
.................................................
تقبل مروري وخالص تحيااتي

من اختكــ...@بنت الشيوخ@

[السيف المكسور]

حياك الله بنت الشيوخ
شاكر ومقدر مرورك

[محمدالعمار]

السيف المكسور اسمحلي على التعليق



القصيده مكسوره يبي لها مراجعة الوزن والقافيه
والله يعينك على الترميم بيطول ليك.

ومن ناحية التركيز انت ركزت جماليات ايصال الفكره ولكن الوزن والقافيه ماركزت عليها.

تقبل نعليقي بصدر رحب تراني اخوك فالله.

[السيف المكسور]

محمد العمار
شاكر ومقدر مرورك
وبالعكس تعليقك فخر لي لأنها أول قصيدة أكتبها بحياتي لكن زي ما تقول مشاعر

[الاحرش]

صح الله لسانك

[السيف المكسور]

صح بدنك