ناديت تبغى وصالي وقلت لعيونك .. ابشر سرينا لكم من دار (ابن ثانـي )

[@الشيــــــــــــنه@]

مسكت خط الملاقا وصرت مجنونك
كل الهدف من مسيري دعج الأعياني


ياموتري شد عزمك لايطوفونك
وافهق جميع المواتر صاحبك عاني


واحذر من التعبيه فيها يلدونك
القلب حن وغزير الشوق وداني


مدامني يمهم ماسك دركسونك
وطبلونك يقول ارفق لو على شاني


للصاحب اللي يقول اصبحت مفتونك
انا اشهد انه من الريان عناني


ياجعل جيل ٍ معاه اجيال يفدونك
القلب طاير وانا هديه بألحاني


ناديت تبغى وصالي وقلت لعيونك
ابشر سرينا لكم من دار (ابن ثاني)


ناصين حي السويدي لخاطر عيونك
والشوق عثر جري دمي بشرياني


أصد عن ذالبشر خايف يشوفونك
لامن تنهدت والا وسط الأعياني


مادامك فقلبنا أصدرت قانونك
انت الحكم يالمها وخلني الجاني


براق وصلي قدح من واسط مزونك
الشوق معه المحبه وبل وداني


ياليتهم ليتني من اللي يزورونك
لاشك مالي عذر يمك وبرهاني


وادري ورى الباب به ناس ٍ يردونك
والا إنت ودك قبل لاصل تلقاني


لاشك انا جيت ولاتبعد بك ظنونك
الشوق ياللي عديم النوع سراني


مالي مقاصد سوى قولتك وشلونك
تنعش فؤاد ٍ من عنا (دار ابن ثاني)


الشــــــاعر ناصر الشهواني الهاجـــري