قصيدة للشاعر عبدالهادي بن محيثل الغريري الدوسري

[الزايــــدي]

السلام عليكم ورحمة الله وبركاته ,,,

هذه اول مشاركة لي في هذا المنتدى واتمنى ان تحوز على رضاكم

وهذه قصيدة للشاعر عبدالهادي بن محيثل الغريري الدوسري يسند بها على

احد جماعته وهو عيد بن قريع المرشد الغريري ..

بديت انا مرقب في نايف الجالي = ذكر على القلب هاجوسه وطاريه

ساعة بديته ودمع العين همالي = غرق هدومي وحوّل صوب رجليه

يا عيد انا من طويل الرجم عزالي = عزي لقلبٍ كثيراتٍ طواريه

يا عيد واركب على اللي يهذل هذالي = من منوةٍ للخلاوي ضارب النية

لمن زمالك بعيد الخد بمثالي = ارخ الرسن واخف له بالرجل ماريه

خلك كما سبغ حقق شوف الازوالي = مع الشفق يوم زانت له معاديه

دور وليف حبيب وعندنا غالي = ابو جديل على الامتان مثعية

سمح القبل صاحبي زين التبهلالي = والعين عين الوحش في راس مبريه

يالله عسى ما ندور فيه الابدالي = حيثه هوى القلب ولا لي بغيره بقيه

[دغري]

يعطيك العافيه

[فيصل بن حجرف]

السلام عليكم

لاهنت اخوي الزايدي

وصح لسان الشاعر عبدالهادي بن محيثل الغريري الدوسري

تحياتي

[عزوف]

يالله عسى ما نـدور فيـه الابدالـي *** حيثه هوى القلب ولا لي بغيره بقيـه


روووووعه يالزايدي صح لسانك ولسان الشاعر

يعطيك الف عافيه وبانتظار المزيد

تحياتي

[العماني]

لا هنت يالزايدي على هذه القصيدة الجزلة للشاعر الغريري

ننتظر جديدك

تقبل تحياتي،،،